medidas encontradas
1

Plan Nacional de Transición Enerxética.

Vamos crear un Plan Nacional de Transición Enerxética que movilice la inversión público-privada n’eficiencia enerxética y enerxíes verdes nun 1,5 % añal del Productu Interior Brutu (PIB) per un periodu de venti años. La fin ye tresformar l’aparatu productivu, el modelu inmobiliariu y el sistema de tresportes p’avanzar hacia una economía baxa en carbonu y caracterizada pol usu de fontes d’enerxía renovables.

L’aplicación d’esti plan va permitir una disminución del 30 % del consumu nacional d’enerxía primaria, mentanto qu’una gran parte del consumu restante va cubrise de manera autóctona per aciu d’enerxíes renovables a la final de la so aplicación, reduciendo d’esta miente la dependencia enerxética. Vamos consiguir una reducción mui sustancial de les emisiones de CO2 y un impactu fuerte sobre l’empléu, tanto en sectores llaborales que sufren el paru asociáu al acabu de la burbuya inmobiliaria como en sectores profesionales de cualificación técnica alta. Nel primer añu de funcionamientu del plan van crease 300.000 empleos estables, cifra que va xubir a los 400. 000 na fase final. Esti plan Nacional encontia en dos grandes pegollos:

Plan Nacional d’Aforru Enerxéticu: orientáu a impulsar l’ameyoramientu de la eficiencia enerxética nos edificios, pero tamién nel tresporte, la industria y los sistemes de distribución llétrica. El carrastiellu d’esti plan ye la rehabilitación de 200.000 viviendes al añu dende’l primeru, p’abordar l’aisllamientu térmicu, la instalación de sistemes de calefacción y agua caliente eficientes y la illuminación de consumu baxu. Estes reformes van producir un aforru d’hasta’l 80 % de la demanda d’enerxía de les viviendes rehabilitaes.

Plan Nacional d’Enerxíes Renovables: centráu na espansión y instalación d’enerxíes renovables llimpies tales como la solar, la eólica, la xeotérmica, la pequeña hidrollétrica y la biomasa d’emisión baxa.

Esti plan inclúi tola cadena d’investigación, desarrollu, fabricación y instalación y va tar particularmente orientáu a reducir drásticamente’l consumu de combustibles fósiles en xeneración llétrica, creando amás un texíu industrial propiu d’altu valor añadíu. Dambos planes tienen que s’organizar de manera que se priorice la democratización y redistribución del procesu de xeneración y distribución enerxética, pa que la propiedá de los sistemes de producción nuevos permaneza en manes de Conceyos, consumidores o empreses pequeñes.

2

Derogación del Real Decretu 900 / 2015, de 9 d’ochobre, y aprobación d’una normativa que permita’l desarrollu del autoconsumu llétricu.

Vamos derogar el Real Decretu 900 / 2015, de 9 d’ochobre, sobre autoconsumu llétricu y vamos aprobar una normativa que permita’l so desarrollu, coles siguientes característiques básiques:

La enerxía autoconsumida instantáneamente queda llibre de cualquier tipu d’imposición.

La enerxía vertida al sistema llétricu va retribuyise de manera xusta por parte de la empresa comercializadora (per aciu la cancelación de la cantidá de quilovatiu hora consumida de la rede o per mediación d’un saldu económicu).

Establecimientu d’unos trámites alministrativos áxiles.

3

Impulsu y desarrollu d’infraestructures verdes.

Vamos impulsar les infraestructures verdes (redes de tresporte colectivu, tresporte ferroviariu, eficiencia nel usu del agua, reforestación, etcétera) y los planes d’investi gación, desarrollu y innovación (I+D+i) específicamente diseñaos pal desarrollu de tecnoloxíes verdes que, en particular, proporcionen formes nueves d’almacenamientu d’enerxía, vectores enerxéticos nuevos y nueves capacidaes de modulación de la lletricidá xenerada, como l’hidróxenu o la solar termollétrica, que permitan optimizar l’aprovechamientu de les enerxíes renovables nel sistema llétricu.

4

Adopción progresiva d’una enerxía 100 % renovable en toles dependencies de l’alministración pública.

Vamos contratar, de manera progresiva, el 100 % de la enerxía renovable en toles dependencies de l’alministración pública per mediación d’una comercializadora llétrica qu’ofreza esi serviciu.

5

Compromisu públicu de nun autorizar instalaciones de fracking.

Asumimos el compromisu públicu de nun autorizar instalaciones de fractura hidráulica (fracking).

6

Realización d’una auditoría de costos de tol sistema llétricu.

Vamos llevar a cabu una auditoría de costos de tol sistema llétricu que determine los costos reales de producción de la lletricidá con cada tecnoloxía, y tamién los costos asociaos a los servicios de tresporte y distribución. De la mesma manera, vamos realizar una auditoría de la delda asociada al déficit de tarifa.

7

Cambiu del marcu regulatoriu pa que toles fontes d’enerxía reciban una retribución razonable basada nos costos reales de producción.

Vamos camudar el marcu regulatoriu de manera que toles fontes d’enerxía reciban una retribución razonable basada nos costos reales de producción. Esta retribución va proporcionar ventayes comparatives a les fontes de menor impactu ambiental. Amás, el marcu nuevu va acabar colos beneficios inxustificaos de les centrales nucleares y hidrollétriques.

8

Establecimientu de controles efectivos qu’impidan práctiques oligopóliques nel sistema llétricu.

Vamos establecer controles efectivos pa impedir práctiques oligopóliques nel sistema llétricu, incluyida la integración vertical. En particular, va estudiase la posibilidá de separar la propiedá y la xestión de les redes de distribución.

9

Protagonismu de les enerxíes renovables na planificación del sistema llétricu.

Vamos asitiar les enerxíes renovables en sitiu central de la planificación del sistema llétricu. Mentanto sían necesaries, el restu de tecnoloxíes van funcionar como apoyu a les anteriores. Nesti sen:

  • Vamos estudiar de cuántes centrales de ciclu combináu se pue prescindir ensin que varien los estándares actuales de garantía de suministru. Les centrales de ciclu combináu prescindibles nun van recibir nengún tipu de pagu por capacidá.
  • Vamos proceder al piesllu paulatinu de les centrales nucleares en funcionamientu nel Estáu español.
  • Vamos llevar a cabu’l piesllu progresivu de les centrales de carbón.

L’abandonu progresivu de fontes d’enerxía rellacionaes coles centrales de ciclu combináu, nucleares o de carbón va efectuase nel marcu d’una transición xusta pa los trabayadores d’estes industries, de manera que se garantice la so recolocación progresiva en sectores llimpios n’igualdá de condiciones.

10

Recuperación de les centrales hidrollétriques por parte del Estáu.

Vamos promover la recuperación por parte del Estáu de les centrales hidrollétriques con concesiones a empreses privaes que caduquen. De la so xestión van encargase les confederaciones hidrográfiques, el Ministeriu de Mediu Ambiente y l’operador del sistema.

11

Garantía por llei del accesu a un suministru mínimu.

Vamos desarrollar una llei orgánica que garantice l’accesu a un suministru mínimu. Consideraremos l’accesu a la enerxía como un serviciu públicu, independientemente de que sía xestionada por instituciones públiques o privaes. Nun se va proceder al corte de suministru de lletricidá o gas cuando se trate de la vivienda habitual del consumidor y cuando l’impagu de la factura se deba a motivos ayenos a la so voluntá y, en particular, a una situación de probeza sobrevenida.

  • Va establecese un mínimu vital de lletricidá y gas mensual por casa. En tando constatada una situación de probeza, el pagu d’esi suministru mínimu vital nun pue suponer más del 10 % de los ingresos mensuales de la casa. Los servicios sociales van determinar la cantidá exacta que cada casa en situación de probeza ha pagar pol suministru mínimu.
  • El consumidor va tener derechu a les mesmes condiciones d’accesu al suministru pel periodo d’un añu, un derechu que se va poder ampliar añalmente y de manera indefinida mientres la situación de probeza persista.
  • Les compañes suministradores nun van poder repercutir la correspondiente cayida de los ingresos al restu de consumidores o esixí-yla al Estáu.
12

Diseñu d’una propuesta alternativa a la Estratexa Enerxética de la Comisión Europea.

Vamos diseñar una propuesta comunitaria alternativa a l’actual Estratexa Enerxética de la Comisión Europea, qu’evite la promoción del gas natural, la construcción d’infraestructures gasístiques como exa enerxética de la Unión Europea y la creación d’una arquitectura llegal internacional qu’aumente’l poder de les grandes corporaciones enerxétiques frente a los Estaos (exemplificada pol TTIP, sigles n’inglés del Tratáu Tresatlánticu de Comerciu y Inversión).

13

Identificación de los costos de transición de la competencia

Vamos promover una declaración de la Comisión Europea na que s’identifiquen los costos de transición a la competencia (CTC) como ayuda illegal del Estáu.

14

Participación ciudadana y auditoría pa la execución de grandes infraestructures.

Vamos apostar pol acabu de les obres de toles inversiones en grandes infraestructures que yá tean axudicaes (AVE, autopistes, aeropuertos, dársenes portuaries) y pola paralización de toles que nun fueren axudicaes.

  • Vamos realizar una auditoría de les grandes infraestructures pa clarificar la naturaleza de les decisiones de cada construcción y los sos costos reales, cola fin d’establecer responsabilidaes y evitar que se repitan los casos d’aeropuertos pantasma, autopistes de peaxe vacíes o iniciatives como’l proyectu Castor de Castelló.
  • Tamién vamos establecer mecanismos de tresparencia y participación ciudadana nes contrataciones de grandes infraestructures. Estos métodos nuevos de decisión van incluyir les variables social, ambiental y económica, de manera que siempre resulten sostenibles nestos trés ámbitos.
15

Les bicicletes como base d’una movilidá urbana sostenible.

Vamos facilitar l’accesibilidá de los ciclistes a los tresportes de la rede de cercaníes y de metro en toles árees urbanes y metropolitanes.

  • Amás, vamos diseñar alternatives de xestión financiera de les actuales concesiones de tresportes públicos. Vamos auditar los contratos vixentes, de manera que s’analicen los errores cometíos y se renegocien los contratos d’operación y mantenimientu p’asegurar la calidá y la seguridá de los servicios.
  • Vamos impulsar los tresportes llétricos, sobre manera nes ciudaes grandes.
16

Garantía d’accesu al tresporte públicu.

Vamos asegurar l’accesu al tresporte públicu y garantizar el derechu a la movilidá a toles persones mediante una tarificación especial o gratuita pa la población en riesgu de probeza y esclusión social, y tamién pa los paraos de llarga duración.

17

Pactu Nacional pola Economía Productiva.

Vamos ellaborar un Pactu Nacional pola Economía Productiva que sía quien a impulsar un acuerdu multillateral ente gobiernu, patronal y sindicatos pol desarrollu industrial, que faiga pivotar el centru de gravedá dende una lóxica financiera hasta una lóxica productiva. D’esta miente, vamos asitiar nel centru de les prioridaes industriales la inversión productiva y la xeneración de valor a mediu y llargu plazu, frente a la lóxica de la maximización del valor accionarial que se vieno xeneralizando na xestión empresarial. En tou casu, la reindustrialización nun pue basase nuna apuesta pola competitividá a traviés de los precios, yá que, al descansar esta de forma esclusiva na reducción de los costos llaborales y na contención de la demanda doméstica, consolida una especialización inadecuada incapaz de xenerar empleos de calidá y salarios dignos.

18

Apoyu a los clústeres pa revertir el procesu de desindustrialización.

Vamos tornar el procesu de desindustrialización, vamos impulsar una diversificación productiva nueva y vamos potenciar un texíu productivu innovador volcáu nel desarrollu de les pymes, identificando aquellos sectores emerxentes conectaos coles industries de rede.

  • Los clústeres, entendíos como preseos básicos de cooperación ente les empreses más dinámiques d’un sector y les alministraciones públiques, los centros d’investigación y les universidaes, han convertise en ferramientes amañoses pa esparder les meyores práctiques, impulsar la innovación y ameyorar la productividá global nes empreses del sector. Pa ello, vamos promover una conexón nueva ente lo global y lo local mediante l’impulsu de los clústeres industriales actuales, la so vinculación con plataformes de desarrollu rexonal y la estensión de les bones práctiques que yá existen en dalgunos d’ellos.
19

Aumentu de la diversificación industrial y apuesta pol desarrollu de los servicios avanzaos.

Vamos aumentar la diversificación industrial al apostar pol desarrollu de los servicios avanzaos, tanto los destinaos a les empreses (investigación y desarrollu, inxeniería, diseñu, marketing, mantenimientu y reparaciones, loxística y distribución) como los comerciales y financieros, sobre manera los qu’atienden directamente a les rellaciones ente empreses.

20

Creación de comités estratéxicos sectoriales.

Vamos crear comités estratéxicos sectoriales que permitan diagnosticar les necesidaes de cada ámbitu. A traviés del diálogu con tolos actores implicaos vamos promover iniciatives destinaes a superar los principales retos de cada sector.

21

Impulsu d’una política industrial centrada nel desarrollu de competencies específiques.

Vamos impulsar una política industrial centrada tanto nel desarrollu de competencies específiques nel terrén de los activos intanxibles, l’accesu a la tecnoloxía, los conocimientos de xestión n’equipu y la participación de los trabayadores como na diversificación de la presencia xeográfica de les empreses.

22

Apuesta poles cláusules sociales y la contratación pública como preseos de xeneración de valor social.

Vamos potenciar l’aplicación efectiva de cláusules sociales pal accesu a los concursos públicos basaos en compromisos de creación d’empléu, desarrollu local, cohesión social y responsabilidá social corporativa (RSC). Vamos eliminar los pilancos y les condiciones discriminatories que puedan impedir o perxudicar la competitividá de dalgunes d’estes empreses nel so accesu a los sistemes de contratación pública, al tiempu que vamos favorecer los sistemes d’autorización o llicencia non sometíos a la normativa de contratación pública y permitíos nes directives europees, pa la provisión de la xestión de servicios sociales públicos o a cargu d’entidaes ensin porgüeyu económicu.

23

Puesta en marcha de fondos d’inversión soberanos de carácter públicu.

Vamos poner en marcha fondos d’inversión soberanos de carácter públicu, lo mesmo que tán faciendo dalgunos países europeos, como estratexa pa evitar el riesgu de desnacionalización o esmembración d’empreses estratéxiques y tamién pa impedir que los fondos utre garren el control de compañes decisives pal texíu productivu.

24

Refuerzu de la competencia en sectores estratéxicos.

Vamos reforzar la competencia en sectores estratéxicos (sector enerxéticu, sector financieru, sector de telecomunicaciones), lo que va provocar un abaratamientu de l’actividá productiva a escala estatal y va permitir reducir los déficits competitivos estructurales del nuestru texíu productivu. Nesti sen vamos retomar les midíes d’apoyu a les enerxíes renovables y el so papel relevante nel ámbitu de la investigación y la innovación.

25

Modernización de los servicios de les telecomunicaciones.

Vamos modernizar los servicios de les telecomunicaciones y, en particular, vamos impulsar el despliegue de les redes de fibra óptico con una regulación adecuada que permita abrir el mercáu actual.

26

Reorientación de la inversión n’infraestructures públiques

Vamos reorientar la inversión n’infraestructures públiques rellacionaes cola construcción residencial y el tresporte per carretera hacia infraestructures productives y tecnolóxiques que posibiliten la transición al modelu productivu nuevu (infraestructures enerxétiques y de tresporte colectivu, pero tamién de telecomunicaciones y suministru d’agua, ente otres).

27

Desarrollu de la intermodalidá mediante la meyora de les conexones ferroviaries de los puertos.

Vamos desarrollar la intermodalidá per medio de l’ameyoramientu de les conexones ferroviaries de los puertos. El 60 % de los contenedores que se mueven nos cinco principales puertos españoles faenlo en tránsitu hacia otros países; polo tanto, el principal desafíu estratéxicu ye incrementar la oferta loxístico-portuaria española con una meyora na conexón ferroviaria de los puertos que los potencie como ñuedu intermodal.

28

Reorientación del sector de la construcción.

Vamos reorientar el sector de la construcción hacia actividaes de rehabilitación, meyora de la eficiencia enerxética n’edificios y construcciones, domótica y adaptación a les necesidaes sociales nueves, pa favorecer el saniamientu urbanísticu.

29

Repartu de la renta agraria y adaptación de la normativa de los sectores agropecuariu y pesqueru.

Vamos reformar el modelu de negociación y aplicar la Política Agraria Común (PAC) nel Estáu español col oxetivu prioritariu d’ameyorar lo mesmo’l repartu de la renta agraria como la promoción del interés públicu y ambiental. Vamos desarrollar iniciatives de creación y adaptación normativa dirixíes a articular un sector agropecuariu y pesqueru basáu en criterios de diversificación, sostenibilidá, economía social y familiar. Amás, vamos orientar la producción estensiva hacia l’apuesta estratéxica de la soberanía alimentaria.

Vamos promover l’adecuación y la innovación normativa nel sector pesqueru pa cumplir los oxetivos sociales y ambientales previstos (pero tovía incumplíos), cola fin de programar transiciones graduales ente les distintes artes pesqueres y ameyorar el diseñu de baremos y el repartu de cuotes.

30

Programa Nacional d’Introducción a la Investigación.

Vamos estimular la vocación científica, incentivando l’empiezu de la carrera científica n’estudiantes xóvenes con talentu. Con esta fin vamos poner en funcionamientu un Programa Nacional d’Introducción a la Investigación, orientáu a estudiantes de grau que destacaren nos últimos años de carrera, col oxetivu de qu’emprimen a conocer y desarrollar el trabayu d’investigación.

Vamos establecer convenios de collaboración con centros d’investigación d’escelencia del país y vamos contar col personal llaboral de cada centru.

Esti programa va incluyir criterios específicos de paridá y igualdá de xéneru pa fomentar una integración mayor de les muyeres na carrera investigadora. Vamos establecer convenios de collaboración con centros d’investigación d’escelencia del país y vamos contar col personal llaboral de cada centru.

Esti programa va incluyir criterios específicos de paridá y igualdá de xéneru pa fomentar una integración mayor de les muyeres na carrera investigadora.

31

Acercamientu de la ciencia a la sociedá: Centros d’Innovación Ciudadana.

P’acercar la ciencia a tolos ámbitos de la vida diaria, proponemos, per un llau, crear Centros d’Innovación Ciudadana, que van sirvir como puntu d’alcuentru ente la sociedá y la ciencia nos conceyos, cola collaboración de les Cases Conceyu y les universidaes. Van centrase na difusión de la ciencia, la innovación social y el desarrollu d’una auténtica ciencia ciudadana, una cultura de la curiosidá y el saber facer. Per otru llau, proponemos la creación de Science Shops, unidaes que, en collaboración con espertos, promueven la investigación mediante charles, proyectos y estudios técnicos que resuelvan les duldes y los problemes científicos concretos de la ciudadanía.

Paralelamente, vamos desarrollar una rede online de recursos científicos dirixida a tola sociedá, con actividaes que se puedan realizar en familia, en centros xuveniles, en centros d’adultos, etcétera.

Tamién vamos xenerar llazos ente estos centros, los centros educativos, les universidaes, los centros d’investigación, les empreses científiques y el conxuntu de la sociedá.

Van establecese visites escolares a los núcleos de producción científica, una iniciativa que va dir acompañada d’un trabayu de difusión de los beneficios sociales que suponen tales visites. Van desarrollase tamién actividaes de divulgación en centros de mayores.

32

Redefinición de la carrera investigadora.

Vamos diseñar una carrera investigadora basada nel méritu y qu’ofreza un progresu llaboral previsible a llargu plazu.

Vamos apostar pola creación d’una única carrera académica pa la universidá y pa los organismos públicos d’investigación (OPIS), mediante la unificación de los procedimientos de contratación, evaluación y méritu académicu.

Vamos crear una carrera profesional qu’incluya’l trabayu en llaboratorios y la xestión de la I+D+i.

Vamos incluyir una carrera investigadora hospitalaria, independiente de la docencia universitaria y que reconoza les peculiaridaes del contestu hospitalariu.

Vamos proceder a la revisión de la escala salarial, asociada al diseñu de la carrera investigadora, p’adaptala a les responsabilidaes de cada etapa y a la media europea.

Vamos introducir midíes dirixíes a amenorgar la desigualdá de xéneru existente, que crez de manera progresiva a lo llargo de les distintes etapes de la carrera investigadora.

33

Portal online d’investigación.

Cola fin d’aumentar la tresparencia na investigación pública, vamos crear un portal online d’investigación que va publicar la totalidá d’ufiertes de proyectos, convenios de collaboración y convocatories de tou tipu, incluyíes les de contratación y empléu realizaes por instituciones d’investigación públiques.

El portal va recoyer toles convocatories públiques d’I+D+i nun calandariu biañal, de cumplimientu obligáu, acordáu ente’l gobiernu, les comunidaes autónomes y otres axencies de financiación pública.

Tamién va incluyir una base de datos d’accesu abiertu colos perfiles d’investigadores, grupos d’investigación, universidaes, OPIS y proyectos d’investigación d’ámbitu estatal.

Va centralizar y publicar tola información estadística del Sistema Español de Ciencia, Tecnoloxía y Innovación (SECTI): númberu d’alumnos y alumnes, presupuestos, proyectos, etcétera.

34

Apuesta poles y polos investigadores senior.

Vamos aumentar un 100 % toles convocatories posdoctorales dependientes del gobiernu central.

Vamos potenciar la contratación indefinida y evaluable d’investigadores principales nel ámbitu estatal español.

Vamos ampliar la llista de centros receptores más allá de los OPIS cola inclusión d’universidaes y otres instituciones públiques d’escelencia.

Vamos definir y implantar el modelu evaluador d’eses incorporaciones.

Vamos ameyorar la difusión y l’impactu de les sos investigaciones.

35

Garantía del accesu a la cultura científica.

Vamos garantizar l’accesu a la cultura científica, con independencia de la situación personal, económica o de l’autonomía funcional:

  • Los museos de ciencia van ser gratuitos un día al mes, pa evitar diferenciaciones sociales nel accesu.
  • Vamos asegurar que tolos centros d’investigación, museos, feries y otros eventos científicos dispongan de planes d’accesu pa les persones con diversidá funcional.
  • Van fomentase xornaes de puertes abiertes en tolos centros d’investigación y universidaes pa la población de cualquier edá.
  • Los medios de comunicación públicos van ofrecer conteníos rigorosos y adecuaos, colo que se va establecer una conexón fuerte ente la sociedá y la comunidá científica. Amás, van crease espacios de divulgación y debate científicos, adecuándolos a los distintos grupos d’edá de los espectadores.
36

Recuperación del talentu xoven: convocatoria Margarita Comas

Dientro del nuestru Plan de Rescate de la Ciencia, presentamos la convocatoria estraordinaria d’una partida destinada a la recuperación del talentu xoven: convocatoria Margarita Comas.

Gracies a esta convocatoria, van contratase investigadores xóvenes que van poder establecese y crear llaboratorios nuevos nel nuestru Estáu. Los contratos van tener una duración de cuatro años y, al acabu, va poder concurrise a un procesu d’evaluación d’oxetivos y estabilización llaboral con un contratu indefiníu.

Esta midida de choque, xunto con otres de llargu percorríu que proponemos nel nuestru programa, va xenerar puestos de trabayu directos nel ámbitu de la investigación.

37

Pactu Nacional pa la Ciencia y la Innovación.

La política científica y d’innovación ha considerásela una cuestión d’Estáu. Va buscase un gran acuerdu con tolos axentes y los actores sociales p’asumir responsabilidaes y proponer futures meyores d’una manera coordinada, consensuada y independiente de los cambios políticos.

La execución d’esti pactu va conllevar la creación d’una Mesa pola Ciencia y la Innovación.

Va buscase llograr un compromisu coles empreses pa la contratación de personal frente a la obtención de beneficios a curtiu plazu, colos axentes financieros pa facilitar el creitu necesario pa desarrollar actividaes científiques y colos axentes tecnolóxicos y d’investigación pa facilitar la tresferencia de conocimientu.

38

Promoción de l’actividá innovadora nel texíu empresarial.

Vamos facilitar y promover la innovación ente les empreses españoles, sobre manera ente les pymes. Pa ello, vamos crear polos de conocimientu y desarrollu económicu especializaos n’árees y ámbitos determinaos y allugaos en diferentes rexones del Estáu.

Estos polos van promover y facilitar la interacción de tolos protagonistes de la cadena productiva, de manera asemeyada a los modelos internacionales (Poles en Francia, Fraunhofer Institutes n’Alemaña, Catapult en Reinu Xuníu) y nacionales (MCC-Mondragón Corporación Cooperativa o COVAP n’Andalucía).

39

Estímulu al retornu del talentu científicu emigráu.

Vamos entamar polítiques pa la creación d’empléu en sectores con altu valor agregáu. Vamos fomentar el llanzamientu d’ufiertes de trabayu en proyectos d’investigación a científicos emigrantes y investigadores estranxeros y vamos promover la movilidá y la internacionalización.

Vamos conceder subvenciones a les empreses basaes na tresferencia tecnolóxica y la innovación social.

Vamos convocar ayudes pa la creación d’empreses y proyectos científicos, tecnolóxicos y de tresferencia tecnolóxica con ufiertes de trabayu a investigadores españoles nel estranxeru.

Vamos convocar ayudes pal desarrollu de proyectos d’investigación y tecnoloxía d’asociaciones de científicos nel estranxeru.

40

Inversión na ciencia y I+D+i responsable.

Vamos devolver la inversión pública n’I+D+i a los niveles anteriores a la crisis y vamos apostar por devolver los oxetivos d’inversión n’I+D+i estatales a niveles europeos (2 % del PIB).

L’oxetivu ye algamar el 2,7 % d’inversión n’I+D+i del total de los Presupuestos Xenerales del Estáu (PXE) nel 2017, y el 3 % nel 2020.

Vamos asegurar que los empréstamos de fondos públicos a empreses desarrolladores d’I+D+i s’usen pa lo que s’idearon de mano, y non como subvenciones encubiertes, pa lo que vamos controlar que los fondos destinaos a la inversión n’I+D+i s’executen al 100 % de lo aprobao nos PXE.

41

Democratización de los OPIS.

Vamos lliberar los OPIS del control políticu y vamos fomentar la gobernanza propia de la investigación y la so proyección a llargu plazu.

Vamos proponer una democratización fonda de los OPIS pa promover la so autonomía de xestión y investigadora. Vamos reformar los estatutos de los OPIS y vamos desarrollar planes estratéxicos pluriañales adecuaos a cada organismu. La transición hacia la democratización institucional tien que dir acompañada d’una correlativa asunción de responsabilidaes y rindimientu de cuentes.

42

Creación d’un observatoriu pa la defensa de la tresparencia nel accesu y xestión de les instituciones investigadores y universitaries.

Cola fin d’acabar cola falta de tresparencia, sobre manera nos procesos de selección y accesu nes instituciones investigadores o universitaries, vamos crear un observatoriu pa la defensa de la tresparencia nel accesu y xestión de les instituciones investigadores y universitaries . Amás, l’observatoriu va actuar contra otros problemes sistémicos d’estes instituciones que provoquen arbitrariedaes y inxusticies nel accesu a la carrera docente y a la investigadora, como, por exemplu, la situación de precariedá del personal.

L’observatoriu va formar parte d’una futura axencia d’evaluación y va sirvir de sistema d’alerta sobre los problemes de tresparencia nos muérganos y procesos de les instituciones públiques d’investigación y universidaes. Va ser un organismu abiertu a la ciudadanía y receptivu a quexes sobre la falta de tresparencia y equidá nel sistema español d’investigación.

43

Investigación y docencia flexibles y autónomes.

Vamos promover una meyora del sistema públicu d’evaluación docente y investigadora que garantice la promoción de la innovación y l’autonomía en tolos niveles de la investigación y la educación.

Vamos cambiar les vieyes estructures de xerarquía piramidal con designaciones (y destituciones) feches pol Estáu y vamos avanzar hacia una gobernanza basada na meritocracia, na que los responsables de la xestión rindan cuentes sobre los resultaos énte’l Parllamentu, énte los propios colectivos xestionaos y énte la sociedá en xeneral.

44

Plan integral de llucha contra’l fraude.

Vamos poner en marcha un plan integral de llucha contra’l fraude qu’integre les actuaciones siguientes:

Desarrollu d’un estatutu básicu na Axencia Estatal d’Alministración Tributaria (AEAT) pa garantizar: la so autonomía, una dirección profesional y oxetiva, la erradicación del usu partidariu de la institución y la obligación de diseñar planes estratéxicos consistentes. El Parllamentu va nomar al director xeneral de l’AEAT.

  • Fomentu de la coordinación ente les distintes alministraciones tributaries qu’operen nel territoriu: va procurase la so integración en rede, el fluxu de la información mediante bases de datos integraes y l’adopción d’estratexes y oxetivos comunes.
  • Aprobación d’una llei añal tributaria y de midíes de llucha contra’l fraude y la elusión fiscal. Esta norma va recoyer les modificaciones llexislatives que se deriven de l’aplicación del contratu (programa a cinco años de l’AEAT nel exerciciu de referencia). La llei va debatise y aprobase en celebrándose’l control añal pol Parllamentu —cola intervención de les comunidaes autónomes— de los resultaos na xestión de los tributos realizada pola AEAT y polos servicios y axencies tributaries autonómiques.
  • Ufierta d’empléu públicu. Incrementu gradual del personal de l’AEAT, acordies coles sos posibilidaes loxístiques y les necesidaes de cualificación profesional.
  • Constitución d’una comisión d’espertos contra’l fraude fiscal que proponga midíes de contención de la volatilidá fiscal, la evasión, la erosión de bases y el treslláu de beneficios.
  • Aprobación d’un paquete de midíes contra los paraísos fiscales nel que s’aborden los aspectos siguientes: midíes pa conocer los titulares de les cuentes bancaries en paraísos fiscales, midíes sobre tresparencia financiera, midíes de supervisión y control, y midíes sancionadores. Estes midíes van desarrollase con atención especial al casu de los grupos multinacionales.
  • Eliminación de pantalles tributaries. Va revisase la fiscalidá de les sicav, les socimi, les sociedaes de capital riesgu y les Entidaes de Tenencia de Valores Estranxeros (ETVE) pa velar pola inversión productiva y la equidá fiscal. Va revisase la redacción de los convenios cola fin d’evitar la doble imposición pa incorporar normes antielusión.
45

Ampliación a diez años del plazu de prescripción de los delitos fiscales.

Tipificación del delitu fiscal a partir de los 50.000 euros defraudaos. Vamos rebaxar y homoxeneizar la cuantía pa considerar oxetivamente la comisión d’un presuntu delitu fiscal coles establecíes respecto a les defraudaciones a los presupuestos de la Unión Europea y a la Seguridá Social en 50.000 euros, pa lo que vamos ampliar el plazu de prescripción a diez años y aplicar les penes previstes actualmente pal tipu agraváu cuando l’importe de lo defraudao supere los 120.000 euros.

46

Reforma del IRPF.

Vamos reformar l’impuestu sobre la renta de les persones físiques (IRPF) cola ampliación del númberu y los tipos de tramos nes rentes de más de 60.000 euros añales:

  • Vamos aumentar el númberu de tramos del IRPF a partir de 60.000 euros, y vamos xubir progresivamente’l tipu marxinal de cada tramu dende’l 45 % actual hasta algamar un tipu marxinal del 55 % pa rentes superiores a 300.000 euros añales.
  • Vamos eliminar les deducciones que tienen un carácter más regresivu, porque d’elles benefíciense pocos contribuyentes, los que tán asitiaos, sobre too, nos tramos altos de renta. En tou casu, los beneficios fiscales van priorizar la protección de les condiciones de vida individuales y familiares.
  • Vamos correxir progresivamente la dualidá de la tarifa ente rentes del trabayu y aforru y la falta de progresividá d’esta última, p’avanzar hacia una tarifa única. La situación actual provoca desigualdá horizontal y vertical.
  • Vamos eliminar, con carácter xeneral, el réxime d’estimación oxetiva en materia d’actividaes económiques, porque xenera, per un llau, oportunidaes de fraude y elusión y, per otru, desigualdaes inxustificables. Esti réxime nun tien xacíu nun Estáu como l’español, onde toles empreses, incluso les más pequeñes, son quien a llevar rexistros contables.
47

Recuperación del gravame efectivu nel impuestu sobre’l patrimoniu y nel impuestu sobre socesiones y donaciones.

Vamos recuperar el gravame efectivu nos impuestos sobre’l patrimoniu y sobre les socesiones y donaciones. El segundu d’estos impuestos, el de socesiones y donaciones, va recayer en grupos con nivel de renta altu. Vamos harmonizar coles comunidaes autónomes les normes que regulen entrambos tributos, qu’han aplicase en tol Estáu, por causa d’equidá y de llucha contra’l fraude. Va establecese, amás, una tributación mínima non bonificable.

Vamos rebaxar el mínimu exentu nel impuestu del patrimoniu a 400.000 euros netos, frente a los 700.000 euros aplicables de manera xeneral, y vamos revisar les deducciones y bonificaciones esistentes. La primer vivienda va siguir tando exenta nel cálculu del impuestu hasta un valor de 300.000 euros.

Vamos favorecer, de manera coordinada con toles comunidaes autónomes, la derogación de les bonificaciones nel impuestu sobre socesiones y donaciones, que na práctica eliminárense o reduxérense sustancialmente pa grupos con un nivel de renta altu. Vamos revisar la cuantía del patrimoniu previu de los herederos usada pa fixar la tarifa del impuestu col oxetivu d’asegurar que les situaciones de probeza nun sían determinantes nes renuncies non deseaes a la herencia. Vamos acabar coles sicav tal y como les conocemos hasta agora: vamos regular el so réxime fiscal pa evitar qu’actúen como pantalles d’elusión fiscal de les fortunes grandes. Pa ello, vamos controlar el númberu real y efectivu de socios, y vamos establecer un periodu máximu de permanencia pa les plusvalíes acumulaes, y tamién un porcentaxe de participación máximu pa cada inversor. Otra manera, vamos establecer un límite máximu d’aportación pa caún de los inversores. Amás, vamos da-y a la AEAT la facultá pa comprobar el cumplimientu d’estos requisitos y pa ello vamor entamar un plan especial pa regularizar les situaciones fraudulentes que s’observen actualmente nel sector. Cuando l’AEAT compruebe qu’esos requisitos nun se cumplen y que, polo tanto, una determinada sicav nun ye real nin efectivamente una institución d’inversión colectiva, entós va aplicase’l tipu xeneral del impuestu de sociedaes.

48

Un impuestu de sociedaes más cenciellu y tresparente.

Vamos reformar a fondo l’impuestu de sociedaes, y impulsar la so harmonización internacional pa facelu mui cenciellu, tresparente y con unos tipos efectivos próximos daveres a los tipos nominales. Vamos garantizar, amás, que se mantengan les diferencies en función del tamañu y el tiempu d’actividá de la empresa, a diferencia de la situación actual.

Vamos apoyar y impulsar el proyectu de Directiva Accis, pa la determinación de la base imponible consolidada de los grupos multinacionales y el so repartu ente los países onde operen en proporción a les ventes, el capital y la masa salarial. L’oxetivu ye limitar les perdes de tributación asociaes a los precios de tresferencia.

Vamos eliminar los privilexos fiscales y la mayoría de les deducciones, pa lo que vamos controlar los aspectos clave, como los precios de tresferencia o la deducción de gastos financieros. Los beneficios fiscales que se mantengan han tar xustificaos debidamente atendiendo a los sos efectos sobre la productividá y la creación d’empléu.

Vamos introducir un impuestu mínimu pa les grandes empreses que contribuya a recuperar la recaudación d’este tributu y a estabilizala nel tiempu.

Vamos establecer un tipu diferenciáu en función del destín de los beneficios: un tipu estándar pa los beneficios distribuyíos a los accionistes (30 %) y un tipu inferior (25 %) pa los beneficios reinvertíos productivamente na empresa, en particular n’actividaes d’ampliación y renovación de bienes d’equipu y actividaes d’I+D+i. Esta reinversión de los beneficios ha verificala l’alministración y los representantes de los trabayadores.

Vamos eliminar les posibilidaes d’usar sociedaes como pantalles pa la elusión fiscal, pa disminuir la tributación de rentes consiguíes nel estranxeru o pa canalizar rentes particulares.

49

Cambiu de la imposición indirecta, en particular l’IVA.

Vamos camudar la imposición indirecta, mayormente l’impuestu sobre’l valor añadíu (IVA), pa contribuyir a la meyora del bienestar social. Vamos buscar una estructura de tipos que mantengan no posible la recaudación, pero qu’ameyoren l’ impactu redistributivu y limiten la so regresividá.

Vamos aumentar los alimentos y la bébora non alcohólico a los que s’aplica’l tipu superreducíu del 4 % (en tou casu, van excluyise aquellos pa los que resulte desaconseyable tal aumentu por motivos de salú pública) y vamos aplicar el tipu reducíu del 10 % a tolos suministros básicos (calefacción, gas, lletricidá) a los que se-yos aplica’l tipu xeneral del 21 % nesti momentu.

Vamos reducir el tipu aplicable a productos de gran interés social como son los productos culturales y escolares, lo que significa que vamos volver a la situación previa a la reforma del Partíu Popular (PP).

Va buscase una figura tributaria pa gravar artículos de luxu de forma que, polo menos parcialnente, compénsese la cayía de la recaudación como consecuencia de les reducciones anteriores.

50

Establecimientu d’una verdadera fiscalidá verde.

Vamos establecer una fiscalidá verde que desincentive l’usu de fontes d’enerxía contaminantes y incentive l’usu de les renovables y la eficiencia enerxética, y vamos impulsar la converxencia de la presión fiscal medioambiental española (1,6 % del PIB) hacia la media de la Unión Europea (2,4 % del PIB). Pa ello:

Vamos reformar los impuestos sobre los hidrocarburos y sobre’l carbón, y en particular vamos revisar los beneficios fiscales esistentes.

Vamos aplicar una exención del impuestu sobre la producción de la lletricidá pa les instalaciones renovables de menos de 100 quilovatios.

Vamos igualar los tipos impositivos sobre la gasolina y el gasoleu.

Vamos reformar l’impuestu sobre vehículos de tracción mecánica pa tomar en consideranza les característiques contaminantes de los vehículos.

Vamos estudiar la posibilidá d’establecer tases pol usu de determinaes infraestructures de tresporte.

Vamos estudiar l’aplicación d’impuestos de conxestión en ciertes ciudaes pa incentivar el tresporte públicu.

Vamos establecer un preciu mínimu nos derechos d’emisión de CO2.

51

Coordinación de los impuestos medioambientales de les comunidaes autónomes.

Vamos coordinar los impuestos medioambientales que s’esixen nes diferentes comunidaes autónomes, pa lo que vamos revisar aquelles ecotases que nun tienen oxetivos medioambientales, como’l canon eólicu.

52

«Impuestu de solidaridá» a les entidaes financieres privaes con carácter estraordinariu.

Vamos instaurar un «impuestu de solidaridá» pa les entidaes financieres privaes con carácter estraordinariu cola fin de recuperar de manera progresiva les cantidaes que’l sector recibió directamente en forma d’ayudes públiques. Esti impuestu va ser estraordinariu, va aplicase sobre los beneficios y va tener un carácter transitoriu durante una llexislatura.

53

Avance hacia l’impuestu sobre transacciones financieres.

Vamos llexislar de la manera más ambiciosa posible l’impuestu sobre transacciones financieres (ITF) pa controlar, rexistrar y desincentivar les transacciones más especulatives. Comprometémonos a que, como mínimo, l’Estáu español sía pioneru na implantación del acuerdu firmáu en 2012 por once países de la Unión Europea, que consiste n’aplicar un impuestu del 0,1 % sobre la compra y la venta d’acciones y bonos, y otru del 0,01 % sobre los productos derivaos. Esti impuestu van pagalu les entidaes bancaries, xestores de fondos de riesgu altu y otres instituciones financieres.

54

Acuerdu pola financiación territorial.

Na próxima llexislatura vamos impulsar un acuerdu nuevu de financiación territorial nel marcu d’una reforma constitucional que reconoza la dimensión plurinacional del nuestru Estáu. Pa ello, vamos entamar un procesu d’evaluación de los sistemes de financiación de les comunidaes autónomes, cola finalidá de promover un consensu sobre les reformes necesaries pa qu’ameyore la so eficacia en cuantes al cumplimientu efectivu de los principios d’autonomía, solidaridá interterritorial y llealtá institucional, nel marcu d’una Facienda federal. Vamos revisar tamién la financiación de les faciendes locales y provinciales p’asegurar la so capacidá d’atención a les necesidaes de la ciudadanía.

55

Meyora de la regulación del sistema financieru.

Vamos promover la separación plena de la banca minorista y la banca d’inversión. Esta separación na llinia del Informe Vickers, aprobáu apocayá nel Reinu Xuníu, o’l Volcker Rule, n’Estaos Xuníos, va evitar situaciones de riesgu moral nes que les actividaes especulatives arreyaes a la banca d’inversión puen amenazar la solvencia de los depósitos minoristes y, con ello, esixir rescates públicos a posteriori.

Vamos realizar una auditoría independiente de toles entidaes financieres que recibieren ayudes públiques pa determinar les que tien d’asumir el sistema bancariu priváu.

Vamos establecer un organismu públicu de carácter estatal de protección al consumidor bancariu y va ameyorase la protección institucional de tal consumidor. Vamos respaldar formes de financiación alternatives, como les cooperatives de creitu, la llamada banca ética o’l crowdfunding.

Vamos plantegar límites a la concentración de depósitos, al tamañu de los bancos y a la concentración bancaria. L’actual crisis económica produxo una concentración mayor del sistema bancariu. Ciertos bancos experimentaren un crecimientu escesivu y constituyen un riesgu sistémicu pa la economía, polo que ye menester limitar el riesgu moral asociáu al fechu de que son «grandes enforma pa quebrar». Pa ello, vamos estudiar la conveniencia d’imponer límites a la concentración de depósitos, empréstamos o otros indicadores bancarios; en definitiva, al tamañu de los bancos. Vamos emprimar la regulación de la llamada «banca na solombra». Vamos tomar midíes pa controlar y regular les actividaes financieres fuera de balance nel Estáu español, que, amás, insten a facer lo mesmo a los socios del Eurogrupu. Estes actividaes financieres fuera de balance permiten eludir la normativa bancaria, tresfieren el riesgu de creitu a terceros y producen un descontroláu nivel d’apalancamientu. Nesti sen, va avanzase na regulación pública de les titulaciones y de los credit default swaps (CDS).

56

Eliminación del secretu bancariu privilexáu de los paraísos fiscales.

Vamos esixir nos acuerdos internacionales la eliminación del secretu bancariu privilexáu de los paraísos fiscales, pa favorecer la desapaición de la estraterritorialidá y la deslocalización del capital financiero.

57

Creación d’una axencia europea de calificación independiente y pública.

Vamos apoyar la creación d’una axencia europea de calificación, independiente y pública. Esta midida va reducir les posibilidaes de que les empreses de rating sigan suministrando información asimétrica y mandando incentivos erróneos a los inversores privaos y públicos, poniendo con ello en peligru l’equilibriu macroeconómicu.

58

Constitución d’una potente y eficaz banca pública a partir de les entidaes nacionalizaes Bankia y Banco Mare Nostrum.

Vamos constituyir una potente y eficaz banca pública a partir de les entidaes nacionalizaes Bankia y Banco Mare Nostrum, pa lo que vamos renegociar los términos del memorandu d’entendimientu firmáu cola Unión Europea. Los criterios d’actuación de la banca pública han ser diferentes a los de la privada. Anque la rentabilidá va ser ún d’ellos (pa que funcione de manera sostenible), nun pue ser l’únicu y la banca pública tien de tar más orientada a financiar:

  • Infraestructures y equipamientos públicos.
  • Proyectos empresariales de llargu plazu dientro d’una política industrial coherente qu’apueste por superar les actuales carencies tecnolóxiques y de capitalización que tienen importantes sectores económicos. Colectivos sociales con problemes d’accesu al creitu, principalmente en rellación cola vivienda, y pymes.

Por too ello, la banca pública ha tener dos grandes exes d’intervención. La primera, basada na banca d’inversión y desarrollu, asemeyada al modelu del Kreditanstalt für Wiederaufbau alemán, que movilice los recursos necesarios del cambiu económicu y productivu. La segunda, sustentada nel desarrollu d’una banca pública d’aforru que permita a los depositantes tener una banca segura y centrada na protección de los depósitos y na atención a les necesidaes de financiación de los minoristes.

59

Conversión de la Sareb nun preséu de xestión d’un parque públicu de vivienda n’arriendu.

Vamos convertir la Sociedá de Xestión d’Activos Procedentes de la Reestructuración Bancaria (Sareb) nuna ferramienta de xestión d’un parque públicu de viviendes n’arriendu que dea atención especial al arriendu social, lo qu’esixe poner los activos inmobiliarios adquiríos por esta entidá al serviciu d’esi oxetivu.

60

Derogación de la reforma del artículu 135 de la Constitución española.

Vamos derogar y devolver al so estáu anterior l’artículu 135 de la Constitución española, modificáu en 2011, col gobiernu del Partíu Socialista Obreru Español (PSOE).

61

Puesta en marcha d’una auditoría de la delda en sé parllamentaria.

Vamos poner en marcha una auditoría de la delda, y vamos poner un cuidáu especial al auditar la delda contrayida como consecuencia del rescate financieru de la Unión Europea pa, con ello, poder allumar el procesu de crecimientu y recomposición interna de la delda qu’esperimentó l’Estáu nos últimos años.

La posibilidá d’esta auditoría ta contemplada na propia llexislación europea: el Reglamentu 472 / 2013 del Parllamento Européu y del Conseyu, de 21 de mayu de 2013, plantega espresamente que «un Estáu integrante sometíu a un programa d’axuste macroeconómicu tien d’efectuar una auditoría exhaustiva de les sos finances públiques cola fin, ente otres coses, d’evaluar les razones poles que s’incurrió en niveles escesivos d’endeldamientu y de detectar cualquier posible irregularidá».

62

Reestructuración de la delda pública.

Vamos reestructurar la delda pública arreyada coles ayudes públiques al sector financieru, el memorandu d’entendimientu y el rescate de la Unión Europea. Na devolución de los 60.000 millones d’euros emprestaos pol Mecanismu Européu d’Estabilidá (MEDE) al Estáu español nel 2012 pa rescatar al sistema financieru van participar les propies instituciones financieres, en recapitalizándose y recibiendo otres ayudes pa garantizar la so estabilidá. Estes han ser les que, n’última instancia, salden esi empréstamu cola Unión Europea, empréstamu adelantáu hasta’l momentu polos contribuyentes españoles.

La reestructuración d’esta delda va centrase non tanto nuna reducción de los plazos d’amortización o de los tipos d’interés acordaos, sinón nuna redefinición de los pagadores últimos de la factura. Tal y como se señala nel apartáu de fiscalidá, les entidaes financieres van soportar un «impuestu de solidaridá» transitoriu pa canalizar la devolución de los fondos emprestaos.

63

Reestructuración de la delda hipotecaria de les cases.

Vamos llevar a cabu la reestructuración de la delda hipotecaria de les cases con una reducción nel valor nominal de les hipoteques de primer vivienda nel casu de les families que cumplan ciertos criterios sociales, como’l fechu de que tolos sos integrantes tean en paru y nun tengan nengún otru ingresu o que presenten ingresos inferiores a trés veces l’Indicador Públicu de Renta d’Efectos Múltiples (IPREM).

Vamos impulsar esta reestructuración con un verdaderu réxime de segunda oportunidá pa persones físiques y xurídiqus que les llibere daveres de les deldes pasaes en siendo efectiva la situación de quiebra. Pa llogralo, vamos implantar un procesu simplificáu de reestructuración y cancelación de deldes, como procedimientu cenciellu y accesible, que va constar de dos fases:

  • Fase de conciliación énte una comisión d’endeldamientu (asemeyada a los servicios de conciliación llaboral) pa presentar propuesta a los acreedores.
  • Fase de la vista xudicial, na que’l xuez va acordar un plan de pagos a partir de la limitación de la delda hipotecaria al bien hipotecáu, con opción de quita o dación en pagu. Cola quita la delda axustaráse al valor del bien hipotecáu, mientres que la dación en pagu va implicar l’adxudicación del inmueble al acreedor hipotecariu empara de la cancelación completa de la delda.

Van cancelase les deldes derivaes de los procedimientos d’execución anteriores. Les deldes que van poder incluyise nesti procedimientu van ser lo mesmo creitos privaos que públicos (cola Seguridá Social y con Facienda); y esti procedimientu sedrá válidu tamién p’autónomos y empreses pequeñes.

A partir de lo anterior va regulase la dación en pagu retroactiva, pola que se van cancelar les deldes hipotecaries vives d’aquelles persones que perdieren la so vivienda énte la imposibilidá de siguir pagando los empréstamos.

64

Limitación de los incentivos fiscales a la delda empresarial.

Vamos limitar, con un réxime transitoriu, los incentivos fiscales a la delda empresarial pa contener l’apalancamientu escesivu.

65

Sanciones reales y efectives a quien incumpla la Llei de Morosidá.

Vamos interponer sanciones reales y efectives a quien incumpla la Llei de Morosidá, que fixa en trenta díes el plazu máximu pa que les alministraciones paguen a los sos proveedores y, nel casu del sector priváu, un plazu máximu de sesenta díes. Nes licitaciones públiques sedrá necesario xustificar el cumplimientu d’estos pagos coles empreses subcontrataes.

66

Refuerzu del apoyu a la pequeña empresa ente les actividaes del ICO y la futura banca pública.

Vamos reforzar l’apoyu a la empresa pequeña ente les actividaes del Institutu de Creitu Oficial (ICO) y la futura banca pública y, pa ello, vamos tener en cuenta criterios sociales y estratéxicos. Vamos canalizar estos empréstamos y inversiones p’apoyar la creación d’empreses start-up (empreses emerxentes) en sectores intensivos en conocimientu.

67

Cuotes xustes pa los autónomos.

Vamos establecer cuotes a la Seguridá Social porcentuales y progresives en función del rindimientu netu pa los autónomos que facturen perriba’l salariu mínimu y un alta gratuita p’aquellos que lo faigan per debaxo del salariu mínimu interprofesional. Vamos estudiar la equiparación de les prestaciones del Réxime Especial de Trabayadores Autónomos (RETA) al Réxime Xeneral de la Seguridá Social. Vamos posibilitar el pagu trimestral, en cuenta de mensual, de les cotizaciones y namás dende l’empiezu de l’actividá; y vamos informatizar y simplificar los trámites. Vamos analizar, tamién, la posibilidá de desarrollar un réxime de cotizaciones a tiempu parcial, de manera que se pueda tar empleáu por cuenta propia a media xornada.

68

Incorporación de la voz de los autónomos nel diálogu social.

Vamos incluyir a los actores de la economía social y a los autónomos nes meses de diálogu social, a traviés de les organizaciones que los representen, pa que les sos opiniones se tengan en cuenta nes decisiones de gran trescendencia.

69

Estudiu del desarrollu de la figura del autónomu de responsabilidá limitada.

Vamos estudiar el desarrollu de la figura del autónomu de responsabilidá limitada, de manera que tolos autónomos respuendan a les posibles deldes únicamente colos bienes profesionales qu’ellos decidan asociar a la so actividá y non con tol so patrimoniu (como asocede agora).

70

Desarrollu d’una verdadera Llei de Segunda Oportunidá, tamién nel terrén de les pymes y los autónomos.

Vamos impulsar esta reestructuración con un verdaderu réxime de segunda oportunidá y un procesu simplificáu de reestructuración y cancelación de deldes, lo mesmo pa persones físiques que xurídiques, que les llibere daveres de deldes pasaes en siendo efectiva la situación de quiebra. Los procesos de resolución han incluyir toles deldes xeneraes na so actividá anterior, incluyíes les deldes cola Seguridá Social y Facienda. Tamién vamos facilitar l’accesu a l’asistencia xurídica nos procesos concursales y vamos favorecer la mediación estraxudicial.

71

Introducción del criteriu del IVA de caxa como universal y obligatoriu.

Vamos introducir el criteriu del IVA yá que, tal y como ta plantegáu actualmente, l’IVA de caxa nun ye útil pa les pymes, porque les empreses grandes refuguen a les pymes que lu usen pa poder deducir l’IVA antes de pagar les factures. La única manera de que resulte efectivu ye facelu obligatoriu pa toles empreses.

72

Fomentu de la economía social.

Vamos incluyir nun plan d’ayudes los proyectos cooperativos que cumplan colos requisitos d’igualdá, sostenibilidá y innovación, y vamos promover la creación d’un serviciu públicu d’asesoría pa les empreses cooperatives. Vamos reformar la Llei de Cooperatives pa que sía suficientemente flexible, eliminando barreres alministratives y incluyendo figures como les cooperatives d’impulsu empresarial y les cooperatives de serviciu públicu. Vamos favorecer los procesos de tresformación d’empreses en crisis en cooperatives y sociedaes llaborales mediante un asesoramientu estratéxicu y técnicu, y tamién cola posibilidá de que los trabayadores puedan capitalizar el pagu únicu de la prestación por desempléu ensin la necesidá d’abandonar la producción na empresa.

73

Potenciación d’una economía del bien común.

Vamos potenciar una economía del bien común per aciu de la introducción de midíes como un balance del bien común o un etiquetáu éticu, cola fin d’identificar les buelgues ecolóxiques y sociales de los productos y la compra pública ética. Amás, vamos impulsar polítiques públiques orientaes al fomentu d’un consumu responsable por parte de los consumidores, a partir d’acciones educatives y de divulgación.

74

Apoyu a la economía collaborativa.

Vamos aprobar una llei integral y tresversal que regule y ponga n’equilibriu los intereses de toles partes implicaes, los sos derechos y les sos obligaciones (sobre manera en materia fiscal y de Seguridá Social). De la mesma manera, vamos analizar la posibilidá de reconocer alternatives monetaries (dalgunes yá esistentes) que puedan usase localmente nes transacciones efectuaes por particulares nel ámbitu de la economía collaborativa.

75

Fomentu del emprendimientu en sectores innovadores.

Vamos apoyar y impulsar l’emprendimientu en sectores innovadores, particularmente na economía dixital, col impulsu d’hubs (pequeños centros de negociu) y clústeres d’innovación. Vamos favorecer l’accesu a espacios de trabayu y de coworking (trabayu collaborativu) a les incubadores d’emprendedores y empreses start-up, hasta consiguir crear una rede d’espacios de collaboración que permitan a pequeños emprendedores la mutualización de recursos, ofrecer servicios compartíos y facili tar la innovación de manera descentralizada, pa que la ciudadanía y el texíu productivu se beneficien d’ello. Vamos impulsar los fondos públicos d’inversión nestos sectores y la collaboración público-privada pa producir aplicaciones dixitales d’interés xeneral. Per otru llau, vamos regular la economía collaborativa pa dotala d’un marcu llegal claru y, tamién vamos fomentar la incorporación de servicios de la economía dixital y collaborativa por parte de les alministraciones (sharing).

76

Cuotes pesqueres xustes y responsables.

Vamos desarrollar midíes urxentes qu’abran un diálogu real y equilibráu ente tolos actores implicaos nel sector de la pesca, cola fin d’ameyorar los criterios de tresparencia y xestión nel repartu de cuotes pesqueres.

Vamos primar la responsabilidá y la sostenibilidá na producción, y tamién los criterios sociales d’equidá con quien viven de la mar, y vamos abogar por un repartu llinial de les captures con criterios barcu / tripulación, non tresferible, acordies al marcu nuevu de repartu de cuotes. Vamos flexibilizar los pagos de sanciones y multes según la situación empresarial. Unes penalizaciones por infracciones van consistir básicamente en nun permitir salir a pescar por un plazu determináu en función de la gravedá de la infracción, cola fin d’aumentar la efectividá de les multes y eliminar la sospecha actual de la intención recaudatoria de les sanciones.

77

Trabayu agrariu estable.

Vamos iguar el Programa de Fomentu d’Empléu Agrariu (PFEA) col oxetivu de garantizar l’empléu estable y sostenible nel mediu rural en proyectos agrarios, agroalimentarios y forestales y, tamién, n’otros sectores vinculaos a la conservación y el mantenimientu del territoriu y el patrimoniu paisaxísticu, natural y históricu de les zones rurales.

Vamos acabar cola dependencia ciudadana y les práctiques clientelares de Conceyos y empresarios del ámbitu agrariu gracies a l’aplicación del programa Probeza Cero, qu’universaliza les rentes y posibilita limitar el requisitu de la firma de les peonaes.

D’esta miente, lo mesmo’l subsidiu que la renta agraria van quedar integraos nuna perspectiva que va garantizar una vida digna pa un colectivu especialmente vulnerable como ye’l de los trabayadores agrarios.

78

Asignación de 15.000 millones d’euros añales pa un Plan de Bienestar Social y Modernización Económica que va incluyir una renta garantizada, la meyora salarial y la reversión de los recortes sufríos dende 2010.

Vamos aprobar un Plan de Bienestar Social y Modernización Económica, destináu, per un llaua, a polítiques sociales que refuercen l’Estáu de bienestar y los servicios públicos rellacionaos cola atención a les persones, y, per otru, a inversiones públiques qu’impulsen la creación d’empléu y una verdadera tresformación de la nuestra economía. Esti plan va tar dotáu con un incrementu presupuestariu de 15.000 millones d’euros cada añu en tola llexisllatura. Ello va dexanos caltener constante a lo llargo la llexislatura la relación gastu/PIB, en cuenta de reducila en más de tres puntos porcentuales, y vamos converxer con Europa en vez d’alloñanos más, como supondría la reducción en cuatro puntos porcentuales que propón el Partíu Popular.

79

Aumentu d’ente 30.000 y 40.000 millones d’euros de los ingresos sobre’l PIB.

Vamos poner en marcha de manera inmediata una reforma fiscal progresiva y una llucha decidida contra’l fraude fiscal, cola fin d’elevar a lo llargo de los cuatro años de llexisllatura’l porcentaxe d’ingresos sobre’l PIB, polo menos entre 30.000 y 40.000 millones d’euros, colo que vamos acortar la diferencia cola media europea.

80

Cambiu del calandariu actual de reducción del déficit públicu.

Vamos camudar el calandariu actual de reducción del déficit públicu con una ampliación del plazu, pa facer compatible’l principiu d’estabilidá presupuestaria colos oxetivos de reducción del desempléu, d’atención a les necesidaes sociales y de modernización económica.

81

Abandonu de la política de devaluación salarial como vía pa promover una meyora de la competitividá.

Vamos abandonar la política de devaluación salarial como vía pa promover una meyora de la competitividá polos sos efectos sociales y económicos negativos. Pa ello, vamos derogar les dos últimes reformes llaborales y vamos tomar midíes que favorezan un crecimientu suficiente de los salarios y la recuperación de la so capacidá adquisitiva. Tamién vamos reforzar el papel de la negociación colectiva cola derogación de les midíes incluyíes na última reforma llaboral, vamos incrementar el salariu mínimu y vamos acabar colos recortes salariales nel sector públicu.

82

Impulsu d’una reforma sustancial del Pactu d’Estabilidá y Crecimientu y del Pactu Fiscal.

Vamos impulsar una reforma en profundidá del Pactu d’Estabilidá y Crecimientu, pa lo que vamos eliminar l’oxetivu d’equilibriu presupuestariu estructural y vamos flexibizar los oxetivos de delda y el déficit, cola fin de que concasen meyor coles necesidaes de cada país. Vamos poner en marcha una auténtica política fiscal europea: un presupuestu común con un pesu significativu, un mecanismu de tresferencia de recursos ente países en función de la so situación cíclica, la emisión d’eurobonos y un mayor grau d’harmonización en dellos impuestos, en particular el de sociedaes.

83

Garantía d’un nivel adecuáu d’inversión pública.

Vamos garantizar un nivel adecuáu d’inversión pública nel ámbitu estatal (cola introducción d’una «regla d’oru» que nun incluya esa inversión nel cómputu del déficit) y nel ámbitu européu (pa lo que va haber que xubir la cuantía del Fondu pa Inversiones Estratéxiques hasta un 5 % del presupuestu añal de la Unión Europea, dende’l 1 % actual).

84

Promoción de la reforma de los estatutos del Bancu Central Européu.

Vamos promover la reforma de los estatutos del Bancu Central Européu (BCE) pa incluyir ente los sos oxetivos el mantenimientu d’un nivel adecuáu d’actividá económica y, tamién, la creación d’empléu, cola intención d’incluyir al BCE nel conxuntu d’instituciones qu’apliquen la política económica de manera coordinada y baxo un verdaderu control democráticu, y pa que pueda actuar como empresteru n’última instancia de les autoridaes fiscales.

85

Impulsu d’una reforma de les instituciones europees que democratice la toma de decisiones polítiques y económiques na eurozona.

Vamos impulsar una reforma de les instituciones europees que democratice la toma de decisiones polítiques y económiques na eurozona. El gobiernu económicu de la eurozona —l’Eurogrupu— ye una entidá que nun ta obligada a rindir cuentes énte nenguna institución directamente escoyida polos ciudadanos, nin siquier énte’l Parllamentu Européu, polo que vamos apoyar la creación d’una cámara parllamentaria de la eurozona, formada por representantes de los distintos parllamentos nacionales acordies con criterios poblacionales y territoriales y, a diferencia del Parllamentu Européu, con verdadera capacidá llexislativa y de control políticu.

86

Convocatoria d’una conferencia europea de delda pa discutir la reestructuración coordinada de les deldes públiques nel marcu de la zona euru.

Vamos proponer una modificación nos plazos de vencimientu de les deldes europees en circulación, mediante un intercambiu de bonos que facilite que los títulos vieyos se sustituyan por títulos nuevos que se mantengan a perpetuidá. El BCE sedría la institución qu’habría adquirir, al valor nominal, los títulos vieyos y cambialos por otros nuevos, al 0 % d’interés y col oxetivu de mantenelos a perpetuidá nel so balance. El BCE debería reestructurar les deldes públiques de les economíes de la zona euru qu’escedan del 60 % del PIB.

87

Adopción de manera inmediata d’un plan de choque pa erradicar la probeza y la esclusión infantil en tol territoriu européu.

Vamos aprobar de manera inmediata un plan de choque pa erradicar la probeza y la esclusión infantil en tol territoriu européu, cola aplicación estricta de la Carta Social Europea, y con un programa comunitariu de vivienda social qu’incluya la prohibición de los desagospios de primer vivienda nel territoriu comunitariu, una carta sanitaria europea que garantice’l derechu a la sanidá pública pa toos y toes nel territoriu de la Unión Europea, y la potenciación del espaciu européu d’educación y cultura.

88

Desarrollu d’un seguru de desempléu común que complemente los sistemes nacionales y que, en casu de crisis, actúe d’estabilizador automáticu.

Vamos desarrollar un seguru de desempléu común que complemente los sistemes nacionales y que, en casu de crisis, actúe d’estabilizador automáticu, amás de garantizar la «portabilidá de los derechos» de los trabayadores europeos.

89

Creación d’un «Eurogrupu Social».

Vamos crear un «Eurogrupu Social», que van integrar los ministros d’Empléu y Asuntos Sociales y va supervisar los desequilibrios sociales y la coordinación de les polítiques llaborales de la zona euru.

90

Prioridá del derechu al trabayu y de la creación d’empléu.

Vamos priorizar la creación d’empléu perriba del restu d’oxetivos de política económica. Pa ello, vamos impulsar el cumplimientu del artículu 40.1 de la Constitución española qu’establez lo siguiente: «Los poderes públicos van promover les condiciones favorables pal progresu social y económicu y pa una distribución de la renta rexonal y personal más equitativa, nel marcu d’una política d’estabilidá económica. De manera especial van realizar una política orientada al empléu plenu ». Pa impulsar esi oxetivu, vamos aplicar una política fiscal espansiva qu’invierta 15.000 millones d’euros al añu na próxima llexislatura y garantice la recuperación de, polo menos, el nivel d’ocupación llaboral esistente antes de la crisis.

91

Incrementu gradual del salariu mínimu interprofesional hasta llegar a 14 pagues de 800 euros al mes en xineru del 2018.

Vamos aumentar de manera gradual el salariu mínimu interprofesional (SMI) hasta algamar los 800 euros al mes en 14 pagues a la final de los dos primeros años de llexislatura, p’asegurar posteriormente la converxencia col 60 % del salariu mediu qu’establez la Carta Social Europea. D’esta miente, a la final de la llexislatura esi salariu va asitiar nun mínimu de 950 euros al mes.

92

Plenu cumplimientu de la normativa llaboral.

Vamos asegurar el cumplimientu plenu de la normativa llaboral y reducir el fraude na contratación, mayormente nos contratos temporales, per mediación d’una dotación mayor de medios y facultaes a la inspección de trabayu y un mayor nivel d’implicación por parte de la representación de los trabayadores.

93

Reequilibriu de la negociación colectiva.

Vamos reequilibrar la negociación colectiva, pa lo que vamos establecer la preeminencia de los convenios sectoriales sobre los d’empresa a la hora de reconocer derechos básicos, y vamos camudar la regulación de les cláusules de descuelgue de los convenios colectivos. Tamién vamos reconocer el grupu empresarial como unidá de negociación; poro, vamos agrupar toles empreses que, con un grau altu de dependencia sobre la empresa principal, participen nun mesmu procesu productivu. Vamos establecer, amás, un réxime nuevu de vixencia y prórroga automática de los convenios colectivos, col oxetivu de nun debilitar el poder contractual de la representación de los trabayadores.

Cola finalidá d’ameyorar la eficacia de los sistemes de representación na empresa, vamos ampliar l’ámbitu de representación a toles empreses y centros de trabayu que carezan de representación unitaria, pa establecer un sistema de representación sindical qu’agrupe a toles persones que trabayen nun mesmu grupu empresarial.

A la fin, vamos reforzar les garantíes pa exercer el derechu de fuelga baxo’l principiu d’autotutela, un oxetivu que se va consiguir cola eliminación nel Códigu Penal de los tipos específicos rellacionaos col exerciciu d’esti derechu. Con ello, vamos regular un sistema de garantíes pa les persones que decidan participar nuna fuelga.

94

Marcu llaboral nuevu.

Vamos reformar la contratación temporal y a tiempu parcial colos oxetivos siguientes:

  • Los contratos d’obra o serviciu determináu han convertise de manera automática en contratos indefiníos cuando la so duranza sía superior a un añu, o cuando s’enrestre una socesión d’estos contratos nesi periodu.
  • Los contratos a tiempu parcial de temporada tienen que se convertir en contratos fixos discontinuos que garanticen el derechu a llamamientu.
  • Los contratos a tiempu parcial tienen qu’incorporar el principiu de causalidá referíu a la xornada necesaria pa realizar la xera oxetu del contratu, habrán fixar el cómputu de la xornada con referencia selmanal y habrán establecer un umbral mínimu del 50 % de la xornada habitual.

Actualmente, el 76 % de les persones que desempeñen un trabayu a tiempu parcial son muyeres, y el 60,8 % de les muyeres que trabayen a tiempu parcial faenlo involuntariamente. Hemos acabar con esti modelu de trabayu y garantizar la creación d’empléu estable y de calidá.

95

Impulsu d’una regulación de les hores estraordinaries pa evitar que se conviertan nun preséu de distribución irregular de la xornada.

Vamos impulsar una regulación de les hores estraordinaries pa evitar que se conviertan nun preséu de distribución irregular de la xornada y nuna prollongación fraudulenta de la xornada de trabayu. Esa regulación va tener como oxetivos:

  • Prohibir l’usu abusivu de les hores estraordinaries.
  • Desincentivar les hores estraordinaries estructurales.
  • Dotar d’abondos mecanismos llegales a los trabayadores pa garantizar el cobru.
96

Reforma del despidu.

Vamos otorgar al trabayador la titularidá de la opción en casu de despidu improcedente.

Vamos recuperar la figura del despidu nulu por fraude de llei.

Vamos reformar el despidu por causes económiques, productives, técniques y organizatives, pa lo que vamos reforzar la causalidá, vamos incluyir la obligación de l’autorización gubernamental preceptiva pa los Espedientes de Regulación d’Empléu (ERE) y vamos garantizar la efectividá del procesu de negociación.

97

Impulsu de los mecanismos de flexibilidá interna nes empreses.

Vamos impulsar los mecanismos de flexibilidá interna nes empreses énte los cambios na demanda y nel nivel d’actividá económica, pa evitar tanto’l desempléu como los axustes a traviés del salariu.

De la mesma manera, vamos impulsar llegalmente los mecanismos de flexibilidá interna (yá esistentes, pero poco usaos) a traviés de la reducción de la xornada llaboral. Y pa qu’esta reducción de la xornada de trabayu nun se traduza nuna cayida salarial paralela, vamos fortalecer un mecanismu d’axuste que sía paecíu al modelu alemán, nel que la perda de xornada llaboral compénsala en términos salariales l’Estáu.

98

Hacia la igualdá de xéneru nel mercáu de trabayu: reforma del sistema de permisos por nacimientu o adopción.

Vamos caminar hacia la igualdá de xéneru nel mercáu de trabayu cola reforma del sistema de permisos por nacimientu o adopción, y col establecimientu d’un calandariu qu’aumente’l permisu actual de paternidá hasta igualalu col de maternidá. Pa garantizar la igualdá efectiva de derechos, el permisu ha ser: Igual pa cada persona proxenitora y intresferible, como tolos demás derechos llaborales y sociales. Pagáu al 100 % del salariu.

Con igual protección del puestu de trabayu nel exerciciu de los derechos de maternidá y paternidá.

Vamos incrementar, amás, les atribuciones de la inspección de trabayu y la Seguridá Social en materia de prohibición de les discriminaciones na contratación, na promoción y na retribución. Vamos establecer una comisión estatal de siguimientu y control de los planes d’igualdá nes empreses, con capacidá de propuesta pa eliminar les discriminaciones, y tamién una comisión estatal de siguimientu de la llucha contra l’acosu llaboral.

Vamos abordar, tamién, l’oxetivu específicu de la eliminación de la resquiebra salarial de xéneru, qu’actualmente algama’l 19 % nel Estáu.

99

Incrementu de la participación de los trabayadores na xestión de les empreses.

Vamos impulsar una mayor participación de los trabayadores na xestión de les empreses de más de cien empleaos col fortalecimientu de los procedimientos d’información y consulta establecíos nel Estatutu de los Trabayadores, y cola implantación d’un sistema asemeyáu a los conseyos de vixilancia establecíos n’Alemaña. Vamos impulsar, amás, una llei de participación financiera de los trabayadores na empresa que, con carácter voluntariu por parte de les empreses, permita incorporar dalgunes de les meyores esperiencies de participación de los trabayadores qu’hai en varios países europeos.

100

Reforma o regularización de les rellaciones de trabayu parallaborales.

Vamos reformar o regular les rellaciones de trabayu parallaborales, pa lo que vamos reconducir tou tipu de práctiques n’empreses a contratos en práctiques o de formación, vamos eliminar el contratu pa emprendedores y vamos axustar la figura del trabayu autónomu económicamente dependiente nel Estatutu de los Trabayadores.

101

Renta Garantizada.

Vamos crear un programa de renta diferencial (complementaria de los ingresos esistentes) pa toles cases con ingresos per debaxo del umbral de probeza monetaria, pa lo que vamos aumentar la cuantía de la prestación básica por persona equivalente integrada na unidá de convivencia. La cuantía inicial va establecese en 600 euros mensuales pa les unidaes de convivencia d’un solu integrante, y va aumentar progresivamente en función del númberu de componentes (35 % adicional de la renta garantizada pal segundu integrante, y 20 % por caún de los siguientes) hasta un máximu de 1290 euros. Esti plan va integrar toles prestaciones sociales que s’alcuentren per debaxo d’esi umbral.

102

Programa de Renta Complementaria.

Vamos establecer un complementu pa trabayadores con remuneración baxa pa eliminar la discriminación que supón la «trampa de la probeza», y pa garantizar l’accesu d’estos trabayadores a niveles suficientes de bienestar. P’aquellos beneficiarios de la Renta Garantizada que trabayen o alcuentren empléu, supondría, de fechu, una retirada graduada (y non de sópitu) de la prestación conforme vayan aumentando los ingresos salariales. Lo anterior supón garantizar unos ingresos mínimos de 900 euros mensuales pa estos trabayadores, que tamién diben aumentar col númberu d’integrantes de la unidá de convivencia. Esti complementu namás sedrá efectivu a partir d’unos ingresos reconocíos del trabayu percima de 250 euros, pa evitar posibles situaciones de fraude.

103

Midíes complementarias p’atender situaciones d’urxencia social.

Vamos poner en marcha midíes complementarias p’atender situaciones d’urxencia social: desagospios, gastos d’accesu y mantenimientu na vivienda, probeza enerxética, gastos necesarios pa mantener una vivienda en condiciones de dignidá, colectivos en situación de riesgu de probeza, etcétera.

104

Reversión de los recortes na financiación de la sanidá, la educación y el cuidáu de les persones, de manera qu’en marzu del 2018 se recuperen los niveles anteriores a la crisis.

Vamos revertir los recortes na financiación de la sanidá, la educación y el cuidáu de les persones, de manera que nos dos primeros años de llexislatura se recuperen los niveles anteriores a la crisis. A partir d’esi momentu vamos aumentar el gastu por habitante, pa lo que vamos impulsar un procesu de converxencia que reduza un 10 % la diferencia en gastu real por habitante cola media de la XE-15, col oxetivu de fortalecer y ampliar el nuestru estáu de bienestar.

105

Universalización del derechu a que los servicios públicos d’atención a la dependencia proporcionen una autonomía funcional plena.

Vamos universalizar el derechu a que los servicios públicos d’atención a la dependencia proporcionen una autonomía funcional plena, con un plan d’implantación progresiva, y vamos equiparar, amás, la situación llaboral de les persones empleaes en cases a la del restu de persones trabayadores.

106

Eliminación de tolos incentivos al empléu a tiempu parcial y avance hacia la progresiva implantación d’una xornada llaboral máxima de 35 hores selmanales, con cómputu selmanal.

Vamos eliminar tolos incentivos al empléu a tiempu parcial y avanzar hacia la implantación progresiva d’una xornada llaboral máxima de 35 hores selmanales, con cómputu selmanal. Con estes midíes vamos faer por evitar, per un llau, la dualidá ente xornaes interminables pa dalgunes persones (sobre manera homes), unes xornaes qu’amás son incompatibles con una planificación adecuada de los cuidaos y, per otru, l’empléu precariu a tiempu parcial, el subempléu, les interrupciones qu’impiden un reingresu llaboral en bones condiciones o la perda de derechos sociales pa otres (sobre too muyeres).

107

Llucha contra la resquiebra salarial de xéneru.

Vamos tomar midíes contra la desigualdá retributiva ente homes y muyeres que permitan facer frente a los diferentes pilancos colos que s’alcuentren les muyeres a la hora d’acceder al mercáu llaboral, yá sía por cuenta ayena o por cuenta propia. En particular, vamos establecer midíes d’apoyu a la participación de les muyeres nos conseyos d’alministración asemeyaes a les introducíes recientemente n’otros países del nuestru entornu, como Francia o Alemaña.

108

Xubilación a los 65 años y llucha contra la perda del poder adquisitivu

Vamos derogar la reforma de les pensiones qu’aprobó’l gobiernu del PSOE nel 2010, lo que va trayer el restablecimientu de la edá de xubilación a los 65 años, y vamos derogar la reforma de les pensiones qu’aprobó’l gobiernu del PP nel 2014, colo que vamos recuperar la indexación de les pensiones al índiz de precios al consumu (IPC), de manera que se garantice al pensionista cuála va ser la capacidá adquisitiva de la so pensión a lo llargo de tol so ciclu como pensionista. Va derogase, pa ello, la Llei 23 / 2013, de 23 d’avientu, reguladora del factor de sostenibilidá y del índiz de revalorización del sistema de pensiones de la Seguridá Social.

109

Compromisu de garantizar la sostenibilidá del sistema de pensiones cola introducción progresiva de la financiación per vía impositiva.

Vamos garantizar la sostenibilidá del sistema de pensiones cola introducción progresiva de la financiación per vía impositiva tanto pa les pensiones de muerte y supervivencia (viudedá, orfandá y favor de familiares), que se paguen actualmente con cargu a la Seguridá Social, como pal incrementu del gastu deriváu del aumentu na esperanza de vida de les cohortes nueves de pensionistes que s’incorporen al sistema nel casu de les pensiones contributives.

110

Revisión y supresión progresiva de los rexímenes especiales de cotización p’afiliaciones nueves.

Vamos abolir los rexímenes especiales, nun siendo los que se xustifiquen pola propia naturaleza del trabayu, pa toos aquellos trabayadores que s’incorporen por primer vez a la Seguridá Social.

111

Fomentu de la previsión colectiva de carácter público frente a la individual.

Vamos fomentar la previsión colectiva de carácter públicu frente a la individual y, en cualquier casu, vamos eliminar los beneficios fiscales pa la previsión complementaria individual, como nel casu de los planes de pensiones privaos.

112

Aumentu de les pensiones non contributives.

Vamos diseñar una estratexa que permita l’aumentu progresivu de les pensiones non contributives a lo llargo de los cuatro años de la llexislatura.

113

Eliminación del tope máximu a les cotizaciones de los salarios más altos.

Vamos eliminar el tope máximu a les cotizaciones, ensin necesidá d’incrementar la pensión máxima en proporción similar.

114

Accesu universal a la tarxeta sanitaria

Vamos llevar alantre una modificación llexislativa orientada a blindar el calter universal de la sanidá española. Con ello vamos garantizar que’l nuestru sistema de salú cumpla colos derechos humanos:

  • Cobertura sanitaria universal: derechu a la tarxeta sanitaria pa toles persones, tamién pa los inmigrantes o emigrantes de nacionalidá española, que pierden l’accesu a la cobertura sanitaria universal noventa díes depués de la salida del país.
  • Derogación del Real Decretu 16 / 2012, de 20 d’abril, de midíes urxentes pa garantizar la sostenibilidá del Sistema Nacional de Salú y meyorar la calidá y seguridá de les prestaciones, col que se destruyó la universalidá de l’asistencia sanitaria n’España.
115

Incrementu del presupuestu públicu en sanidá en 8800 millones d’euros

Frente a los recortes del gastu sanitariu acometíos na última llexislatura, vamos revertir de manera inmediata’l presupuestu anual destináu a gastu sanitariu pa recuperar nel primer añu de llexislatura los niveles de dotación previos al 2012.

116

Ampliación de la cartera de medicamentos financiaos

Vamos estudiar y evaluar la cartera de medicamentos financiaos pol sistema sanitariu pa dempués proceder a la so ampliación.

117

Prescripción responsable de medicamentos: un modelu que dispensa dosis y non caxes

Vamos diseñar un plan estatal orientáu al cambiu progresivu nel modelu de prescripción y dispensación de medicines nel sistema públicu. Vamos promover l'apertura de negociaciones conxuntes colos llaboratorios pa la reformulación de los mecanismos d’empaquetáu (monodosis y otres variaciones) y dispensación de medicines, de manera que sía posible prescribir y despachar en tolos puntos autorizaos namás el númberu de dosis necesaries en cada tratamientu.

118

Universalización de les recetes electróniques: aforru nel tiempu de los profesionales y nel dineru de toos

A iniciativa del Conseyu Interterritorial del Sistema Nacional de Salú, vamos diseñar una plataforma que faiga reconocibles les recetes electróniques de toles comunidaes autónomes nes que yá tán implantaes; y, coles mesmes, vamos ellaborar una propuesta pa incentivar activamente la implantación naquelles comunidaes nes que tovía nun esiste.

119

Alimentos ensin contaminantes: prohibición del usu de bisfenol A

Vamos Implementar una política activa d’erradicación de productos contaminantes na alimentación. Nesti sentíu, vamos prohibir l'usu del bisfenol A (BPA) na fabricación de cualquier tipu de material que pueda entrar en contactu con alimentos y bébores (fiambreres, lates, mamones, etcétera), pa lo que vamos diseñar una llexislación similar a la desenvuelta en Francia nel 2012.

120

Llei pa la Llibre Disposición de la Propia Vida

Vamos aprobar una llei que faiga posible la llibre disposición de la propia vida y que regule'l marcu de tomar de decisiones al respective. Igualmente, vamos derogar l’apartáu 4 del artículu 143 del Códigu Penal.

Vamos promover un debate ente la ciudadanía y los profesionales de la salú sobre'l grau d'autonomía de les persones na toma de decisiones relativa a los últimos momentos de la vida, sobre’l testamentu vital y de la muerte digna.

121

Medicamentos: I+D+i y tresparencia

Vamos empecipiar una estratexa estatal orientada a incidir na innovación dientro del ámbitu de les medicines, guiada polos criterios de salvaguarda del derechu a la salú y la cobertura universal de pacientes y enfermedaes. Vamos trabayar pa implementar mecanismos que garanticen precios xustos pa les patentes rexistraes por llaboratorios que reciben financiamientu públicu al traviés del apoyu fiscal a la I+D+i. Vamos buscar víes d’acuerdu colos llaboratorios pa poner fin a la especulación de los precios de les medicines nel mercáu mundial.

122

Les TIC al serviciu de la salú: creación d’una plataforma dixital estatal d’accesu a les histories clíniques

A propuesta del Conseyu Interterritorial del Sistema Nacional de Salú, vamos dinamizar la plataforma dixital que facilita l’accesu a les histories clíniques de los pacientes a cualquier usuariu autorizáu del sistema sanitariu. Gracies a les tecnoloxíes de la información y de la comunicación (TIC), l’accesu a les histories clíniques va constituir una garantía pa la salú de los pacientes y un mecanismu d’aforru pal sistema, yá que va evitar la duplicación de pruebes innecesaries.

123

La salú: un enfoque tresversal a toles polítiques públiques

Vamos ellaborar una llínia d'actuación estatal destinada a incorporar la salú como cuestión tresversal a toles polítiques públiques: empléu, vivienda, alimentación, infraestructures, educación, xusticia, infancia, etcétera. Vamos adoptar les propuestes y estratexes de la Organización Mundial de la Salú (OMS) p'actuar de manera integral sobre los determinantes sociales de la salú.

124

I+D+i: potenciación de les llinies d’investigación y actuación sobre xéneru y salú

Vamos apoyar la creación de llínies d'estudiu y investigación nel campu de la salú y del xéneru. Pa ello, vamos desenvolver llínies d'investigación orientaes a identificar la mediación del xéneru na salú y na enfermedá, como tamién mecanismos que treslladen al sistema sanitariu les principales conclusiones que se deriven de la investigación.

125

RedETS: evaluación de los programes que lleven más salú a la xente

Vamos ampliar la responsabilidá asumida pola Rede Española d'Axencies d'Evaluación de Tecnoloxíes Sanitaries y Prestaciones del Sistema Nacional de Salú (RedETS) pa compilar, estandarizar y publicar tola información relativa a la evaluación de les polítiques públiques nel campu de la salú.

126

Un réxime únicu pa toos: la Seguridá Social

Vamos poner en marcha un procesu progresivu de converxencia dientro de la Seguridá Social de la multiplicidá de réximes especiales esistentes.

Vamos promover la homoxenización de la cartera de prestaciones pa tol personal funcionario.

127

Llei de Tresparencia del Sistema Sanitariu

Vamos aprobar una Llei de Tresparencia del Sistema Sanitariu qu'anime a la participación de los profesionales y la ciudadanía, qu'obligue a la tresparencia na xestión de los recursos y procesos de contratación, qu'evalúe les polítiques públiques sobre salú y xenere mecanismos de rendición de cuentes.

128

Aprobación d’una «Llei Celiaca»

Col fin de modernizar una llexislación que quedó obsoleta frente a la meyora de la ciencia médica, comenzaremos por promulgar una Llei Celiaca», yá que los celiacos carecen dificultaes p'acceder a los alimentos básicos que garantiza la Constitución española. Vamos combatir la discriminación llaboral y escolar, tanto nel ámbitu públicu como nel priváu, de les persones que sufren enfermedaes que tienen un tratamientu eficaz, como celiacos y diabéticos.

La «Llei Celiaca» va basase nos principios siguientes:

  • Investigación, prevención, promoción y tratamientu relacionáu cola enfermedá celíaca.
  • Creación y publicación d’un llistáu d’alimentos ensin gluten, de xestión pública pa evitar clientelismos y especulaciones. Identificación d’esos alimentos y de la publicidá que los da a conocer con un sellu controláu pol Ministeriu de Sanidá, nel que s’especifique l’orixe completamente públicu.
  • Inclusión de la opción llibre de gluten en toles acciones del Gobiernu destinaes al apoyu alimentariu de la población.
  • Optimización de les estratexes d’intervención sociosanitaria pa garantizar un diagnósticu y un tratamientu precoz de la enfermedá celiaca, como tamién siguimientu adecuáu del paciente.
  • Ellaboración d’una guía de buenes práctiques clíniques, publicada y distribuida ente los trabayadores sanitarios, que va revisase y actualizase anualmente.
  • Incentivación y promoción de restauranes, chigres y panaderíes pa la ellaboración y venta d’alimentos llibres de gluten.
  • Realización de controles periódicos pa la detección de la celiaquía a neños n’edá d’escolaridá obligatoria.

Pa cabu, vamos estudiar distintes ayudes directes a celiacos, independientemente de la edá, en función del so grupu poblacional (families numberoses, paraos y persones que perciban un subsidiu non contributivu, xubilaos, discapacitaos, grupos en riesgu d’exclusión social) y según les normes que determine’l Ministeriu de Sanidá.

129

Fin de los desapolinamientos y despenalización del usu de viviendes vacies y abandonaes

Vamos promover una llei orgánica de protección del derechu a la inviolabilidá del domiciliu y prohibición de los desapolinamientos forzosos ensin alternativa habitacional, de mou qu’en nengún casu va poder desapolinar o desallugar a persones en situación de vulnerabilidá, yá sea por impagu d’alquiler o ocupación en precariu motivada pola falta de vivienda, ensin que l’alministración competente garantice un allugu adecuáu.

Vamos trabayar na habilitación de procesos xudiciales garantistes nos casos nos que pudiera producise una restricción del derechu a la inviolabilidá del domiciliu.

Vamos promover la despenalización del usu de viviendes vacies y abandonaes.

130

Derechu a la dación en pagu

Limitación de la responsabilidá del deudor hipotecariu al bien hipotecáu.

Derechu a la dación en pagu con calter retroactivu.

131

Accesu garantizáu a los suministros básicos

Vamos garantizar l’accesu a los suministros básicos como parte del derechu a una vivienda digna y adecuada. Pa facilitar que asina sía, proponemos lo siguiente:

  • El derechu al contratu de suministru solo va requerir l’empadronamientu.
  • Van impedise los cortes de suministros básicos d’agua, lluz y gas a aquelles persones y unidaes familiares que tean careciendo una situación de vulnerabilidá.
  • El pagu de los suministros básicos pa las families en dicha situación va facese según la capacidá adquisitiva de la unidá familiar, respetando siempre los estándares de la Organización de les Naciones Uníes (ONU).
  • Los costes asociaos a garantizar esti derechu y la deuda acumulada que nun puedan cubrise poles persones vulnerables van asumilos les empreses suministradores, qu’han cumplir colos estándares de responsabilidá social corporativa impuestos pola llei.

Amás, vamos estudiar la posibilidá de crear una empresa suministradora pública.

132

Arriendu estable y asequible

Vamos promover una reforma de la Llei 29 / 1994, de 24 de noviembre, d'arrendamientos urbanos, pa facilitar un arriendu estable y asequible:

  • Va regulase l’arriendu pa protexer a la parte en xeneral más débil nos contratos d’arrendamientu: los inquilinos.
  • Van introducise mecanismos p’asegurar la renta y la so estabilidá, de manera que s’allargue’l plazu mínimu pa prorrogar l’arriendu de la vivienda habitual hasta los cinco años.
  • Cuando l’arrendatariu perteneza a un colectivu especialmente vulnerable y l’arrendador sía un gran propietariu de viviendes (quier dicise, propietariu de polo menos diez viviendes), ha producise una prórroga automática del contratu d’arrendamientu.
  • Va garantizase l’arrendamientu social pa les persones deudores de bona fe y les sos unidaes familiares que, depués de ceder o perder n’execución hipotecaria la vivienda única y habitual, nun dispongan d’alternativa habitacional. Los garantes d’esti arrendamientu social han ser los grandes tenedores de vivienda, n’especial les entidaes financieres y filiales inmobi- liaries, los fondos utre y les entidaes de xestión d’activos (incluío los procedentes de la reestructuración bancaria y les entidaes inmobiliaries), que cuenten nes sos manes colos pisos vacios colos que va crease un parque públicu de vivienda n’arrendamientu social, en regulando l’Alministración esti procesu con una llei.
  • Igualmente, va regulase por llei’l conceptu d’arrendamientu social, que nun va poder superar el 30 % de la renta familiar (suministros básicos incluío). Tamién, va tenese en cuenta la delimitación del númberu de miembros de la unidá familiar pa reducir la cuantía hasta un umbral sostenible.
  • Modificar el procedimientu de desallugu arrendaticiu pa garantizar el derechu de defensa de los inquilinos.
133

Garantíes de defensa y de prueba nel procedimientu de la execución hipotecaria

Vamos camudar el procedimientu d'execución hipotecaria pa garantizar tolos medios de defensa y de prueba pa la protección del deudor hipotecariu, en cumplimientu de les sentencies del Tribunal de Xusticia de la Unión Europea (ente otros, l'asuntu C-415 / 11, Mo- hamed Aziz contra CatalunyaCaixa, sentencia del 14 de marzu del 2013; y l'asuntu C-169 / 14, Sánchez Morcillo contra BBVA, sentencia del 17 de xunetu del 2014) pa cesar nel incumplimientu de la Directiva 93 / 13 de la Unión Europea sobre les claúsules abusives nos contratos celebrados con consumidores y l'artículu 47 de la Carta de los Derechos Fundamentales de la Unión Europea, como tamién col protocolu facultativu del Pactu Internacional de Derechos Económicos, Sociales y Culturales

134

Reforma de la Llei 18 / 2007, de 28 d’avientu, del derechu a la vivienda

Proponemos un conceptu nuevu de planificación de la vivienda con dos grandes novedaes: afecta a la vivienda privada y establécense midíes de fomentu, d’intervención y control del mercáu:

  • Crear un conciertu institucional pa establecer directrices na programación en materia de vivienda.
  • Regular la composición d'una Mesa de Concertación con representación del Estáu, comunidaes autónomes, conceyos, asociaciones de vivienda pública, tercer sector, inquilinos, etcétera.
  • Prohibir la privatización del parque públicu de vivienda n'arriendu.
  • Crear figures xurídiques qu'incentiven la cesión n'usufructu de los propietarios a l'Alministración Pública de viviendes pa la creación del parque públicu d'arriendu social (garantía de cobru y conservación).
  • Definir el procedimientu sancionador en casu de incumplimientu de la función social de la vivienda por parte de los tenedores de más de diez viviendes, con especial agravante pa les situaciones d'abandonu, pol dañu supón pal derechu a la ciudá y a la convivencia. El procedimientu contemplaría la cesión obligatoria nos casos graves.
  • Gravar un impuestu a los tenedores de vivienda vacia. Calcular el porcentaxe de vivienda disponible p’arrendamientu asequible.
  • Establecer un marcu de negociación ente l’Estáu, la banca y los fondos, nel que s’esixan, a cambiu de los miles de millones d’euros que costó’l rescate a la banca, delles compensaciones pa poder xenerar el parque de viviendes d’arrendamientu social y asequible.
  • Reconocer y promocionar formes nueves de tenencia, como la cesión d'usu, l'usufructu o les cooperatives d'arriendu.
  • Promover profesionales y modelos nuevos de xestión pa rellanzar la vivienda pública y xenerar una economía social alredor d’esti bien de primer necesidá, que dexe defender, reforzar o crear (según los casos) entidaes públiques al serviciu de la vivienda; cooperatives de vivienda en réxime de cesión d'usu; empreses privaes, profesionales, ensin ánimu d'arriquecimientu o con ánimu d'arriquecimientu limitáu que xestionen vivienda asequible en consonancia coles polítiques públiques, anque se garantice la so independencia; y entidaes del mesmu tipu que les anteriores, pero que xestionen arriendu social (y que, por ello, requieran y reciban más ayudes públiques pa poder operar).
  • Promover les asociaciones d'inquilinos, col fin de defender los intereses d'esti colectivu en relación col mercáu (meyores servicios) y alministraciones (más y meyores ayudes).
135

Garantía constitucional de los derechos sociales

Modificaremos l’artículu 53 de la Constitución española pa equiparar los derechos económicos, sociales y culturales a los derechos civiles y políticos.

136

13 700 millones d’euros pa la enseñanza pública: places escolares gratuites y de proximidá pa tolos neños y toles neñes

Vamos proceder al incrementu progresivu de la partida destinada a educación a lo llargo de tola llexislatura hasta algamar los 13 700 millones d'euros a la fin de 2020.

Na midida de lo posible, vamos tratar d'algamar l’oxetivu de 15 600 millones d'euros en gastu educativu, lo que nos asitiaría na actual media de gastu de los países de la Organización pa la Cooperación y el Desarrollu Económicos (OCDE), con un 5,6 % del PIB. vamos trabayar pa llograr que, a llargu plazu, el gastu educativu n’España algame'l 7 % del PIB.

Vamos promover la enseñanza pública, gratuita, laica y de calidá como exe vertebrador del sistema educativu, y garantizaremos que, en pasando l'ecuador de la llexislatura, haya places escolares públiques gratuites de proximidá a la casa familiar pa tolos neños y toles neñes:

  • La ufierta de places escolares concertaes va siguir financiándose con recursos públicos solo nos casos en que sía necesariu, esto ye, por cuenta d’una insuficiencia de la ufierta na rede pública (col fin de desaniciar estes insuficiencies, va incrementase progresivamente’l porcentaxe de los fondos públicos destinaos a la rede pública).
  • Va ofrecese una enseñanza laica, al considerase que les creencies relixoses formen parte de la intimidá de cada persona.
  • Fixar la inclusividá, y asegurar la igualdá d’oportunidaes tres la finalización de la etapa obligatoria.
  • Promover la creatividá, el pensamientu críticu, l’espíritu solidariu y la fonda respetuosidá colos derechos humanos y el mediu ambiente.
137

Una Llei d’Enseñanza nueva, que naza del debate y la participación de tola comunidá educativa

Vamos derogar la Llei Orgánica pa la Meyora de la Calidá Educativa (LOMCE) y vamos promover un ampliu debate na comunidá educativa pa formular una Llei d'Enseñanza nueva que cuente cola mayor participación y el mayor respaldu posible de la comunidá educativa. Los nuesos oxetivos van ser:

Poner fin a la inestabilidá del sistema educativo español que, nos últimos trenta y tres años, ellaboró siete lleis distintes ensin contar apenes cola participación de la comunidá educativa.

La Llei d’Enseñanza nueva va buscar el desarrollu personal y social de les persones a lo llargo de tola vida. Tamién va tar mui presente la enseñanza ambiental como parte del desarrollu curricular de los centros.

138

Plan Nacional d’Enseñanza Inclusiva

Vamos ellaborare un Plan Nacional d’Enseñanza Inclusiva que reconoza la diversidá del alumnáu y garantice la plena integración, tanto na enseñanza obligatoria como na postobligatoria.

La escolarización del alumnáu con diversidá funcional ha facese en centros ordinarios, provistos de los recursos materiales y personales necesarios pa la so enseñanza.

Los centros d’educación especial actuales y el so personal han integrase na rede d’enseñanza ordinaria, y van poder establecese como centros de recursos pa la enseñanza especial.

La formación continua del profesoráu en metodoloxíes pedagóxíques innovadores y inclusives han ser d’obligáu cumplimientu. Cada añu va programase la financiación del serviciu en función del númberu d’alumnos y alumnes y del so allugamientu.

Igualmente, vamos establecer un procesu nuevu de baremación de ratios profesionales / alumnos na atención educativa del alumnáu con necesidaes especiales, que tenga en cuenta nun solo’l númberu d’alumnos y alumnes, sinón tamién les característiques personales y familiares, les del centru y, tamién, les característiques sociodemográfiques del entornu del centru. N’última instancia, l’asignación de recursos va facese atendiendo al criteriu de los profesionales de la enseñanza del centru y en nengún casu a criterios únicos de proporción del alumnáu con necesidaes especiales.

139

Derechu a una enseñanza vehiculada nes llingües cooficiales

Amás del castellanu, idioma oficial en tol territoriu estatal, esisten otres llingüas con diferente estatus xurídicu nos sos respectivos estatutos d’autonomía. Toes elles, col castellanu, son patrimoniu cultural y llingüísticu de tol Estáu.

Puesto que la ciudadanía tien derechu a que los sos estudios tean vehiculaos neses llingües, ye necesaria la normalización llingüística al traviés del respetu a les decisiones culturales y pedagóxiques qu’adoptaron les diferentes comunidaes autónomes y a la Carta Europea de les Llingües Minoritaries o Rexonales. Por ello, vamos garantizar l’accesu al aprendizaxe nes llingües cooficiales en cualquier territoriu del Estáu, con centros específicos y de la promoción de los intercambios escolares ente comunidaes autónomes. Y va fomentase la identidá cultural col conocimientu de la contorna y la interculturalidá, con un currículu adaptáu a la llingua y cultura de cada territoriu del Estáu español.

140

Plan d’Aprendizase Integráu de Llingües Estranxeres

Vamos desenvolver un Plan d'Aprendizaxe Integráu de Llingües Estranxeres pa la educación primaria y secundaria, orientáu a ameyorar l'aprendizaxe de les llingües estranxeres y combatir la segregación social asociada al currículu diferenciáu nos programes actuales.

El plan tendrá de garantizar que nun supón una desigualdá pal alumnáu de distintu orixe social.

El plan va desenvolver en cuatro cursos escolares: nel primer añu va realizase un diagnósticu y una evaluación de la situación actual, y va crease un nuevu plan consensuáu cola comunidá educativa. Nel segundu y el tercer añu va crease un programa pilotu en dellos centros, que va sometese a evaluación. Y, finalmente, nel cuartu añu va espardese a tolos centros escolares del país.

141

Normalización de les metodoloxíes participatives

Vamos promoveremos el desarrollu de nueves práctiques educatives basaes en metodoloxíes actives y participatives del alumnáu, pa lo que se va integrar el conocimientu que l’alumnáu constrúi colectivamente, va potenciase’l desenvolvimientu de les intelixencies múltiples harmonizaes y van xenerase espacios creativos y collaborativos ente alumnáu y profesoráu.

Vamos apostar por que la enseñanza de les artes fortaleza una visión del mundu dende la sensibilidá, la emoción y el desarrollu de la cognición.

Vamos desenvolver un plan estatal pa la promoción de biblioteques d'aula, el software llibre y recursos educativos abiertos, les páxines web y otres formes de almacenaxe d'información y recursos de calter cooperativu. Vamos poner en marcha sistemes pa la tresferencia, extensión y perfeccionamientu de les esperiencies innovadores.

142

Xeneralización de los centros integraos d’enseñances de réxime xeneral y especial de música y danza

Vamos espader los centros integraos nos que s’imparten de forma simultánea les enseñances de réxime xeneral y les enseñances de réxime especial de música y danza, y fomentar la normalización de los cuerpos docentes de los conservatorios en toles etapes de la enseñanza artística. Tamién, vamos integrar les enseñances artístiques superiores nel sistema universitariu.

143

Intelixencia emocional

Vamos incorporar una asignatura sobre intelixencia emocional na Enseñanza Secundaria Obligatoria (ESO), como tamién una estratexa de formación de formadores que permita la incorporación de les ferramientes de la psicoloxía cognitiva, el psicoanálisis y otres rames de la psicoloxía al conxuntu de les estratexes pedagóxiques del aula.

144

Dotación de mayores competencies a los conseyos escolares

Vamos apoyar que’l conseyu escolar —máximu órganu de gobiernu en cada centru— sía quien escueya al director o directora del centru, participe nel proyectu educativu y nes decisiones de meyora. Esta participación de los conseyos escolares constitúi la mejor garantía de participación democrática de tola comunidá educativa. Los conseyos escolares han ellaborar los reglamentos orgánicos de cada centru cola participación de la comunidá educativa, y van garantizase por una inspección d’educación independiente dafechu.

145

Sistema nuevu d’accesu a la función pública docente

Vamos instaurar un sistema d’accesu a la función pública docente nuevu, que tea sustentáu en criterios d’oxetividá y tresparencia, nel que s’evalúen conocimientos específicos d’área o materia, como tamién la capacitación pedagóxica y les habilidaes profesionales, con un ampliu periodu de práctica y una ponderación tanto de los méritos profesionales como académicos. Vamos revisar y crear un modelu nuevu de bolses d’interinaxe, pa lo que vamos dotar a los centros de plantiyes más estables (actualmente ocupen un altu porcentaxe d’inestabilidá llaboral).

Amás, vivimos nun contestu social n’evolución, con cultures en tresformación y innovaciones pedagóxiques, que nun demanda una educación estática. Vamos apostar, por tanto, por unos profesionales preparaos pa la innovación, la evolución, la flexibilidá y la competencia, estableciendo una formación inicial qu’asegure una formación pedagóxica sólida y una práctica adecuada a les nueves metodoloxíes y retos educativos. Entendemos que’l desarrollu profesional ha producise a lo llargo de tola docencia, lo que va favorecer la formación n’igualdá de xéneru y coeducación, n’acosu escolar, en multiculturalidá y nel respetu al medio ambiente, como tamién nel trabayu collaborativu coles families y nel diseñu de programes pa favorecer la equidá.

146

Disminución de la ratio d’alumnáu por aula

Vamos abogar pola disminución de la ratio d'alumnáu per aula pa volver a la situación anterior al 2008, con máximos de 8, 12 o 16 alumnos y alumnes en primer ciclu, y con un máximu de 20 alumnos y alumnes en segundu ciclu. Va buscase l'aproximamientu gradual a les recomendaciones realizaes pola Rede d'Atención a la Infancia de la Comisión Europea: 25 alumnos en primaria y secundaria; 30 alumnos en bachilleratu; 15 alumnos en formación profesional básica, y 25 alumnos nos ciclos formativos de grau mediu y superior.

Vamos recuperar, con calter urxente, les ratios p'abrir y cerrar escueles dientro del mundu rural: 5 pa abrir y 3 pa cerrales.

Vamos Aplicar coeficientes de reducción en función de los alumnos con necesidaes educatives especiales presentes nel aula.

Vamos reducir les hores de docencia directa col fin de facer viable una enseñanza de calidá, que contemple nel horariu del profesoráu los tiempos necesarios pa la coordinación de los equipos y l'investigación y reflexón sobre la práctica docente.

147

Plan d’Apoyu a Centros y Equipamientos Escolares

Vamos ellaborar un plan de centros y equipamientos escolares p’asegurar una ufierta pública en tolos requexos del Estáu:

  • El plan va contemplar l’incrementu progresivu presupuestariu necesariu pa que s’aseguren unos requisitos mínimos pa tolos centros escolares del Estáu en dotaciones de recursos materiales y infraestructures.
  • Los centros de nueva construcción contarán con expertos n’enseñanza pa edificar centros escolares adaptaos pa la enseñanza, onde s’atiendan les necesidaes del alumnáu con diversidá funcional y, en definitiva, se garanticen les arquitectures, espacios y tiempos qu’ayuden al bon facer tanto del profesoráu como del alumnáu.
148

Enseñanza infantil de 0 a 6 años universal y gratuita

Vamos poner los medios presupuestarios pa ofrecer una enseñanza infantil de 0 a 6 años que sea universal, gratuita y de calidá, y otorga-y una identidá educativa plena y propia nes mesmes condiciones ponderaes que’l restu de les etapes del sistema educativu. Pa ello, vamos ellaborar un proyectu de llei que garantice la estabilidá de la rede d’escueles infantiles públiques y l’accesu de los usuarios n’igualdá de condiciones. Tamién, vamos desenvolver un plan específicu de coeducación en dicha rede, como primer pasu hacia una educación non sexista, y vamos xenerar espacios pa la capacitación en crianza respetuosa y pal acompañamientu a demanda de families y docentes, col oxetivu de desenvolver les sos habilidaes educatives y de relación colos menores. Vamos apoyar especialmente, con calter preventivu y d’intervención social, a les families en situación de vulnerabilidá social.

149

Formación Profesional realmente gratuita en tolos niveles

Vamos ampliar la ufierta de Formación Profesional na rede de centros públicos con una planificación que responda a les demandes del mercáu llaboral y al ámbitu territorial, sobre too nel mundu rural, con una dotación abonda de recursos humanos y materiales, pa meyorar los niveles d’enseñanza y la cualificación de la población. Asina, vamos evitar que un númberu abondosu de mozos y moces quede ensin plaza en centros públicos, dqué que sucede na actualidá.

Van regularse los aspectos docentes y llaborales nos convenios de formación en centros de trabayu, de forma que les empreses asuman la so responsabilidá social y l’alumnáu obtenga una remuneración adecuada, col consiguiente beneficiu pa dambos dos. El númberu d’hores de formación en centros de trabayu ha ser el necesariu pa obtener les competencies correspondientes ensin que pueda dir en detrimentu de les hores de formación nel centru educativu. La esperiencia

150

Llei d’Universidaes nueva

Vamos promover una Llei d’Universidaes nueva, qu’incluya la meyora de la financiación, dientro d’un aumentu de la inversión pública n’I+D+i porriba del 2 % del PIB.

Esta llei va complementase con un Estatutu del Personal Docente y Investigador, que contemple la reinserción de la mocedá científico, la estabilidá na carrera docente y investigadora y mecanismos a favor de la igualdá de xéneru.

La calidá de les universidaes básase na del so personal, que va garantizase con una reforma de la evaluación y acreditación que respete la diversidá d’oxetivos docentes y investigadores y l’autonomía universitaria.

La Llei d’Universidaes va incluir igualmente una reforma de la gobernanza, qu’asegure la participación de la comunidá universitaria y la protexa, como serviciu públicu, d’intereses corporativos internos y externos y que, tamién, garantice la tresparencia na xestión y la rendición de resultaos énte la sociedá (a la que tien de sirvir).

151

Tases universitaries accesibles pa toes y toos

Nun pue concebise una tresformación fonda de la sociedá ensin una participación destacada de les universidaes. Cola nuestra propuesta queremos crear les condiciones que favorezan la sinerxa imprescindible ente l’esfuerzu científicu y docente que se realiza nelles y la meyora na vida de toles persones del nuestru país. Por ello, proponemos:

  • Garantizar l’accesu universal a cualquier nivel de los estudios superiores, con una reducción de les tases y un aumentu de les beques, de forma que naide quede escluíu por razones socioeconómiques.
  • Va ser fundamental el compromisu social de les universidaes y que’l mapa de titulaciones y la I+D+i apuesten por llínies de docencia y investigación orientaes al bienestar de les persones y con capacidá para xenerar un retornu al conxuntu de la sociedá.
  • Va impulsase la coordinación ente los niveles autonómicu y estatal, como tamién la collaboración colos centros de secundaria y de Formación Profesional.
152

Enseñanza a lo llargo de tola vida: enseñanza p’adultos

Vamos ampliar el númberu de centros educativos públicos qu’imparten enseñances nes modalidaes de nocturnu, a distancia y pa persones adultes.

Recuperaremos horarios flexibles y adecuaos a la impartición de la docencia nos Centros d’Enseñanza pa Persones Adultes (CEPA), pa posibilitar d’esta manera tanto l’aprendizaxe a lo llargo de la vida como la conciliación de la vida familiar y llaboral. Y vamos recuperar igualmente la orientación psicopedagóxica nos CEPA, que se va facer en coordinación colos axentes sociales del entornu. Vamos ellaborar de forma participativa un Plan d’Educación de Persones Adultes, qu’incluya enseñances como l’alfabetización tecnolóxica y los idiomes, según la demanda social. Con esti plan van recuperase les plantiyes en función de les necesidaes reales de la ufierta educativa.

Tolo anterior va realizase intentando garantizar la cooperación y la coordinación de la enseñanza de persones adultes colos conceyos adheríos (Carta d’Adhesión), pa promover un trabayu conxuntu y orientáu a la población local.

153

Reforma universitaria participativa

Vamos abrir a la participación les instituciones universitaries como pasu previu a toa esta reforma:

  • Van aumentase les encuestes d’evaluación a tolos niveles de la xestión y a tolos miembros de la comunidá universitaria.
  • Van incluise la participación nos departamentos de calidá y van implementase programes de collaboración de los sectores universitarios con otros centros educativos y cola sociedá civil.

Vamos fomentar esa cooperación dientro del sistema cola puesta en marcha d’un procesu participativu de reforma de la universidá, qu’asocie la consecución de financiación extra cola culminación d’unos oxetivos acordaos mutuamente.

Na práctica, amás de la financiación xeneral derivada de les tresferencies a les comunidaes autónomes, l’Estáu va dar una financiación complementaria p’apoyar a aquelles universidaes qu’apuesten por aumentar l’impactu social de les investigaciones o implanten midíes pa meyorar les condiciones de conciliación familiar, la igualdá de xéneru, la tresparencia y la democratización institucional.

La estratexa pa cada centru ha revisase anualmente en función de los oxetivos acordaos. Estos oxetivos nun tienen necesariamente qu’implementase de la mesma manera, sinón que puen variar según les necesidaes de cada universidá.

154

Consorciu universitariu pa la xestión de gastos

Vamos crear un consorciu universitariu qu’implique a les universidaes públiques, a les comunidaes autónomes y al Gobiernu col fin de reforzar el sistema públicu d’enseñanza y investigación.

Dende esti consorciu va coordinase la creación d’órganos mancomunaos nos ámbitos autonómicu y estatal que compartan gastos na financiación de servicios y recursos: suscripciones online, grandes infraestructures d’investigación, compres de material, optimización o renovación de recursos informáticos.

155

Fin de la precariedá del profesoráu universitariu

La reducción de la tasa de reposición (primero al 10 % y depués al 50 %) supunxo un golpe decisivu a la calidá de la enseñanza universitaria. Pa resolver la dramática situación actual, vamos recuperar profesoráu abondo y vamos acabar cola precarización pa que nun se resienta la calidá educativa:

  • Vamos reducir la relación alumnu / profesor del 13 / 1 actual a 10 / 1 al final de la llexislatura.
  • Vamos establecer por llei’l porcentaxe máximu de profesoráu asociáu que pue haber nuna universidá (10 %), con un tratamientu especial pa los graos de la rama biosanitaria, nos que los asociaos presenten unes característiques especiales.
  • Vamos aumentar la tasa de reposición de forma inmediata y incondicionada hasta compensar les pérdides de profesoráu de los últimos años. La tasa nunca va ser inferior al 100 %.
  • Vamos promocionar la xubilación parcial voluntaria ente’l funcionariáu mayor de sesenta años, de forma que se puedan dedicar esfuerzos a remocicar les plantiyes ensin perder la experiencia acumulada (Late Career Fellowship).
156

Reforma de l’Axencia Nacional d’Evaluación de la Calidá y Acreditación (ANECA)

Vamos reformar el sistema d’evaluación pa garantizar los oxetivos docentes, investigadores y de divulgación del conocimientu, como los principios d’igualdá y calidá de la enseñanza y l’autonomía universitaria.

Vamos adecuar les evaluaciones a la realidá universitaria, con mecanismos pa la participación de la comunidá universitaria con representantes escoyíos democráticamente.

Vamos incluir evaluaciones esternes con parámetros internacionales complementarios a los que funcionaron hasta’l momentu y adecuados a la lóxica interna de cada disciplina y ária de conocimientu.

L’ANECA va crear un sellu de «Muyer y Ciencia» pa certificar los centros con trayectoria probada na igualdá d’oportunidaes. Ente los criterios pa obtener esti distintivu, va valorase la presencia de muyeres na composición de los comités científicos y académicos, la implementación de protocolos d’actuación contra l’acosu o les contrataciones de personal a partir de criterios d’igualdá nes polítiques de conciliación.

157

Por una infancia ensin deberes

Depués de seis hores de xornada llaboral-escolar, les nuestres neñes y los nuestros neños de primaria lleguen a casa pa continuar esa xornada, que pue llegar inclusu hasta les ocho o diez hores dellos díes. Hai munches y distintes formes d’aprender: xugando, imaxinando, creando, dibuxando o desarrollando actividaes extraescolares coles que realmente disfruten.

Por ello, proponemos que na nueva Llei d’ Enseñanza se contemple el descansu y disfrute feliz de los nuestros neños y les nuestres neñes depués de la xornada escolar, y pa conseguilo vamos diseñar un sistema educativu onde se promuevan otru tipu d’enseñances y aprendizaxes. D’esti mou, van facese les xeres escolares na escuela, con un tiempu real pa que se puedan acabar, mientres que’l trabayu que se desenvuelva en casa va ser solo’l que nun diera tiempu a acabar nel ámbitu escolar. Asina, los nuestros neños y les nuestres neñes van poder disfrutar de tiempu lúdicu y de los padres.

158

Midíes urxentes contra la probitú infantil y la exclusión social

Vamos desenvolver un Pactu d’Estáu pola Infancia que blinde los derechos de la infancia y l’adolescencia pa garantizar la igualdá d’oportunidaes ente neñes, neños y adolescentes (dada la so condición de vulnerabilidá) y reducir la probitú infantil. Esti pactu va suponer les midíes siguientes:

  • Una renta garantizada con revisión al alza en función de los neños y les neñes presentes na unidá familiar.
  • Subíes progresives nel salariu mínimu interprofesional, col oxetivu de llograr algamar los ochocientos euros mensuales nel 2018.
  • Desarrollu de planes específicos de formación y activación del empláu destinaos a fomentar la empleabilidá de los adultos con neños, neñes o persones dependientes al so cargu, especialmente nos casos de muyeres con neños al so cargu o adultos de families monoparentales.
159

Llei de Protección Integral contra la Violencia hacia la Infancia y l’Adolescencia

Vamos aprobar una Llei de Protección Integral contra la Violencia hacia la Infancia y l’Adolescencia qu’aborde de manera específica les diferentes formes de violencia contra la infancia y l’adolescencia (trata, explotación, bullying, ciber-bullying, segregación, desallugos).

Esta nueva llei va promover l’afondamientu nel conocimientu y el rexistru de les diferentes formes de violencia contra neños, neñes y adolescentes nos ámbitos familiares y extrafamiliares.

La llei va contemplar la creación d’un númberu d’atención telefónica a la infancia, gratuitu, anónimu y seguru pal menor, paecío al esistente pa la denuncia de la violencia machista (016).

Creación de la figura del Defensor del Neñu, la Neña y l’Adolescente, tanto nel ámbitu estatal como nel autonómicu y del conceyu.

Desarrollu de campañes contra la violencia hacia la infancia y l’adolescencia que tengan como referencies espaciales básiques los medios de comunicación, la familia, la escuela, l’atención primaria y los equipos de servicios sociales.

Apoyu alministrativu y económicu activu al acoyimientu familiar (families canguru, families paragües, etcétera) de neños y neñes víctimes de violencia, abandonu o vivencies traumátiques, frente al modelu d’acoyimientu residencial.

160

Neñes, neños y adolescentes: prioridá de les instituciones

Vamos dar mayor visibilidá a la infancia nes instituciones coles midíes:

  • Creación d’una Comisión Permanente de la Infancia y l’Adolescencia nel Congresu de los Diputaos cola función principal d’evaluar y dar seguimientu al impactu de toles propuestes llexislatives y polítiques públiques relatives a esti sector de la población.
  • Creación del Conseyu de Participación Infantil y Adolescente con calter estatal.
  • Reforma del actual Observatoriu de la Infancia, cola representación de la infancia y adolescencia, pa meyorar los competencies d’investigación de la realidá social del colectivu y la so capacidá d’incidencia nes polítiques públiques. Esti observatoriu va velar por una mayor visibilidá de los neños, neñes y adolescentes nes estadístiques oficiales.
161

La receta deportiva: más polideportivu y menos ambulatoriu

Consideramos que ye imprescindible un Plan Integral de Promoción de la Salú p’abordar el sederentarismu y la obesidá infantil, sobre too si queremos que la nuestra sociedá avance de forma saludable, y vamos facelo dende una perspectiva familiar y comunitaria, abordando dichu plan en coordinación colos diferentes ministerios implicaos, les comunidaes autónomes y los conceyos. Trés son los nuestros oxetivos principales:

  • Reducir les tases de sedentarismu y obesidá infantil actuales (43 %) y les cargues d’enfermedá por inactividá física (ente un 20 % y un 30 %; enfermedaes cardiovasculares, diabetes tipu II, cáncer de mama y colon). Prevenir hábitos non saludables como’l tabaquismu o l’alcohol.
  • Incidir na tasa de mortalidá (ente un 8 % y un 14 %), qu’actualmente s’atribúi a les causes anteriores.

Vamos abordar esti plan multidisciplinarmente, cola creación de comunidaes actives nes que va participar la comunidá sanitaria, cultural, d’ociu, deportiva, educativa, d’empléu y social.

Les derivaciones a los polideportivos y a les actividaes extraescolares van partir dende los diferentes axentes, especialmente dende los especialistes en pediatría infantil, enfermería y pediatría d’atención primaria, o dende l’ámbitu del trabayu social, los movimientos asociativos representativos de la promoción de la salú na infancia y, por supuestu, la enseñanza.

Va ser necesaria la implicación de los proxenitores nes actividaes y formaciones.

Va dase prioridá a la población de riesgu sanitariu o n’esclusión social.

Les recetes deportives van concretase n’estratexes con diferentes programes d’actividá física según el grupu de riesgo al que pertenezan les persones que quieran participar nellos, y van adecuase a les particularidaes locales y a la disponibilidá de recursos. Dellos exemplos de programes que se podríen poner en marcha:

  • Recuperación tras el partu hasta los diez meses de vida: dos díes per selmana pa la ma y el neñu (vínculu afectivu).
  • Hábitos saludables en persones con riesgu de diabetes y obesidá: dos díes d’actividá física per selmana.
  • Paseos saludables pel parque: dos díes per selmana.
  • Programes sociales: de dos a tres díes per selmana y según la uferta polideportiva.
  • Programes de promoción de la salú y programes deportivos: tres díes d’actividaes deportives extraescolares nos centros educativos, como tamién pol deporte base.
  • Programes d’avieyamientu activu y saludable: de dos a tres díes per selmana (por exemplu, actividaes de baxo impactu o adaptaes, como taichí nel parque, dances populares o xuegos tradicionales).
162

Fondu Social del Deporte: el deporte de toos

Vamos crear un Fondu Social del Deporte, cuya xestión va facese cola Subdirección Xeneral de Promoción y Innovación Deportiva del Conseyu Superior de Deportes. Vamos establecer un departamentu nesi conseyu pa xestionar el fondu, que se va centrar nel mapeo, la financiación, la mediación y la promoción de proyectos sociodeportivos, d’educación física y d’investigación y difusión, como tamién el fomentu de la creación de valor nel deporte cola I+D+i. Exemplos de destinatarios:

  • Escueles o clubes deportivos de zones deprimíes, tanto en ciudaes como en zones rurales, que xeneren valor y fomenten los valores del deporte na comunidá.
  • Asociaciones que realicen actividaes nel marcu del deporte y con impactu nes escueles, relacionaes col mediu ambiente o acciones sociales d’interés xeneral.
  • Empreses o instituciones que se dediquen a la investigación nel entornu del deporte, l’actividá física y la meyora de la salú al traviés del deporte.
  • Apoyu a deportistes en deportes non profesionales y con escasos recursos pa la participación a nivel nacional y internacional.
163

Plan d’apoyu a deportistes d’altu nivel

Nos últimos años vimos cómo munchos de los nuestros más reconocíos y premiaos deportistes terminaron les carreres deportives y, por diferentes motivos, nun solo nun fueron quien d’integrase na sociedá y aportar tolos conocimientos y esperiencia, sinón qu’amás en dellos casos tuvieron un final tráxicu. Por ello, sentímonos obligaos a ofrecer un sistema que pueda facer esa transición y, incluso, a asegura-yos víes d’accesu a les instituciones d’aquelles áries onde pueden aportar valor.

Vamos promover un Plan Nacional d’Apoyu Integral a la Formación de Deportistes d’Altu Nivel n’Edá Escolar y Universitaria, que ta directamente relacionao cola formación académica y la compatibilización cola actividá deportiva, amás de desarrollar una cultura deportiva nes estructures académiques. Esti plan va desenvolvese programes específicos según les necesidaes y los ámbitos d’actuación:

  • Programa académicu pa escueles, institutos d’ESO y bachilleratu.
  • Programa de desarrollu del deporte universitariu y de los deportistes universitarios.

Plan d’accesu a la función pública y admisión como funcionarios nos ministerios que más podríen beneficiase de los conocimientos y esperiencies adquiríes polos deportistes d’altu nivel, lo que va concretase nuna reserva de places na ufierta pública d’empléu de los ministerios siguientes:

  • Ministeriu de Defensa: el 3 % de les places en cada ufierta pública, distribuíes ente los diferentes cuerpos que lu integren: l’Estáu Mayor, l’Exércitu de Tierra, l’Exércitu del Aire, l’Armada y los Cuerpos Comunes.
  • Ministeriu del Interior: el 2 % de les places en cada ufierta pública de los diferentes cuerpos que lu integren: el Cuerpu Nacional de Policía, la Guardia Civil, les Instituciones Penitenciaries, Protección civil y Emerxencies, y la Dirección Xeneral de Tráficu.
  • Ministeriu de Facienda y Alministraciones Públiques: el 2 % de les places en cada ufierta pública del Departamentu d’Aduanes y Impuestos Especiales de l’Axencia Tributaria, y del Serviciu de Vixilancia Aduanera.
  • Ministeriu d’Educación, Cultura y Deporte: el 2 % en cada ufierta pública.

Pruebes d’accesu adaptaes a esti colectivu.

Garantía de flexibilidá llaboral, con horarios y funciones que permitan compatibilizar esta actividá cola d’entrenamientos y competiciones.

164

Llei de Regulación de les Profesiones del Deporte

P’atender una de les principales demandes del sector, vamos trabayar na profesionalización de los puestos y les titulaciones deportives col desarrollu d’una llei estatal qu’unifique y confiera un marcu xeneral y igualitariu a toles comunidaes autónomes, otorgue una seguridá xurídica a los profesionales del deporte, clasifique les categoríes profesionales, especifique les funciones y atribuciones propies de caúna y señale cómo debe acreditase dicha cualificación p’acceder llegalmente al exerciciu de la profesión y combatir asina l’intrusismu nel deporte.

165

Más deporte nes escueles: trés hores d’Educación Física selmanales y incorporación de l’asignatura d’Educación Física al currículu de segundu de bachilleratu

La Educación Física ye fundamental pa la formación de ciudadanos autónomos con un estilu de vida activu y saludable. Los informes del Programa Internacional pa la Evaluación d’Estudiantes (PISA, poles sigles n’inglés) señalen la esistencia d’una relación directa ente los resultaos académicos y el porcentaxe de tiempu escolar dedicáu a la Educación Física. Per otru llau, dellos estudios médicos avalen la vinculación ente la obesidá infantil y el sedentarismu.

Vamos impulsar un cambiu na Llei d’Educación pa que, ente otres midíes, vuelva a l’asignatura d’Educación Física el calter troncal que tenía enantes de la entrada en vigor de la LOMCE. Tamién, vamos adaptar el númberu d’hores lectives dedicaes a la Educación Física na escuela a la media de la Unión Europea. Esto supón elevar a tres hores selmanales el tiempu dedicáu a esta asignatura na educación primaria y secundaria. Per otru llau, y con oxetu de preservar el pesu específicu de la Educación Física a lo llargo de tol ciclu d’enseñanza secundaria, vamos reincorporar l’asignatura d’Educación Física al currículu de segundu de bachilleratu.

166

Llei de Mecenazgu y Patrociniu Deportivu

Vamos impulsar una reforma de la Llei 49 / 2002, de 23 d’avientu, de réxime fiscal de les entidaes ensin ánimu d’arrequecimientu y de los incentivos fiscales al mecenazgu, col fin d’equiparar (al nivel de los países más avanzaos) la desgravación fiscal a los particulares y les empreses nes donaciones de calter filantrópicu, y incentivar asina la puesta en marcha de mecanismos de financiación y collaboración ente’l sector priváu y el públicu, en beneficiu del interés xeneral, qu’incluyan nun solo al tercer sector, sinón tamién al de la enseñanza, la cultura y el deporte.

167

Plan Estratéxicu pal Deporte Adaptáu

Vamos afitar el Plan Estratéxicu pal Deporte Adaptáu sobre tres pegoyos fundamentales:

  • Crear un ária específica de Deporte Adaptáu nel Conseyu Superior de Deportes que s’encargue de:
  • La promoción, la detección de talentos, la tecnificación y l’altu rendimientu nel Deporte Adaptáu.
  • El fomentu d’actividaes de promoción del deporte adaptaáu con deportistes n’edá escolar.
  • La coordinación del Comité Paralímpicu Español y otros centros estatales dependientes del Ministeriu de Sanidá pa la captación de deportistes con discapacidá.
  • L’impulsu de planes de formación técnica adecuada en materia de discapacidá pa técnicos y oficiales deportivos.
  • La evaluación de les instalaciones d’entrenamientu de los y les deportistes paralímpiques pa fomentar la so meyora y ampliación.
  • La promoción de los estudios y investigaciones en materies como la clasificación funcional de los deportistes, los nuevos materiales pa les prótesis deportives, les silles de ruedes, les bicicletes, les embarcaciones adaptaes, etcétera.
  • Equiparar les ayudes que reciben los y les deportistes olímpicos a les que reciben los y les deportistes paralímpicos, les Federaciones Españoles y el Comité Paralímpicu Español.
  • Xenerar una estructura de xestión del deporte adaptáu que s’aborde de forma tresversal dende cuatro áries: la deportivo-competitiva, la recreativa, la terapéutico-sanitaria y la educativa. Pa ello, vamos crear delles meses de coordinación ente’l Ministeriu de Sanidá, Servicios Sociales y Igualdá y el Ministeriu d’Educación, Cultura y Deporte, col fin d’axuntar a los organismos públicos y los privaos, los clubes deportivos, les fundaciones, les federaciones territoriales y les empreses.
168

Creación del Observatoriu de la Integridá del Deporte contra’l Fraude, Amaños de Partíos y Resultaos Deportivos

Vamos crear l’Observatoriu de la Integridá del Deporte Contra’l Fraude col apoyu de los Ministerios d’Interior y Facienda Pública. Los sos oxetivos van ser:

  • Fomentar y adoptar el fair play (xuegu llimpio) nel resultáu deportivu.
  • Buscar de forma sistemática los posibles fraudes nel deporte.
  • Identificar les posibles alteraciones o amaños de resultaos.
  • Alertar de los posibles fraudes o competiciones amañaes a les instituciones qu’alluguen eses pruebes y a les autoridaes competentes nesi deporte y na xusticia ordinaria.
  • Alertar a los órganos competentes deportivos pa qu’establezan midíes correctives en función de los sos estatutos y alministren les posibles sanciones en casu de fraude. Tamién, va instase a qu’estos organismos lleven alantre una actualización permanente de les directrices sancionadores.
169

Creación d’una Cartera Estatal de Servicios Sociales Garantizaos

Vamos garantizar con una llei estatal que tolos ciudadanos y ciudadanes tengan accesu a un catálogu de servicios sociales mínimu y común, independientemente de la comunidá autónoma onde residan.

La Cartera Estatal de Servicios Sociales Garantizaos, unos servicios sociales que vamos introducir na Constitución pa garantizalos, va llevar arreyao tamién la puesta en marcha de polítiques actives de coordinación intersectorial (sanidá, vivienda, empléu, enseñanza y custicia) que se van diseñar dende’l Ministeriu de Sanidá, Servicios Sociales y Igualdad en collaboración colos responsables autonómicos y municipales implicaos.

170

Un centru de servicios sociales por cada venti mil habitantes

Vamos garantizar la prestación de servicios sociales públicos de prosimidá pa tola ciudadanía. Tola ciudadanía va tener accesu universal y gratuitu a un centru de servicios sociales compuestu por un trabayador o una trabayadora social, un educador o una educadora social y un psicólogu o una psicóloga. Vamos promover la xestión municipal de los equipos de servicios sociales.

171

Dotación estatal de 85 millones d’euros pal Plan Concertáu de Prestaciones Básiques de Servicios Sociales en corporaciones de conceyos

Vamos recuperar el nivel de créditu estatal pal Plan Concertáu de Prestaciones Básiques de Servicios Sociales pa la financiación de corporaciones de conceyos a los montos de gastu del 2011, col fin de revertir los sucesivos recortes aplicaos d’entós pal 2015. Vamos activar la «incorporación sociollaboral» a los proyectos financiaos por esti Plan Concertáu de Prestaciones Básiques de Servicios Sociales, tal y como establez el Programa Operativu del Fondu d’Ayuda Europea pa les Persones más Desfavorecíes (FEAD), 2014-2020, de la Unión Europea.

172

Adecuación de los recursos humanos y materiales de los servicios sociales públicos a la demanda real esistente

Col fin de reducir de manera paulatina y continua la externalización de los servicios sociales y de poner fin a la so privatización encubierta, les alministraciones públiques han dar cuenta con una periodiciá anual de los servicios sociales asumíos por entidaes privaes. Solo cuando les alministraciones públiques nun tean en condiciones d’asumir la prestación de servicios sociales garantizando la so calidá y accesibilidá, vamos contemplar la so esternalización. En tales casos, va priorizase la concertación y el conveniu colas entidaes de la economía collaborativa, social y del bien común.

173

Creación del Institutu d’Innovación y Investigación en Servicios Sociales

Vamos crear l’Institutu d’Innovación y Investigación en Servicios Sociales, que va tener como oxetivos la evaluación de les polítiques públiques nos servicios sociales y la formulación de propuestes d’innovación y meyora. Va trabayar de manera coordinada con toles conseyeríes, direcciones xenerales y concealíes de servicios sociales del país, pa formular propuestes de meyora y innovación de tipu específicu o cooperativu.

174

Creación d’un fondu estatal pa l’accesibilidá universal

Vamos crear la Llei del Fondu Estatal pa l’Accesibilidá Universal.

Esi fondu va nutrise del 1 % de lo que los Presupuestos Xenerales del Estáu destinen anualmente a les inversiones d’obres públiques y infraestructures, nueves tecnoloxíes y sociedá de la información. Con esti fondu van financiase nel conxuntu del territoriu español los programes y les actuaciones d’accesibilidá universal nos procesos, bienes, productos, servicios, tresporte, información y comunicaciones, como tamién nos medios de comunicación social, col oxetivu de que toles persones con diversidá funcional, en situación de dependencia o con limitaciones comunicatives o cognitives de cualquier tipu (persones mayores, con analfabetismu funcional, estranxeros, etcétera) puedan ser independientes y participar plenamente en tolos aspectos de la vida.

175

Atención / Intervención Temprana pública, gratuita, universal y de calidá

Los trastornos del desarrollu o’l riesgu de carecelos son un problema de salú. Por tanto, toles prestaciones d’Atención / Intervención Temprana (A / IT) deben incluise na cartera de servicios del Sistema Nacional de Salú, col fin de garantizar la so universalidá, gratuidá y calidá.

L’Atención / Intervención Temprana (A / IT en prevención 3.ª) tien de dase directamente polos centros públicos de la rede sanitaria o por entidaes ensin ánimu d’arriqueciemintu con una probada esperiencia n’A / IT, y en nengún casu por empreses privaes.

Por ello, vamos redactar y aprobar la Llei Nacional d’Atención Temprana a los neños y les neñes, que garantice’l diálogu; la integración y la participación de les families; la interdisciplinaridá y l’alta cualificación profesional; la coordinación ente los profesionales implicaos nos servicios sanitarios, sociales y educativos (caún con actividaes concretes y complementaries pero nunca sustitutives); la descentralización, pa que sea cercana y de fácil accesu pa les families, y incluya la prestación a domiciliu y la relación colos servicios sanitarios d’atención primaria, les escueles infantiles y les escueles; y, por últimu, la sectorización, de forma que s’equilibre l’hábitat y la demanda cola operatividá de los Centros d’Atención Infantil Temprana.

176

Llei d’Autonomía y Dignidá de les persones en situación de dependencia, los sos asistentes y les families

A partir d’un ampliu consensu sociopolíticu en busca d’un pactu d’Estáu, proponemos integrar y superar les lleis actuales sobre dependencia, col fin d’atender la diversidá enorme de situaciones vitales (neños, adultos con proyectos de vida independiente, mayores, diversidá funcional física, sensorial, intelectual, etcétera). La nueva llei pretende reducir o eliminar la violación cotidiana de los derechos humanos de les persones que s’atopen en situación de dependencia, la grave discriminación económica que sufren coles sos families, el patrón d’intensa desigualdá de xéneru esistente na economía de los cuidaos, la economía sumerxida y la esplotación llaboral a los que conduce l’actual esquema.

Esta llei va siguir el modelo danés. Va integrar les reivindicaciones del Movimientu Feminista y del Movimientu de Vida Independiente y reconocer el llabor que desempeñen tanto’l tercer sector como los profesionales de los servicios sociales de l’Administración. Igualmente, va apostar por una asistencia personal que s’axuste a les necesidaes de les persones y permita llevar alantre proyectos de vida independiente de mou real y efectivu y, tamién, abogar por esquemes de vida que potencien la permanencia de les persones na so contorna social. L’oxetivu va ser protexer, y al tiempu fomentar, la emancipación de les persones en situación de dependencia, como la de los actuales cuidadores familiares, con una apuesta sólida por una cartera de servicios públicos bien financiaos que concreten el reconocimientu de los derechos.

177

Plan de choque pola dignidá de les persones en situación de dependencia y les sos families

Nos primeros cien días de Gobiernu y dientro del marcu llegal actual, van adoptase les siguientes midíes col propósitu de menguar la urxencia material na qu’actualmente viven cientos de miles de persones en situación de dependencia y les sos families:

  • Derogar el Real Decretu 20 / 2012 que recortó los derechos efectivos y la financiación de l’Alministración Xeneral del Estáu a les comunidaes autónomes.
  • Reponer el nivel acordáu y el 13 % del nivel mínimu de financiación. Pa ello, la financiación de la Llei de Dependencia ha basase nel coste real de los servicios daos o de les prestaciones concedíes y va dividise nun 50 % a cargu de l’Alministración Xeneral del Estáu y nel 50 % restante a cargu de les comu- nidaes autónomes cola eliminación del copagu. N’implantao’l sistema en tolos graos y niveles, va articulase la financiación de la llei cola Llei Orgánica de Financiación de les Comunidaes Autónomes (LOFCA).
  • Eliminar el «limbo de la dependencia» qu’afecta a más de 433000 persones y exigir el cumplimientu de los seis meses nel procedimientu completu de la llei, pa qu’a tol que se-y reconociera un gruo y un nivel que conlleven el derechu a recibir les prestaciones y los servicios del sistema se-y apruebe’l Programa Individual d’Atención (PIA) y pueda recibilos de manera efectiva.
  • Garantizar nos PIA una asistencia personal abonda y unos derechos pa tolos adultos con planes de vida independiente y en toles comunidaes autónomes.
178

Principios y valores de la Convención Internacional sobre los Derechos de les Persones con Discapacidá

Vamos dotar de recursos a l’Alministración pa l’aprobación y el despliegue d’una llei orgánica qu’adapte l’ordenamientu xurídicu español a los valores, principios y mandatos de la Comvención Internacional sobre los Derechos de les Persones con Discapacidá (2006) no tocante a los aspectos tovía non actualizaos que se vinculen a la capacidá xurídica, l’accesu a la xusticia, la tutela xudicial, la educación inclusiva y la llibertá de les persones con diversidá funcional. D’esta forma, van promocionase, protexese y ratificase los derechos humanos y les llibertaes fundamentales de cualquier persona, independientemente de la so naturaleza o condición.

179

Ampliación del derechu al votu a les persones con diversidá funcional

Vamos aseguranos de que toles persones con diversidá funcional puedan participar plena y efectivamente na vida política y pública, n'igualdá de condiciones que les demás, al traviés del derechu al votu. Vamos dar los siguientes pasos pa consiguilo:

  • Llograr datos de la Xunta Electoral Central sobre'l númberu de persones con diversidá funcional privaes del derechu a votu desagregáu per comunidaes autónomes.
  • Realizar acciones que favorezan la recuperación del derechu al votu de les persones con diversidá funcional.
  • Reformar la Llei Orgánica del Réxime Electoral Xeneral (LOREG) pa qu’a nenguna persona con diversidá funcional puedan quita y el derechu fundamental de sufraxu nel futuru y por que se restituya'l derechu de votu a les qu'agora nun lo tienen.
  • Llevar alantre una adaptación normativa relativa al exerciciu de la capacidá xurídica de les persones con diversidá funcional n'igualdá de condiciones y en collaboración estrecha coles organizaciones representatives de les persones con diversidá funcional.
180

Llei d’Inclusión Llaboral de Persones con Diversidá Funcional

Vamos promover la Llei d'Inclusión Llaboral de Persones con Diversidá Funcional que dexe aumentar nun 50 % la tasa d'actividá a lo llargo de los cuatro años de la llexislatura. Pa ello, va proponese un nuevu marcu llegal d'inclusión llaboral de persones con diversidá funcional que trescienda'l vixente y se centre na atención individualizada a lo llargo del procesu de inserción llaboral, la promoción de la formación, l’apoyu individualizáu, l'activación de nueves formes innovadores d'accesu y inclusión llaboral, y la discriminación positiva hacia les persones con diversidá funcional con mayor necesidá d’apoyu o en situación d’esclusión social. Siempre teniendo presente la perspectiva de xéneru.

181

Foru Ciudadanu Permanente sobre Dependencia y Diversidá Funcional

Vamos entamar el Foru Ciudadanu Permanente sobre Dependencia y Diversidá Funcional. Va axuntase periódicamente y, anque va recibir un financiamientu estable del Estáu, el so funcionamientu va ser independiente, abiertu, tresparente y democráticu. Pretendemos que nél participen tantu empreses como fundaciones o asociaciones del tercer sector que tengan relación cola dependencia y la diversidá funcional (como movimientos sociales, ciudadanos y families que nun pertenezan a nengún colectivu formal pero a quien afecte esta problemática). L’oxetivu del foru va ser debatir, analizar, informar y proponer una llexislación y unes polítiques públiques nel ámbitu de la dependencia y la diversidá funcional, que cuenten col conocimientu y el consensu de la sociedá civil implicada, ensin perxuiciu de que puedan articulase procedimientos vinculantes naquellos temes de mayor relevancia.

182

Financiación de les organizaciones del tercer sector dedicaes a l’atención de persones con diversidá funcional o dependencia

Vamos facer un contratu social col tercer sector p'asegurar el plenu exerciciu de los derechos de les persones con diversidá funcional o en situación de dependencia. Al traviés d'él, l'Estáu va facilitar los recursos pal funcionamientu de les entidaes ensin ánimu d'arriquecimientu del ámbitu de la diversidá funcional y la dependencia y qu’estes asuman un compromisu éticu cola meyora continua, los criterios de tresparencia y la calidá na xestión de los programes y servicios, según unos mecanismos de participación democrática y gobernanza que dexen que les persones con diversidáad funcional o dependientes sían atendíes como ciudadanos y ciudadanes de derechu con plena participación en tolos aspectos que los afecten nes distintes etapes de la vida.

183

Rehabilitación y fisioterapia continuaes gratuites pa les persones en situación de dependencia o diversidá funcional

Una bona parte de les persones en situación de dependencia o con dalguna diversidá funcional necesita sesiones de rehabilitación y fisioterapia continuada pero nun puen asumir el coste. En munchos casos, tampoco tien derechu a elles nel marcu del Sistema Nacional de Salú. Dada la importancia terapuéutica, proponemos qu’estes sesiones (tres prescripción facultativa) tean incluíes na cartera de servicios del Sistema Nacional de Salú, col fin de garantizar la so universalidá, gratuidá y calidá.

184

Aumentu y axilización de les prestaciones por material ortoprotésicu

Una bona parte de les persones en situación de dependencia o con dalguna diversidá funcional precisa costosos materiales ortoprotésicos (como silles de ruedes, corsés o implantes cocleares) pa poder aumentar la so funcionalidá y llevar una vida más plena. Proponemos reformar el sistema de subvenciones a partir de les si- guientes midíes:

  • Aumentar les cantidaes subvencionaes pa que les persones con pocos recursos económicos nun se vean obligaes a optar por materiales de gama bien baxa, como pasa actualmente anguaño.
  • Homoxeneizar les prestaciones en toles comunidaes autónomes.
  • Dexar que l'Alministración adelante'l dineru tres l'aprobación y la presentación d'una factura proforma o similar, por que les persones con pocos recursos nun se vean obligaes a abonar l'importe y esperar la devolución.
  • Acelerar el procesu de concesión de les ayudes y sobremanera, otorgar calter d'urxencia a la cita con un médicu especialista cuando se riquier un informe d'esti.
  • Abonar lo antes posible los retrasos acumulaos actualmente nel sistema.
185

Reconocimientu constitucional de les llingües de signos españoles como llingües cooficiales

Proponemos reformar l’artículu 3 de la Constitución y facer un reconocimientu esplícitu de les llingües de signos españoles como llingües oficiales del Estáu.

186

Implementación de la perspectiva de xéneru nes instituciones de l’Alministración Xeneral del Estáu pa eliminar la discriminación y facer efectiva la igualdá ente homes y muyeres

Proponemos la puesta en marcha de les acciones necesaries pa fortalecer la incorporación tresversal del principiu d'igualdá nel funcionamientu alministrativu y na ellaboración de les polítiques públiques. Pa ello vamos llevar alantre les actuaciones siguientes:

  • Creación d'una Secretaría d'Estáu d'Igualdá dependiente del Ministeriu de la Presidencia como órganu referente na aplicación tresversal del principiu d'igualdá de les polítiques públiques y na coordinación intrainstitucional y interinstitucional de la materia.
  • Regulación del funcionamientu, les competencies y la composición de les Unidaes d'Igualdá de Xéneru de los Ministerios referíes nel artículu 77 de la Llei 3 / 2007, de 22 de marzu, pa la igualdá.
  • Conformación d'una rede d'aliances alministratives ente los distintos organismos d'igualdá esistentes na Alministración central y autonómica.
  • Creación d'informes de xéneru vinculantes con cargu a los Presupuestos Xenerales del Estáu.
187

Muyeres nes Fuerces Armaes y nos Cuerpos y Fuerces de Seguridá del Estáu

Vamos desenvolver un plan específicu pola igualdá de muyeres y homes y pola non discriminación por motivos d'identidá o orientación sexual.

Vamos llevar alantre un abordaxe de les llagunes llegales esistentes nel Códigu Penal Militar en materia d'acosu sexual, pa conocer el so algame real nel ámbitu militar.

Vamos crear protocolos sobre violencies machistes pal personal femenino, col fin d'evitar daños añadíos na so carrera énte una posible denuncia.

Vamos realizar una regulación xurídica del abusu de poder y la discriminación nel ámbitu llaboral por razón de xéneru nes Fuerces Armaes y los Cuerpos y Fuerces de Seguridá del Estáu.

Vamos crear campañes de concienciación sobre l'acosu sexual en dichos colectivos.

Vamos adaptar los instrumentos de trabayu y el material de seguridá al personal femenino.

Vamos xenerar midíes efectives sobre la conciliación y la corresponsabilidá familiar, tantu nos puestos de serviciu del territoriu nacional como nes misiones nel estranxeru.

Vamos revisar los criterios de promoción nel escalafón militar, con oxetu de garantizar una mayor presencia de muyeres nos altos mandos.

188

Frente a les violencies machistes, la independencia de les muyeres

Vamos asegurar la independencia de les muyeres. Una persona solo pue poner fin a una situación de violencia si ye independiente y tien, por tanto, alternatives. Vamos modificar la Llei de Violencia de Xéneru por que se conciba a les muyeres como suxetos activos y non como víctimes; y vamos incluyir toles formes de violencia machista, como indica'l Conveniu d'Istambul: matrimoniu forzosu, crímenes «d'honor», trata de muyeres y neñes, mutilación xenital femenina, etcétera. Coles mesmes, ellaboraremos planes d'intervención psicosocial destinaos a los homes condergaos por violencia machista, y vamos reforzar les midíes orientaes a la prevención de les violencies machistes al traviés de campañes de prevención de conductes violentes na población adolescente y de sensibilización y implicación de la sociedá, particularmente de los homes. Igualmente, vamos establecer unos servicios de protección y apoyu especializaos pa menores espuestos a violencies machistes, con cuenta de garantizar la so seguridá.

Vamos garantizar l'alternativa habitacional inmediata pa les víctimes de la violencia machista y l'accesu prioritariu pa percibir prestaciones ensin necesidá de denuncia previa.

Vamos llevar alantre un plan d'empléu pa mujerer mayores de cuarenta y cinco años y pa muyeres que s’atopen en riesgu d'esclusión social.

189

Llei Contra la Discriminación por Motivos d’Identidá de Xéneru y Orientación Sexual

Vamos establecer un Observatoriu Estatal de LGTBIfobia que vele pol cumplimientu de la llei, reciba y xestione denuncies y actúe d’oficiu. Igualmente, vamos fomentar la creación d’observatorios autonómicos.

Vamos echar andar un Conseyu Estatal pola Igualdá de les Persones LGTBI con capacidá pa emitir informes, realizar investigaciones, facer propuestes llexislatives y presentar acciones penales contra presuntos agresores y discriminadores.

Vamos crearemos un Institutu Nacional LGTBI que tea al mesmu nivel que’l Institutu de la Muyer y l’Institutu de la Mocedá.

Vamos llevar alantre una reforma del artículu 14 de la Constitución pa incluir espresamente la prohibición de la discriminación por orientación sexual o identidá de xéneru.

Vamos instaurar un Plan Nacional Contra l'Acosu Escolar por motivos d'orientación sexual y identidá de xéneru qu'incluya formación, campañes de sensibilización y asistencia y apoyu a les víctimes.

190

Llei Integral contra la Trata de Persones

Vamos reafirmar el papel central de les víctimes como suxetos de derechos, y vamos actuar de forma coordinada (ente les autoridaes estatales, autonómiques y locales) pa la protección, identificación y detección de les persones víctimes de trata.

Reforzar la protección, con periodos de restablecimientu y reflexón garantizada, y prohibir la deportación o l'encierre nun Centru d'Internamientu d'Estranxeros (CIE). Esaniciar la responsabilidá penal de les víctimes de trata que s'atopen en situación irregular por non collaborar coles autoridaes.

Formar profesionales del ámbitu xurídicu, implicaos na tramitación de visaos y solicitúes d'asilu, miembros de los Cuerpos y Fuerces de Seguridá del

Estáu y inspectores de trabayu con una perspectiva psicosocial.

Crear mecanismos d'atención integral a les víctimes con un enfoque integrador, trescultural, de protección efectiva nel casu de denuncia y más allá del xuiciu. Garantizar el derechu al asilu polos diversu tipos de trata, según la concesión automática de los permisos de residencies temporales.

191

Ellaboración de la nueva Llei d’Identidá de Xéneru

Vamos ellaborar una nueva Llei d'Identidá de Xéneru y vamos incluir nella midíes p'asegurar la protección de los derechos de les persones intersexuales. Tamién, vamos garantizar el cambiu de nome y sexu nos documentos otorgaos a toles persones qu'asina lo quieran, y vamos dar una atención especial a los casos de neños y neñes transexuales, como a les persones migrantes, col fin d'encamentar a tola Alministración Pública a que se formalicen protocolos pa ello. Vamos garantizar tamién l'accesu voluntariu de les persones transexuales a un acompañamientu sanitariu profesional baxo criterios non patoloxizantes. Vamos incluir na cartera xeneral de prestaciones del Sistema Nacional de Salú l'atención sanitaria de cercanía a les persones transexuales, incluyíes les ciruxíes necesaries y l'atención a los menores transexuales, por que puedan acceder dende cualquier puntu d'España a una atención igualitaria y non patoloxizante. Pa ello, vamos implantar la formación clínica y psicosocial necesaria pa los y les profesionales. Vamos Crear planes d'empléu pa persones transexuales, según cuotes d'empléu públicu.

Vamos garantizar el reconocimientu de los derechos reproductivos de les persones transexuales.

192

Plan Estratéxicu pa la Conciliación de la Vida Llaboral y Familiar

Vamos ellaborar un Plan Estratéxicu pa la Conciliación de la Vida Llaboral y Familiar qu’incorpore a tolos actores implicaos y evalúe les polítiques públiques implementaes nesti ámbitu nos últimos diez años. Esti plan estratéxicu va tener como oxetivu fun- damental favorecer la crianza y l’atención de neños, neñes, adolescentes y adultos dependientes nel ámbitu familiar.

Vamos promover midíes destinaes a l’adecuación de los horarios llaborales de los cuidadores, como una mayor flexibilización horaria, el teletrabayu, o los permisos o pal cuidáu de neños, neñes, adolescentes y persones dependientes.

Vamos declarar el derechu universal a la educación infantil pública y gratuita dende los 0 años, y instaurar un plan d'implantación progresiva.

Vamos impulsar les fórmules contractuales que promuevan xornaes llaborales curties a tiempu completu, según l'adaptación ente los horarios llaborales y los escolares.

Vamos reformar el sistema de permisos por nacimientu o adopción estableciendo un calandariu d'aumentu del actual permisu de paternidá hasta igualalu col de maternidá. Pa garantizar la igualdá efectiva de los derechos, el permisu tien de ser igual pa cada persona proxenitora, intransferible, abonáu col 100 % del salariu y con igual protección del puestu de trabayu nel exerciciu de los derechos de maternidá y paternidá.

Vamos esparder los planes de «respiru» familiar a les cuidadores y cuidadores de neños, neñes, adolescentes y persones dependientes, dando una especial atención a les families monoparentales.

193

Protección a les families monoparentales

Vamos implementar unes midíes específiques de protección a les families monoparentales pa compensar la so situación d'especial vulnerabilidá.

Ellaboración d'una definición precisa de familia mo noparental que dexe reconocer d'acuerdu a los mesmos criterios el so estatus en tolos niveles de l'Alministración. Creación d'un carné de familia monoparental qu'acredite esta condición.

Creación d'una prestación de maternidá non contributiva pa madres y padres solos y ensin recursos que s'atopen n'activu con demanda d'empléu.

Inclusión de la categoría «familia monoparental» como grupu especial pa facilitar l'accesu a beques destinaes a los comedores y a la compra de materiales del ámbitu educativu.

Consideración específica de les families monoparentales como colectivos beneficiarios d’ayudes al alquiler con prioridá nel accesu a viviendes protexíes.

Favorecer la prioridá na asignación de plaza na educación infantil de 0 a 3 años pa los fíos y fíes de families monoparentales.

194

Plan d’apoyu destináu a les madres y a los padres mozos

Vamos dar una atención especial a les madres y los padres mozos pa garantizar que'l cuidáu de los sos fíos y fíes sía compatible cola so carrera profesional y col empiezu y continuación de los sos estudios.

Establecer ayudes pa fomentar la contratación de les madres y los padres mozos.

Favorecer la flexibilidá horaria tantu llaboral como nos centros educativos, según la prioridá na elección d'horarios de los padres y les madres moces.

Dar ayudes económiques en forma de beques a les madres moces soles.

Habilitar escueles infantiles, dependientes de la rede pública, nes universidaes y centros de formación profesional pa les madres y los padres que quieran acceder a la formación superior y p’aquellos que trabayen nestos centros, gracies a lo cual va potenciase l'aprovechamientu de los espacios y del personal esistentes.

Priorizar l'accesu al arriendu de les viviendes protexíes.

195

Reconocimientu de toles realidaes familiares

Vamos apoyar l’adopción nes families LGTBI.

Vamos modificar les lleis, la documentación oficial y los formularios de les alministraciones públiques pa que s’incluyan toles realidaes familiares y nun s'escluya nenguna.

Vamos asegurar de que les pareyes de muyeres lesbianes nun tengan que realizar un espediente de paternidá pa ser madres.

Vamos garantizar la reconocencia de filiación de les pareyes de muyeres lesbianes pa que puedan acceder a la maternidá n'igualdá de condiciones que les pareyes heterosexuales. Con eses vamos esaniciar los requisitos extra actualmente requeríos pal rexistru de los nueves nacimientos nestos casos.

196

Derechu a la maternidá llibre y decidida

Vamos instaurar les siguientes midíes pa garantizar la llibertá de decisión de les muyeres pa ser o nun ser madres:

  • Vamos garantizar l'accesu a la reproducción asistida de toles muyeres nel Sistema Públicu de Salú.
  • Vamos asegurar la información y l'accesu a los distintos métodos anticonceptivos (hormonales, de barrera, quirúrxicos), incluíos los d'última xeneración, a toles muyeres que los soliciten. Toos ellos van incluise na Cartera de Servicios del Sistema Nacional de Salú. Coles mesmes, va garantizase la dispensación de la anticoncepción d'urxencia (píldora del día depués) en tolos centros d'atención primaria y servicios d'urxencia.
  • Vamos asegurar la cobertura de la interrupción voluntaria del embaranzu nel Sistema Públicu de Salú pa toles muyeres, incluíes les moces.
197

Respetu a la determinación sobre’l propiu embaranzu, partu y pospartu

Vamos fomentar (nel sistema sanitariu) un tratu de la maternidá que respete y acepte les necesidaes y decisiones de les muyeres al traviés de les siguientes midíes:

  • Facilitar l'accesu de toles muyeres a una información clara y completa en tol procesu d'embaranzu y partu.
  • Potenciar la llibertá de decisión sobre los tratamientos médicos del embaranzu y el partu, y reforzar les práctiques que promuevan el protagonismu y la capacidá de decisión responsable de les muyeres nel embaranzu y el puerperiu. Promover tamién la figura de les matrones na fase de preparación y del partu.
  • Amenorgar el númberu de cesáries y de partos inducíos a les cifres encamentaes polos protocolos de la Organización Mundial de la Salú (15 %) y adaptar la preparación al partu a los horarios de los trabayadores.
  • Ufiertar facilidaes a les muyeres que quieran una lactancia prolongada.
  • Facilitar y garantizar l'exerciciu de la lactancia y otres xeres de cuidaos más allá de los cuatro meses de permisu. Potenciar la formación del personal sociosanitariu d'atención primaria en materia de lactancia.
198

Plan de llucha contra’l VIH: información, prevención y atención

Vamos potenciaremos los programes d’ITS / VIH abordando les desigualdaes de xéneru.

Vamos facilitar l’accesu a la prueba rápida del VIH nos entornos non clínicos y vamos apoyar a les entidaes sociales que realicen cribaos, amás d’instauralos nos centros de salú.

Vamos incluir nos centros educativos programes educativos integrales sobre’l VIH con perspectiva de xéneru.

Vamos garantizar l'accesu universal de toles persones a les carteres de servicios asistenciales de la sanidá pública, independientemente de la so condición llaboral o situación alministrativa.

Vamos garantizar la continuidá de les viviendes d’apoyu al tratamientu y les viviendes d’apoyu a los enfermos de sida como ferramientes indispensables nel tratamientu integral de les persones con VIH que s'atopen en situación d'emerxencia social, según el refuerzu de los programes d’apoyu psicosocial.

Vamos unificar los protocolos ente hospitales pa evitar la disparidá de criterios.

Vamos homoxenizar y vamos meyorar la calidá de l'asistencia nos centros de ITS dende una perspectiva de xéneru.

Vamos impulsar midíes que garanticen el tratamientu a les persones con VIH privaes de llibertá.

199

Garantía habitacional pa les víctimes de violencia machista

Vamos garantizar una alternativa habitacional inmediata, nun plazu de trenta díes, pa les muyeres y los menores que sean víctimes de la violencia machista. Tamién, vamos establecer l’accesu prioritariu a les prestaciones (adecuaes y abondes), incluíes nel Procedimientu d’Emerxencia Ciudadana ensin necesidá d’una denuncia previa y tres un informe de los profesionales cualificaos que tean capacitaos p’atender a les muyeres víctimes de la violencia machista.

200

Protexer el derechu a decidir de toles muyeres

Vamos derogar la reforma de la Llei d'Interrupción Voluntaria del Embaranzu pa dexar que les menores d'edá que sufren abusos y s’atopen nuna situación de vulnerabilidá nos sos entornos familiares puedan interrumpir el so embaranzu ensin el consentimientu paternu.

201

Ratificación urxente del Conveniu 189 de la Organización Internacional del Trabayu

Vamos adoptar midíes p’asegurar la promoción y la protección efectives de los derechos humanos de tolos trabayadores domésticos siguiendo les disposiciones del Conveniu 189 de la Organización Internacional del Trabayu (OIT).

202

Familias monomarentales: por una maternidá independiente y segura

Vamos echar andar midíes que garanticen la protección de les familias de madres solteres con fíos o fíes al so cargu:

  • Vamos incrementar pa les beneficiaries actuales l'importe de la prestación de la Seguridá Social por fíu o fía a cargu, hasta 150 euros mensuales, nel casu de les families monoparentales.
  • Vamos crear una prestación de maternidá non contributiva pa les madres ensin recursos que s’atopen n'activu con demanda d'empléu.
  • Vamos garantizar la protección de los neños y les neñes frente a los desallugos y desapolinamientos.
  • Vamos considerar la unidá familiar monoparental a partir d'un fíu como una circunstancia familiar d'especial vulnerabilidá. Por ello, vamos incrementar la so protección frente a los desallugos; facilítaremos la posibilidá de que puedan reestructurar la so deuda hipotecaria prioritariamente, y ampliaremos la protección de los neños vulnerables en términos d’allugu, p’asegura-yos una alternativa habitacional digna primero de proceder al desapolinamientu.
203

Ministeriu de Cultura y Comunicación

La cultura ye un derechu básicu, un bien común y un sector productivu estratéxicu que requier un ministeriu qu'atienda les sos especificidaes. Por ello, vamos crear un Ministeriu de Cultura y Comunicación con una organigrama que se va axustar a les particularidaes del ámbitu cultural. La complexa integración contemporanea ente comunicación y la cultura, determinada pola era dixital, esixe un planteamientu onde se contemplen los dos sistemes nuna mesma política pública. La creación d'un ministeriu qu'articule esa relación va dexar establecer polítiques coordinaes capaces de dinamizar la circulación, el producción, la tresmisión y la creación de sentíos. Nesti nuevu marcu, el Ministeriu de Cultura y Comunicación va llevar alantre les siguientes actuaciones:

  • Desenvolver planes operativos que, a diferencia de los actuales planes xenerales o planes estratéxicos (limitaos y ensin efectos), van articular les polítiques culturales; van asegurar los medios pa la so aplicación, y establecer procedimientos de supervisión, revisión, evaluación y rendición de cuentes.
  • Reformar l’organigrama pa responder a la realidá actual del mundu artísticu y cultural, incluir novedaes como la Dirección Xeneral de Cultura Dixital, dotar d’autonomía y reformular la estructura y la forma del funcionamientu de dellos de los sos organismos dependientes, tales como l’Institutu de la Cinematografía y de les Artes Audiovisuales (ICAA) o l’InstitutU Nacional de les Artes Escéniques y la Música (INAEM), pa superar l’actual excesiva burocratización, l’inmovilismu y los modelos obsoletos d’actuación, acabar cola limitada apertura a les propuestes externes y adecualos a les necesidaes actuales y futures.
204

Pactu pola Cultura y llei específiques pal sector cultural

Col acuerdu de tolos axentes del sector y del restu de formaciones parlamentaries, vamos desenvolver un Pactu pola Cultura coles mires de velar pola independencia del sector cultural y garantizar el conocimientu; la producción; la creación; la diversidá; l'accesu; les bones práctiques y la xestión responsable, democrática y tresparente; la sostenibilidá; la promoción; la conservación; y l'espardimientu de la cultura, al marxe de les continxencies y los cambeos políticos. Al amparu d'esti Pactu pola Cultura, van ellaborase lleis específiques, como la Llei del Cine, la Llei d'Artes Escéniques, la Llei de la Música o una nueva Llei de la Llectura, que van sirvir p’abordar de manera específica les necesidaes estructurales y les particularidaes de cada sector.

205

Llei d’Enseñances Artístiques Superiores

En coordinación col Conseyu Superior d’Enseñances Artístiques y en sintonía coles reclamaciones de la comunidá educativa, vamos actuar a nivel estatal pa redactar y aprobar una Llei d’Enseñances Artístiques Superiores, y pa modificar les lleis educatives correspondientes. Gracies a esto, va desenvolvese dafechu l’ámbitu específicu de diches enseñances y va llograse, al tiempu que se respeta la so idiosincrasia, superar el marcu actual d’equivalencia, p’alcanzar la plena equiparación a les enseñances universitaries na so normativa en cuantes a les estructures de funcionamientu, la categoría, la inde- pendencia, l’autonomía, la tipoloxía y la denominación de los títulos ofrecíos (grau, máster y doctoráu), l’estatutu del alumnáu y el nivel del cuerpu y el réxime retributivu del profesoráuado.

Coles mesmes, vamos instaurar procedimientos de formación continua del profesoráu que s’adapten al ámbitu de competencirs y al nivel superior d'estes enseñances, y favorecer el desenvolvimientu de llínies d'investigación vinculaes al Sistema Español de Ciencia, Tecnoloxía y Innovación (SECTI) que dexen la creación, nel senu de los centros superiores d'enseñances artístiques, de grupos d’investigación pal desenvolvimientu de proyectos orientaos a integrar la investigación, innovación y creación. Vamos desaniciar les incompatibilidaes y impulsar fórmules qu’estimulen el desenvolvimientu de l'actividá artística por parte de los docentes y les docentes de los centros superiores. Vamos actualizar los planes d'estudiu p'adaptalos a les necesidaes del ámbitu artísticu actual contemplando disciplines que nunca formaron parte del ámbitu académicu y que son esenciales a la hora d'entender el panorama artísticu contemporaneu. El nuevu marcu llexislativu va favorecer la creación d’Universidaes de les Artes, onde se van poder integrar los actuales conservatorios y les escueles superiores. Estes van equiparase dafechu al espaciu universitariu y van respetar el so ámbitu específicu dientro del espaciu europeu de la educación superior, pa lo que se van tener en cuenta les particularidaes y los requerimientos de la formación artística.

206

Reforma de la Llei Xeneral de la Comunicación Audiovisual

P'actualizar l'espaciu mediáticu español a estándares europeos, vamos llevar a cabu una reforma de la Llei Xeneral de la Comunicación Audiovisual (LXCA) centrada en cuatro aspectos:

  • Desgubernamentalizar los medios públicos (RTVE, Percancia EFE, etcétera), y asina garantizar la so independencia y pluralismu, la calidá de los sos conteníos y el cumplimientu del derechu d'accesu. Pa ello, vamos fomentar les competencies y la participación de los Conseyos d'Informativos, un Conseyu Social, el Defensor del Espectador y les áries de medios interactivos. La so presidencia va ser escoyida al traviés de concursu públicu que va riquir la presentación d'un proyectu.
  • Llevar alantre una revisión de los criterios de xestión del espectru radioeléctricu pa garantizar un repartu más equilibrada ente los trés sectores de la comunicación (públicu, comercial y tercer sector), y consiguir un meyor aprovechamientu d'esti espectru (acordies colos estándares europeos) que garantice'l derechu a la llibre competencia y dexe ameyorar los indicadores del pluralismu.
  • Reconocer y protexer los medios sociales y comunitarios ensin ánimu d'arriquecimientu (siguiendo les recomendaciones de la Unesco). Esto ha complementase cola creación de dos Open Channels de televisión dixital terrestre (TDT) y radio con desconexones locales, xestionaos en collaboración con dichos medios como ocurre n’Alemania, Noruega o Finlandia.
  • Crear un Conseyu del Audiovisual, independiente y integráu na Plataforma Europea d’Autoridaes Reguladores (EPRA), paecío a los qu’esisten en dellos países de la nuestra contorna.
207

Asamblea de Profesionales de la Cultura y Observatoriu Ciudadanu de la Cultura

Dientro de la nueva estructura del Ministeriu de Cultura y Comunicación, vamos crear l’Asamblea de Profesionales de la Cultura y l’Observatoriu Ciudadanu de la Cultura, onde tol sector va tar representáu na so pluralidá y complexidá y va participar de la gobernanza cultural. Dambos dos organismos persiguen neutralizar les inxerencies polítiques y evitar un usu partidista de la xestión de los asuntos culturales. L’Asamblea de Profesionales de la Cultura participará na gobernanza de los asuntos culturales con capaciá de decisión y va establecer pontes de diálogu ente l’Alministración y el sector cultural. Nesti sentíu, l’Asamblea va asegurar unos calces directos, eficaces y tresparentes, col oxetivu de favorecer la participación de los y les profesionales nel diseñu, la supervisión y el desarrollu de les polítiques culturales. Va tener un estatutu que va especificar les atribuciones, oxetivos, responsabilidaes, estructura organizativa, funcionamientu, y los derechos y les obligaciones de los miembros. Va contará con comisiones sectoriales específiques (música, artes visuales, artes escéniques, llibru, patrimoniu, audiovisuales, comunicación, etcétera) p’atender a les particularidaes de dichos ámbitos. No tocante al Observatoriu Ciudadanu de la Cultura, va analizar y supervisar, con indicadores de retornu social, la marcha de los diferentes proyectos, va velar pol so funcionamientu correctu, pola xestión de los recursos culturales y servir pa que la ciudadanía participe nel diseñu y la evaluación de les polítiques culturales.

208

Midíes pal exerciciu responsable y eficaz de l’Alministración Cultural Pública

Vamos aplicar la tresparencia a toles actuaciones del Ministeriu de Cultura y Comunicación y de toos aquellos organismos dependientes, col fin de garantizar la claridá informativa na xestión y l'adxudicación de los recursos, según un accesu inmediatu y cenciellu a tola información que tenga que ver col Ministeriu o tea supervisada por él. El Ministeriu va regular l'accesu a los cargos de responsabilidá en materia cultural estableciendo procesos tresparentes y democráticos (por concursu públicu que va requerir la presentación d'un proyectu), col propósitu de configurar un equipu de xestores qu'entienda les complexidaes del sector y actúe con competencia, capacidá de diálogu y eficiencia. De la mesma manera, van aplicase la racionalidá, la proporción y unes midíes de control pa regular el gastu de l'Alministración a la d'establecer les retribuciones de los altos cargos (como los o les directores de les instituciones públiques o los organismos financiaos mayoritariamente con fondos públicos), según del conxuntu del personal contratáu pol Ministeriu y de les instituciones o organismos dependientes que se dediquen al asesoramientu o les actividaes artístiques y cultural. Cuando los servicios tengan de ser externalizaos, van adoptase tolos mecanismos de tresparencia y favorecer la contratación de profesionales cualificaos y eliminar l'aplicación de criterios puramente económicos na concesión. Tamién, se van desenvolver y ampliar los códigos de les bones práctiques esistentes, crear códigos nuevos nos sectores que nuny va velase por la so implantación efectiva, tantu en materia d’actuaciones como de nomamientu de cargos y funcionamientu xeneral de les instituciones públiques, mixtes o financiaes mayoritariamente con fondos públicos.

209

Dirección Xeneral de la Cultura Dixital y Plataforma Pública de Cultura Abierta

Vamos Incorporar la nueva Dirección Xeneral de la Cultura Dixital al organigrama del Ministeriu de Cultura y Comunicación. Ésta va actuar de manera tresversal al restu de direcciones xenerales y va tener como finalidá desenvolver polítiques públiques culturales adaptaes al entronu dixital. Dende esta nueva dirección xeneral, ente otros proyectos, vamos poner en marcha la Plataforma Pública de Cultura Abierta (PLACA), col oxetivu de poner a disposición de toles persones conteníos llibres de derechos, fomentar la distribución de creaciones dixitales en xeneral, divulgar los fondos culturales públicos y aumentar l'espardimientu de la creación artística y del patrimoniu cultural nel entronu dixital. Ente otres, al traviés de PLACA van llevase alantre les siguientes actuaciones:

  • Fomentar l’usu y el conocimientu de conteníos y ferramientes dixitales llibres de derechos.
  • Poner a disposición del públicu de mou gratuitu (en streaming) les creaciones musicales, lliteraries, audiovisuales o de cualquier naturaleza dixital, d’aquellos creadores y productores independientes que lo soliciten.
  • Dixitalizar los fondos artísticos de los museos públicos pa ponelos a disposición de la ciudadanía, como desenvolver conteníos de realidá aumentada pa la musealización d'espacios patrimoniales, con fines educativos y d'investigación.
  • Fomentar l'espardimientu nel terrén dixital, el desarrollu de nuevos conteníos dixitales y la dixitalización de los fondos de los centros de documentación y difusión públicos, tales como la Filmoteca Española, el Centru de Documentación Teatral, el Centru de Documentación de Música y Danza o la Biblioteca Nacional. Per otru llau, la Dirección Xeneral de la Cultura Dixital tamién va fomentar el procesu de dixitalización del fondu editorial al traviés de la compra pa biblioteques de los títulos dixitalizaos, y va collaborar na xestión del empréstamu de llibros electrónicos coles biblioteques públiques locales, autonómiques y estatales.
210

IVA cultural reducíu

Nel marcu d'un conxuntu de midíes d'una reforma de la fiscalidá de la cultura empuestu a dinamizar y aguiyar la creación, la producción, la distribución y l'accesu, vamos disminuir al tipu reducíu l'impuestu sobre’l valor añadíu (IVA) de los servicios y productos culturales actualmente suxetos al tipu normal. Esta reforma va implicar un cambiu de la Llei 37 / 1992 del IVA y va tener como oxetu la so harmonización cola normativa y xurisprudencia comunal, si bien va buscase, en consonancia con otros estaos europeos, modificar la rixidez propia de la diferenciación ente'l productu y el serviciu, a efectos de determinar los tipos impositivos correspondientes.

211

Nueva Llei de Mecenazgu y Patrociniu y Fondu Social de la Cultura

Vamos promover una nueva Llei de Mecenazgu y Patrociniu que fomente tanto’l macromecenazgu como’l micromecenazgu y la participación na financiación de la cultura de particulares y empreses. Esta llei va renovar l’ámbitu de collaboración ente lo público y lo privao y va relacionase cola creación d’un Fondu Social de la Cultura, cuya xestión va facese col concursu del Ministeriu de Cultura y Comunicación, l’Asamblea de Profesionales de la Cultura y l’Observatoriu Ciudadanu de la Cultura, col fin de que los profesionales del sector y la sociedá civil en xeneral s’impliquen na Alministración. Esti fondu va contar con una ventana de proyectos abierta tol añu y la xestión va concentrase nel mapéu; la financiación; la mediación; y la promoción de proyectos, instituciones, iniciatives, empreses y particulares que desenvuelvan llabores de creación, educación, investigación, difusión, distribución, conservación, producción y desarrollu de proyectos relacionaos col arte y la cultura nun sentíu ampliu. Va financiase colos siguientes resortes:

  • El 18 % de los impuestos derivaos de les tresmisiones culturales ente particulares o sociedaes. Una nueva casilla específica destinada a fines culturales («Casilla Cultural»), que se va introducir nel modelu 100 de la declaración del impuestu sobre la renta de les personas físiques.
  • El 1,5 % cultural reflexáu na Llei de Patrimoniu Históricu y qu’establez la obligación de destinar esti porcentaxe dende los presupuestos de los convenios de contratos d’obres públiques a los trabayos de conservación o protección del patrimoniu y el fomentu de la creatividá artística. Esta competencia, hasta agora compartida col Ministeriu de Fomentu, va corresponde-y exclusivamente al Ministeriu de Cultura y Comunicación.
  • Aportaciones voluntaries de particulares y empreses (qu’optaríen con ello a desgravaciones fiscales variables).
  • Aportaciones de l’Alministración central y otres alministraciones europees, autonómiques y locales que quieran implicase na xestión y collaborar solidariamente del fondu.

La financiación de proyectos pol Fondu Social de la Cultura va vinculase col desarrollu d’unes bones práctiques; va garantizase la pluralidá y diversidá de les manifestaciones artístiques y culturales; fomentar el desarrollu del tercer sector (asociaciones y emprendedores ensin ánimu d’arrequecimientu); valorar y garantizar el retornu artísticu, cultural y social; va mandase por principios qu’aseguren el control del gastu de los fondos públicos y el siguimientu de los proyectos; va contemplar un mayor abanicu de modalidaes; va dirixilo a una diversidá más amplia d’axentes, proyectos, actividaes y iniciatives receptores que les actuales subvenciones y ayudes públiques, y facilitar l’accesu y la programación d’artistes y productores independientes. El Fondu Social de la Cultura va permitir deslligar la financiación de les actividaes culturales de los intereses privaos, particulares o corporativos, como sucede na actualidad, n'ares d'una cultura más diversa y sostenible. En collaboración coles alministraciones autonómiques y locales, tamién se va implicar na rehabilitación, reforma y recuperación d'espacios desaparentes, infrautilizados o en desusu pa llevar alantre actividaes culturales.

212

Estatutu del Artista y del Profesional de la Cultura

Como midida d'estímulu a l'actividá y p'acabar cola precariedá, vamos desenvolver y vamos implementar un Estatutu del Artista y del Profesional de la Cultura, adaptáu a les característiques d'intermitencia del sector cultural y qu'entienda tantu l'actividá desarrollada por aquellos que realicen el so trabayu por cuenta ayena o por cuenta propia. Dichu estatutu va contemplar la especificidá de los ingresos de corte irregular de los profesionales de la cultura y va crear una fiscalidá que s'adapte a les sos necesidaes y que desagüe nuna tributación xusta tantu pa la Facienda Pública como pa los interesaos.

Ente otres midíes fiscales, vamos vincular pa tou tipu d'autónomos la liquidación de los impuestos trmestrales cola fecha de pagu del serviciu dau y non cola emisión de la correspondiente factura. Nel casu de los trabayadores intermitentes, que les sos rentes sían elevaes pero irregulares nel tiempu, va establecese un criteriu de prorrateu a efectos de l'aplicación del tipu fiscal correspondiente, col oxetivu de garantizar sobre estes rentes la progresividá contemplada na Llei del Impuestu sobre la Renta de les Persones Físiques (LIRPF). Coles mesmes, va modificase'l grupu específicu d'epígrafes nel impuestu sobre actividaes económiques (IAE) p'adaptalu a les nueves necesidaes de los profesionales culturales por cuenta propia, cola idea d'unificar el sector y vincular les midíes espuestes a les sos característiques concretes.

Nel terrén de la Seguridá Social, vamos incluir un réxime específicu d'intermitentes culturales, enmarcado tantu nel Réxime Xeneral (pa trabayadores por cuenta ayena) como nel d'Autónomos (para trabayadores por cuenta propia), col fin de contemplar toles posibles situaciones profesionales onde los artistes y los trabayadores de la cultura puen encontrase. Vamos fomentar la contratación llaboral y eliminar el sistema de falsos autónomos incorporando’l sistema d’intermitencia nel réxime xeneral cuando les característiques especifiques de la prestación del serviciu asina lo determinen. Nel casu de los trabayadores autónomos, vamos modificar el sistema pa que desarrollen la so profesión ensin falta d’altes y baxes constantes, se reconoza en materia de prestaciones les especificidaes del empléu intermitente y se garantice un pagu de cuotes acorde y proporcional a los ingresos que percibieran. Dientro del réxime de la Seguridá Social van contemplasen les enfermedaes y lesiones provenientes del desempeñu del llabor artística y técnica pa crear un réxime de baxa llaboral que respete la especificidá de la situación d’estos trabayadores.No tocante a los trabayadores de la cultura intermitentes, vamos recoyer nel Estatutu la xurisprudencia establecida poles Sentencies del Tribunal Supremu de 29 / 10 / 97 y 23 / 09 / 02, según les cuales nun se requier l’alta na Seguridá Social, siempre y cuando l’actividá profesional desarrollada nun sía l’habitual y el réxime d’ingresos deriváu tea per baxo del Indicador Públicu de Renta d’Efectos Múltiples (IPREM). Igualmente, vamos modificar el réxime de pluriempléu na Seguridá Social pa garantizar una mayor reducción de les cuotes na compensación.

L’Estatutu del Artista y del Profesional de la Cultura va contemplar efectuar modificaciones nel Estatutu de los Trabayadores y la Llei Orgánica de Lilbertá Sindical, col fin de garantizar el derechu efectivu de los trabayadores intermitentes a tar debidamente representaos por sindicatos territorial y profesionalmente.

Nel marcu d’esti Estatutu y pa fomentar l’actividá artística ensin ánimu d’arriquecimiemtu, va modificase la Llei de Cooperatives col propósitu de permitir la creación de cooperatives de trabayu asociáu a los trabayadores intermitentes, y vincular estos sectores a los hábitos y formes de la economía social y solidaria.

213

Estatutu de la Información

P'atender a la histórica reivindicación del sector, vamos aprobar en collaboración coles organizaciones profesionales un Estatutu que protexa'l derechu a la información de la ciudadanía y recueya los deberes y derechos de los medios y periodistes pa garantizar la so independencia frente a les presiones, la so seguridá y llibertá d'espresión, unes condiciones llaborales dignes y unos derechos profesionales específicos, como la Cláusula de Conciencia o'l derechu a formar Conseyos de Redacción, d'acuerdu al Códigu Deontolóxicu aprobáu pola Comisión Europea.

214

Nueva Llei de Propiedá Intelectual

Vamos convocar a representantes de la ciudadanía, titulares de derechos de propiedá intelectual, industries culturales y empreses tecnolóxiques p'algamar y promover un nuevu pactu social qu'avere a ceadores, intermediarios y ciudadanos, permedie los sos intereses sociales y configure un sistema de propiedá intelectual más equitativu, sostenible y xustu. Ye necesario abandonar l'actual vía, fundamentalmente punitiva, que se demostró ineficaz, pa construir un marcu que se quien a fomentar l'accesu de la ciudadanía a la cultura, revalorizar la cultura como bien común, promover la pluralidá de modelos de difusión cultural y garantizar la sostenibilidá del sector, como tamién, nel marcu de la normativa europea vixente, axustase a la nuestra realidá cultural y tecnolóxica. Va ponese en valor a los autores, a los intérpretes y al restu de titulares de derechos de propiedá intelectual como xeneradores d’obres y conteníos culturales, y va fomentase la flexibilidá nos modelos de difusión de la cultura y l’autonomía de los creadores.

Pa cabu, vamos volver al poder xudicial la competencia exclusiva de decidir qué páxines webs y servicios de la sociedá de la información infrinxen la normativa sobre propiedá intelectual y les sos consecuencies, y vamos desfacer l’atribución que la denominada llei Sinde-Wert realizó a una comisión dependiente del actual Ministeriu d’Educación, Cultura y Deporte.

A partir d’estos principios, va impulsase una Llei de Propiedá Intelectual pa:

  • Facer posible nuevos usos llegales y gratuitos d'obres protexíes nel ámbitu de la enseñanza y la investigación, cola ampliación del límite d'ilustración con fines educativos dispuestu na norma.
  • Ampliar el conceptu de cita p'adaptalu al contestu y la realidá actuales.
  • Facer posible nuevos usos llegales y gratuitos pa la creación d'obres derivaes d'obres protexíes cuando nun haya un ánimu d'arriquecimientu.
  • Ampliación del conceptu de copia privada, ensin perxuiciu del establecimientu d'un modelu adecuáu de remuneración compensatoria pa los autores y demás titulares de derechos, tal como obliguen les directives europees.
  • Desaniciar el canon de l'Asociación d'Editores de Diarios Españoles (AEDE) o «tasa Google».
  • Impulsar l'espardimientu ensin ánimu d'arriquecimientu y l'accesu llegal y gratuitu a obres nueves financiaes con dineru públicu, per un tiempu, mediu o formatu deter- mináu y pasáu’l plazu abondo dende la primer divulgación p'asegurar la so amortización y explotación, d'acuerdu cola actividá de la nueva Plataforma de Cultura Abierta (PLACA).
  • Priorizar el software llibre sobre'l privativu nes alministraciones públiques cuando esistan fierramientes llibres equivalentes.
  • Promover que les entidaes de xestión de derechos esistentes o de nueva creación garanticen l'exerciciu de los derechos de xestión colectiva obligatoria que la norma considera irrenunciables a toos aquellos titulares que quieran ufiertar les sos obres per aciu de llicencies abiertes o llibres. Coles mesmes, apostamos por dinamizar l'ámbitu d'actuación de les entidaes de xestión de derechos y relaxar los requisitos llegales pa la so creación. Tamién apostamos por introducir mecanismos qu'aseguren la so xestión responsable, la tresparencia y la democracia interna, amás de controles nes sos tarifes pa implantar progresivamente la obligatoriedá de que los sos repertorios sían públicos.
  • Contemplar como autores a los periodistes, directores d'escena y los diseñadores escénicos y audiovisuales, ente otros.
215

Plan Operativu de Fomentu de la Difusión y l’Accesu a la Cultura Dixital

L’oxetivu ye garantizar el derechu de la ciudadanía al accesu a la cultura, la protección de los creadores, la sostenibilidá y la pluralidá de modelos d'espardimientu cultural nel entornu dixital:

  • Vamos apoyar y fomentar les plataformes d’accesu llegal a obres y conteníos culturales, impulsando nuevos modelos de negociu qu'ufierten alternatives llegales y curioses a los ciudadanos. Nun vamos limitanos a fomentar estes plataformes nel planu económicu, sinón que vamos establecer un marcu de mediación ente los titulares de derechos sobre les distintes ventanes d'esplotación de les obres y les plataformes d'accesu llegal.
  • Vamos crear una comisión esperta con vistes a superar un modelu ineficaz, basáu na represión de descarga de conteníos ensin ánimu d'arriquecimientu, y a algamar l'indispensable equilibriu ente'l llibre accesu de la ciudadanía a la cultura y el sostenimientu de los autores, titulares de derechos, industries culturales y empreses tecnolóxiques. Nesta comisión esperta van tener representación tolos axentes implicaos col compromisu d'evaluar y sopesar dichos modelos, lo mesmo que de buscar alternatives de remuneración o compensación pa los ceadores y otros titulares de derechos polos nuevos usos que se faen de les sos obres n'Internet.
216

Plan Operativu d’Accesu y Disfrute de la Cultura

Vamos desplegar un conxuntu d’actuaciones que permitan fomentar el derechu de la ciudadanía a participar de la vida cultural (artículos 9.2 y 44.1 de la Constitución Española) col impulsu d’ instrumentos pal so conocimientu, difusión, participación y accesu. Al fomentar l’accesu a la cultura, esta conviértese nun factor real de disfrute y crítica. Nel casu del patrimoniu, la conservación, la investigación y la difusión son la garantía de qu’esi conocimientu perviva. La creación de nuevos públicos y llectores, el fortalecimientu de los habituales y l'aumentu de la participación nes propuestes culturales son desafíos que conecten cola existencia d'una ciudadanía democrática y activa. Pal afitamientu d'un texíu cultural estable y sostenible tamién ye clave un públicu más ampliu, más implicáu y más fiel. Ente otres midíes, y en coordinación col Plan Operativu pa una Ciudadanía Llectora y cola Escuela d'Espectadores, esti plan va contemplar:

  • El sofitu a les biblioteques dende la perspectiva social (públiques y escolares) y científica (universitaries y patrimoniales), cola estimulación de la compra de nuevos fondos, cola creación d'una plataforma pública d’empréstamu de llibros electrónicos y cola modernización de los sos equipamientos.
  • L'aumentu de la presencia de conteníos culturales en toles canales d'espardimientu de RTVE, con un enfoque pluralista que promueva la conocencia de la riqueza cultural y llingüística de tolos territorios. Va dotase a La 2 de RTVE d'un calter decididamente cultural que dinamice la conocencia de la creación artística y incluya conteníos específicos y adaptaos a los distintos territorios. Nesta mesma llínia, vamos fomentar los vínculos y la collaboración cola canal cultural européu Arte, como también con otres canales d'espardimientu y producción internacionales.
  • L'impulsu de la distribución de producciones escéniques plurales al traviés de la dinamización, adecuación y actualización de les redes y espacios d’exhibición del nuestru territoriu.
  • L'actualización y optimización de los recursos y iniciatives de, ente otros, el Centru Nacional de Difusión Musical y el Centru de Documentación Teatral.
  • En diálogu cola comunidá educativa, l'aumentu de materies relacionaes cola cultura y la variedá de práctiques artístiques, la creatividá y la conocencia y les destreces d'orde visual, audiovisual, musical y escénico pa incluíles na formación reglada (infantil, primaria, secundaria y bachilleratu).
  • El desenvolvimientu d'iniciatives encaminaes al fomentu de les asociaciones y grupos aficionaos a les diverses disciplines artístiques.
217

Plan Operativu pa una Ciudadanía Llectora

El Plan Operativu pa una Ciudadanía Llectora, destináu a aumentar los índices de llectura en toles edaes, con especial atención a la infancia y a la mocedá, va coordinar les distintes iniciatives esistentes pa encaxar con otres nueves nun modelu específicu. Va componese d'una rede de proyectos, en collaboración coles alministraciones autonómiques y locales, de participación, valoración y analisís, tantu nel ámbitu de les escueles, institutos, colexos, universidaes y centros artísticos superioes como ente'l públicu en xeneral. Va desenvolver ferramientes pa impulsar y profesionalizar les biblioteques escolares, crear mediadores al traviés de centros de formación al profesoráu y de los graos de Maxisteriu y Pedagoxía, implicar a autores, ilustradores y editores nes actividaes de los centros d'enseñanza, llanzar polítiques comunicatives de sensibilización cola llectura en televisiones y radios públiques y xenerar dispositivos de rescate y modernización del texíu libreru.

218

Escuela d’Espectadores

La Escuela d'Espectadores va funcionar como un sistema específicu de mediación cultural y formación del públicu en cualquier tipu de manifestación artística y cultural. La Escuela d'Espectadores va ser un proyectu públicu nel que van tar llamaos a collaborar instituciones públiques y privaes, fundaciones, asociaciones profesionales, redes comunales y ciudadanos particulares. Va integrar y va coordinar el desenvolvimientu de toles iniciatives publiques y privaes ensin ánimu d'arriquecimientu pensaes pa impulsar y poner en marcha servicios y departamentos educativos específicos y interdisciplinares en sales de teatru, danza, cine y música, museos, centros culturales, fundaciones y cualesquier otra entidá o espaciu cultural. De la mesma, al traviés de los sos especialistes, va espublizar conteníos d'apreciación artística col desenvolvimientu de sesiones d'analises y valoración centraes nes propuestes culturales concretes que s'ufierten na cartelera o en muestres y festivales.

219

Campaña pa una Audiencia Activa

Vamos promover campañes de conocencia de la realidá mediática pa concenciar al conxuntu de la ciudadanía sobre la importancia de los medios de comunicación nel funcionamientu democráticu de la nuestra sociedá. Vamos fomentar la implicación y la participación directa de la ciudadanía nos medios ensin ánimu d'arriquecimientu y de titularidá pública, tantu na xestión como na ellaboración de conteníos, por plataformes dixitales interactives, l'Observatoriu de la Cultura, el Conseyu Social, el Defensor del Usuariu, proyectos educativos, etcétera. Nesti sentíu, van abrise llínies de collaboración cola sociedá civil pa superar la concepción d'una audiencia pasiva hacia un rol activu na conformanza d'un debate plural y una información de calidá.

220

Plan Operativu de Fomentu de la Diversidá Cultural

Vamos echara a andar un conxuntu d'iniciatives encaminaes a promover la diversidá nes formes d'espresión artística, la riqueza de les nueses llingües y cultures, la conservación de les manifestaciones en peligru de desapaición y el desenvolvimientu de proyectos de calter exploratorio y d’investigación, colos oxetivos d'averar al públicu la enorme variedá cultural que se produz actualmente y, al empar, apoyar a los nuestros ceadores dende la defensa de la pluralidá.

221

Plan Operativu de Cultura pola Igualdá y Igualdá na Cultura

Vamos Crear una unidá de coordinación ente la Secretaría d'Estáu d'Igualdá y el Ministeriu de Cultura pal sector cultural, que les sos funciones van ser:

  • Promover la igualdá de xéneru cola la presencia de les muyeres tantu na cara visible como na non visible de la xestión y práctiques culturales.
  • Evitar que les alministraciones públiques contribuyan al financiamientu y espardimientu de los estereotipos sexuales y imaxes sexistes, discriminatories y que consideren a la muyer como un oxetu.
  • Fomentar la creación cultural con perspectiva de xéneru y por parte de muyeres artistes, según la reconocencia y la visibilidá del arte fechu por muyeres y la so adquisición en museos y otros centros paecíos.
  • Contribuir a una representación igualitaria y non sexista d'homes y muyeres nos medios de comunicación, como también a una mayor y más diversa presencia de muyeres, más allá de los estereotipos mediáticos femeninos.
222

Plan Operativu d’Inclusión Social en Materia Cultural

Col oxetivu de facer visible y poner en valor toles formes y práctiques culturales, vamos impulsar les diferentes escenes culturales de la migración, les manifestaciones artístiques de la infancia, la mocedá y la tercera edá y l’accesu, el disfrute y la creatividá en persones con diversidá funcional o con distintas discapacidaes.

223

Plan Operativu d’Internacionalización de la Cultura Producida n’España

La internacionalización de la cultura va ser un exe d'acción relevante dientro de la estratexa pa facer de la cultura una ferramienta de cohesión social y de cooperación internacional y un motor económicu, qu'entienda les distintes árees xeográfiques non solo como nichos de mercáu, sinón tamién como espacios culturales d'altu interés social. Si damos a conocer nel esterior la cultura producida n'España vamos consiguir dellos oxetivos:

  • Treslladar la realidá de qu'España ye un importante polu de creación cultural.
  • Incrementar l'intercambiu de conocencia y esperiencies ente axentes culturales.
  • Aumentar la visibilidá y influencia de la nuestra cultura nel estranxeru y incentivar el so accesu y consumu.
  • Atraer inversiones estranxeres a proyectos culturales que surden y se desenvuelven n'España.
  • P’apoyar a los profesionales de la cultura, a les asociaciones, a les cooperatives y a les empreses nel so llabor de internacionalización y espublizar esa realidá de polu cultural, vamos poner en marcha una oficina de mediación que va operar col sellu «EsCultura». Al amparu d'esti sellu, la oficina va establecer una acción coordinada y común p'asistir a los axentes culturales de toles espresiones artístiques y pa facilita-yos l'accesu a fondos y subvenciones estranxeres, colo que s'intentaría garantizar una presencia siguida nos foros culturales internacionales. Vamos favorecer l'espardimientu nel estranxeru de proyectos de pequeña, mediana y gran escala, representativos del texíu cultural ricu y diversu del nuestru país, con intercambios, beques, xires, producción d'eventos, festivales, exposiciones, alcuentros, pitchings (presentaciones) y clústeres tecnolóxicos.
  • Como oficina de mediación, EsCultura va favorecer la coordinación de les acciones culturales que na actualidá lleven a cabu bien distintos organismos: Institutu Cervantes, Axencia Española de Cooperación Internacional pal Desenvolvimientu (AECID), Acción Cultural Española, Institut Ramón Llull, Institut d’Estudis Baleàrics, Ministeriu d'Industria, Institutu Español de Comerciu Esterior, centros culturales d'España, embaxaes españoles nel estranxeru y Fundación Carolina.
224

Rede de Destinos Patrimoniales

Vamos Impulsar los valores de la cultura y del patrimoniu, material y inmaterial, cola creación d'una Rede de Destinos Patrimoniales qu'axunte tolos recursos españoles incluíos na Llista del Patrimoniu Mundial de la Unesco.

Coles mesmes, vamos desenvolver midíes encaminaes a la protección activa y pasiva de los bienes patrimoniales, culturales y ambientales, pa lo que vamos establecer planes d'usu y xestión de dichos bienes acordes coles esixencies derivaes de la so preservación.

225

Revocatorios por incumplimientu del programa electoral

Los programes electorales tienen que ser entendíos como contratos pa cola ciudadanía. Por eso, Podemos establez unos compromisos mínimos contractuales y, en casu d’incumplimientu, va plantiar una convocatoria d’elecciones. Asina, a los dos años de mandatu va ponese en marcha en Congresu de los Diputaos una comisión non permanente na que se va analizar el grau de cumplimientu del programa electoral. L’actividá d’esa comisión va desenrollese durante un máximu de seis meses, y les conclusiones de los trabayos van elevase al Plenu de la Cámara. Si se produxera un incumplimientu sustancial y manifiestu del programa electoral, podrá ponese en marcha un procesu revocatoriu. Pa ello, la iniciativa tien que contar col preste de 158 diputaos y les firmes debidamente auditaes del 15 % del censu electoral estatal.

Si se cumplen dambos requisitos, va llevase a cabu un referéndum nel que se va preguntar a la ciudadanía si deben celebrase nueves elecciones por incumplimientu de programa. Y si’l resultáu del referéndum ye sí, el presidente del Gobiernu va convocar elecciones nun plazu máximu de trenta díes.

226

Revocación de cargos públicos, Iniciativa Lexislativa Popular, Iniciativa de Vetu Popular y Iniciativa de Procesos Deliberativos Populares: la democracia de toes y de toos

Vamos desenrollar un marcu normativu que facilite les iniciatives de la xente pa que la so voz irrumpa nes instituciones y vamos icorporar saberes y sentires populares a los debates parlamentarios al traviés d’instrumentos de participación diversos y inclusivos:

  • Iniciativa Lexislativa Popular (ILP). Vamos eliminar les trabes actuales: desde los estrictos requisitos pa la so presentación hasta la falta de debate parlamentariu.
  • Iniciativa de Procesos Deliberativos Populares. Sirve p’abrir un procesu de deliberación ciudadana (presupuestos participativos, usu d’espacios públicos, etcétera) a instancia d’una iniciativa popular.
  • Iniciativa de Vetu Popular. Ye un instrumentu de democracia directa que pon de manifiestu la oposición ciudadana a determinaes normes que-y afecten directamente.
  • Iniciativa de Consulta Popular. Permite a la xente impulsar l’aniciu d’una consulta nel ámbitu competencial correspondiente.
  • Revocatoriu Popular. Ponse en marcha ante determinaes situaciones de pérdida de lexitimidá de les persones que nos representen.
227

Reglamentos parlamentarios pal debate democráticu

Vamos convertir los reglamentos parlamentarios de les cámares xenerales del Estáu nuna ferramienta pa la tresparencia, la participación ciudadana y la rendición de cuentes d’estes instituciones. La reforma de los reglamentos incide en trés aspectos fundamentales:

  • Mayor fuerza de la ciudadanía: participación de la sociedá civil nel procesu lexislativu. Vamos crear espacios mistos de deliberación durante la tramitación lexislativa onde participen representantes políticos, personal técnicu y ciudadanía. Vamos incluir l’escañu ciudadanu.
  • Toles actividaes parlamentaries van tar rexíes polos principios de tresparencia y de control políticu. Vamos desenrollar ferramientas web accesibles que faigan tresparente l’actividá nes cámares.
  • Capacidá d’actuación y derechos básicos igualitarios pa tolos grupos parlamentarios nos órganos de les cámares. La pluralidá política ye’l reflexu perfectu de la diversidá y de la pluralidá de la sociedá.
228

Igualdá política: reforma del sistema electoral

Vamos reformar el sistema electoral pal Congresu de los Diputaos. Pa ello, vamos establecer la circunscripción autonómica como única base territorial pa l’asignación de diputaos, y vamos utilizar fórmules de la media mayor que garanticen igualdá del pesu del votu de tolos ciudadanos. La distribución de diputaos ente les distintes comunidaes autónomes va llevase a cabu d’acordies col pesu demográficu de caduna d’elles. Vamos abrir un ampliu debate ciudadanu sobre’l restu de los componentes del sistema electoral.

229

Nuevu modelu territorial basáu en cinco exes conceptuales

Vamos implantar un nuevu modelu territorial basáu nos siguientes exes conceptuales:

  • Construcción d’una nueva gobernanza democrática y inclusiva.
  • Principios d’autonomía, subsidiariedá, eficiencia, responsabilidá y control democráticu.
  • Ámbitu local clave na proximidá del Estáu de bientar.
  • Reducción de niveles institucionales ineficientes.
  • Sistema de financiación equitativu y suficiente pa garantizar los servicios públicos esenciales.

Nes diputaciones provinciales (y equivalentes):

  • Progresiva asunción de les competencies y de los recursos de les diputaciones provinciales hasta la so supresión constitucional.
  • Coordinación autonómica de les actuales funciones de les diputaciones provinciales.

Nos conceyos:

  • Devolución de les competencias en materia de bientar social a los conceyos.
  • Revisión del sistema de financiación.
  • Supresión de l’autorización del Conseyu de Ministros pa la celebración de consultes populares locales.

Nes aries metropolitanes y nes comarques:

  • Reconocimientu y articulación del fechu metropolitanu pa la xestión compartida de servicios comunes derivaos de les sos relaciones de proximidá y control democráticu de la so xestión.
  • Asignación de recursos por conceyos con garantía de contribución estatal suficiente.
230

Obligación legal de presentase a primaries por parte de toos aquellos candidatos a presidir órganos executivos de los partíos políticos

Los partíos políticos van tar obligaos legalmente a presentar a primaries a toos aquellos candidatos a presidir los sos órganos executivos.

La Xunta Electoral Central va organizar un sistema telemáticu y presencial de participación pa que durante un periodu determináu la xente pueda votar al precandidatu dientro del partido qu’escueya.

231

Derogación del votu rogáu y creación d’una llei electoral que facilite l’exerciciu del derechu al sufraxu de los españoles nel extranxeru

Vamos ampliar el procesu electoral de dos a cuatro selmanes, polo que se va disponer d’un mayor marxe pal unviu de papeletes.

Vamos eliminar el voto rogáu y l’actualización automática y periódica del Censu Electoral de los Residentes Ausentes (CERA) mediante renovación de la inscripción electoral cada cinco años.

Vamos crear una circunscripción esterior que dea voz a los emigrantes y canalice les sos demandes. Vamos cambiar el procedimientu únicu de votu per corréu a ún mistu.

Vamos estender la posibilidá a los residentes desplazaos nel extranxeru d’inscribise nel rexistru de los Electores Residentes Temporalmente Ausentes (ERTA). Vamos ampliar el derechu al votu pa conceyos a los residentes que lleven menos de cinco años fuera del conceyu.

Vamos facilitar l’accesu a los trámites consulares per medios telemáticos y de cambiu d’horarios consulares.

Vamos ameyorar la información electoral proporcionada pol Estáu. Vamos regular les campañes nel estranxeru.

232

Despolitización del Tribunal Constitucional

Vamos despolitizar el Tribunal Constitucional al traviés de dos reformes:

  • Vamos establecer un nuevu sistema de nombramientos por «cuota de rechazu»: la negociación de los nombramientos va partir de la conformación d’un ampliu llistáu de toles personas técnicamente cualificaes p’acceder a él. A partir d’esta propuesta, cadún de los partíos solo va poder dir si descarta d’esa llista un númberu proporcional a la cuota que-y correspuende en función de la so entidá parlamentaria. Depués de los consiguientes procesos de descarte, van acabar quedando solo los que menos refuga xeneren. Nun van tar designaos por naide, nin en deuda con naide.
  • Vamos derogar la «reforma exprés» de la Proposición de Llei Orgánica de reforma de la Llei Orgánica 2 / 1979, de 3 d’ochobre, del Tribunal Constitucional, de forma que’l Tribunal Constitucional nun garre competencies como la suspensión de les sos funciones a una autoridá.
233

Eliminación de privilexos de los cargos electos

Vamos acabar colos privilexos de los cargos electos (diputaes, diputaos y senadores), tanto d’aquellos de los que gocien durante l’exerciciu de les sos funciones como de los que-yos dieron de la qu’acabaron los sos mandatos:

  • Vamos rebaxar les retribuciones de los miembros electos de les Cortes, de manera qu’en nengún casu sía superior a la de los cuerpos de funcionarios del Estáu.
  • Vamos revisar los complementos económicos: gastos de representación, llibre disposición, indemnizaciones, etcétera.
  • Vamos establecer mecanismos de control de les dietes y de los desplazamientos imprescindibles.
  • Vamos eliminar les indemnizaciones por cese, vamos derogar les llamaes «pensiones d’oro» de los exparlamentarios, y vamos equiparar los sos derechos y los sos deberes llaborales a los del restu de les persones trabayadores.
234

Llei de Profesionalización de l’Alministración Pública

Vamos fortalecer la profesionalización de les alministraciones públiques al traviés de l’aprobación d’una llei que regule los siguientes aspectos:

  • Vamos garantizare la independencia de les persones que trabayen nes alministraciones públiques al traviés del xustu accesu, promoción y provisión de puestos de trabayu mediante l’aplicación de los principios constitucionales d’igualdá, méritu y capacidá.
  • Acabaremos cola inflación de puestos de trabayu designaos directamente por cargos políticos, conocíos como puestos de llibre designación (PLD).
  • Vamos fomentar la promoción profesional vertical y horizontal que permita combinar la llibre elección de cambiu del puestu de trabayu col cuidáu de la riqueza técnica de los equipos estables. Los equipos van tar compuestos por persones formaes y con amplia esperiencia profesional y nun va ser necesario qu’abandonnel puesti qu’ocupen pa promocionar.
  • Vamos fomentar la promoción interna horizontal. Asina, ofreceremos al personal funcionariu de distintos cuerpos y categoría idéntica la posibilidá d’escoyer esti cambiu na so carrera profesional.
235

Reducción del númberu d’altos cargos

Vamos reducir drásticamente el númberu d’altos cargos políticos tanto d’organismos como d’empreses públiques, de manera qu’únicamente sían altos cargos les persones titulares de los ministerios o asimilaos y de los viceministerios o asimilaos. Les unidades alministratives con rangu de dirección xeneral o de secretaría xeneral tienen que tar lideraes por equipos técnicos, estableciéndose una relación de puestos de trabayu de carácter directivu. Tien que se seleccionar a les persones más afayadices pa ocupar los puestos de trabayu de mayor responsabilidá y esto requier un sistema de provisión que garantice la independencia mediante l’accesu por igualdá, méritu y capacidá.

236

Recuperación de los derechos llaborales nel sector públicu

Vamos garantizar a los emplegaos y a les emplegaes públiques la recuperación del poder adquisitivu y de los derechos furtiaos nos últimos años en nome de l’austeridá.

Vamos recuperar los derechos llaborales directamente relacionaos cola conciliación de la vida familiar, como’l réxime de permisos, vacaciones y los derechos de xubilación.

Vamos revisar les pensiones del sector públicu contraíes nos últimos cuatro años, con unes bases de cotización menguaes.

237

Ampliación de la Llei de Tresparencia

Vamos superar la llei actual pa que s’adecúe a los estándares internacionales, al traviés de les modificaciones que vienen darréu:

  • Reconocer el derechu a la información como derechu fundamental.
  • Ameyorar l’accesibilidá del Portal de la Tresparencia y axilizar les solicitúes y les piticiones d’información.
  • Eliminar la obligatoriedá del DNI electrónicu pa poder facer consultes.
  • Aminorar límites de respuesta de piticiones sin dexar marxe a la discrecionalidá y establecer un réxime de sanciones si s’incumplen los márxenes de respuesta.
  • Asegurar la información pública por defecto. La tresparencia activa y los formatos abiertos van ser principios rectores de l’acción de gobierno.
  • Garantizar la independencia del Conseyu de Tresparencia.
  • Establecer la obligatoriedá legal de rendir cuentes y de publicar los resultaos na web pa toles instituciones con titularidá o financiación pública: la Casa Real, el Conseyu Xeneral del Poder Xudicial, los partíos políticos, los sindicatos y les organizaciones empresariales.
238

Regulación de les incompatibilidades nos cargos públicos

Estender y clarificar les incompatibilidaes de cargos políticos, altos cargos de l’Alministración Pública central y autonómica, y directivos d’empreses públiques de la qu’acabe la so prestación como tales.

Establecer un mínimu de diez años hasta qu’un ex altu cargu pueda intervenir nun ámbitu afectáu directamente por una decisión adoptada por él durante l’exerciciu de la so responsabilidá pública.

Impedir que cualquier ex cargu electu participe en conseyos d’alministración d’empresas qu’operen en sectores estratéxicos del Estáu.

Prohibir que desde los lobbies se contrate a los diputaos o a los sos asistentes.

Obligar a que, si desde los lobbies s’emplea a antiguos miembros del Gobiernu, estos lobbies informen sobre quién son los sos veceros, a qué representantes políticos contacten, qué temes traten y en qué gastos incurren durante’l so trabayu.

Crear, a nivel estatal y en cada Comunidá Autónoma, una oficina de rexistru de conflictos d’interés y d’incompatibilidaes, que vele pol cumplimientu d’estes normes y que tea dotada d’independencia y de capacidá inspectora.

239

Llei de Paredes de Cristal

Vamos aprobar una llei integral pa la rexeneración democrática de les nuestres instituciones públiques, que sirva de marcu p’abrir los parlamentos a la ciudadanía. Pa ello, vamos adoptar les siguientes midíes:

  • Publicar en portales web parlamentarios la información relativa a la xestión de la institución, el personal y el presupuestu.
  • Facilitar l’accesu a la información relativa a los procesos lexislativos, en cursu o acabaos, mediante observación directa, al traviés de la prensa escrita o de les retresmisiones per radio y televisión en directo.
  • Garantizar l’accesu, tanto a les sesiones de comisiones parlamentaries como a los plenos, a medios de comunicación, a observadores y a ciudadanos en xeneral, sin trabes alministratives y sin ningún tipu de discriminación.
  • Habilitar un escañu ciudadanu desde’l que se puedan facer llegar piticiones ciudadanes al Parlamentu, tanto de forma individual como colectiva.
240

Reformulación de la Llei de Contratos del Sector Públicu

Vamos reformular la Llei de Contratos del Sector Públicu pa:

  • Implantar una rede d’oficines centrales de compra pa la unificación del procedimiento nes meses de contratación.
  • Implantar una plataforma única d’información sobre contratación pública.
  • Crear los Tribunales Alministrativos Centrales, como los órganos competentes pa la resolución centralizada de recursos contractuales.
  • Eliminar los procedimientos negociaos sin publicidá y limitar l’importe que permite la utilización del contratu menor.
  • Reformar la web del rexistru mercantil pa poder consultar de forma cenciella y gratuita la información básica de sociedaes.
  • Materializar los criterios sociales, medioambientales y de fomentu de la economía local nos pliegos de condiciones, asina como la participación ciudadana.
241

Siguimientu de la execución presupuestaria

La información que xenera l’Alministración Pública nun pertenez a les instituciones, pertenez a la xente. Por ello, vamos instaurar paredes y bolsos de cristal nes instituciones, porque aquello que nun se pueda publicar nun debería facese. Pa llogralo, vamos implementar midíes de tresparencia de la xestión pública con información veraz y actualizada de tolos presupuestos, gastos y balances anuales, protocolos y informes.

Los presupuestos deben vincular l’acción de gobiernu. Pa evaluar correctamente si los compromisos alquiríos cumpliéronse, cuáles foron les esviaciones y si tán sustentaos o non por unes causes lexítimes y xustificables ye imprescindible publicar los datos de la execución presupuestaria col máximu nivel de detalle. Pa ello, el Portal de la Tresparencia y la rede d’oficines ciudadanes pondrán a disposición de la ciudadanía, d’una forma cenciella y directa, los datos básicos del destín final del dineru público.

242

Observatoriu Ciudadanu d’evaluación de Polítiques Públiques y Rendición de Cuentes

Vamos implantar l’Observatoriu Ciudadanu d’evaluación de Polítiques Públiques y Rendición de Cuentes con dos oxetivos fundamentales:

  • Llograr un usu afayadizu de la evaluación, al serviciu de los intereses xenerales.
  • Vincular la evaluación al ciclu presupuestariu, de tal forma que se convierta nun instrumentu de difusión de la cultura d’evaluación y la rendición de cuentes.

Vamos facilitar que cualquier persona o colectivu ciudadanu afectáu por una lexislación o por una xestión pública pueda intervenir o formar parte del Observatoriu Ciudadanu d’evaluación de Polítiques Públiques y Rendición de Cuentes. Con carácter previu al debate presupuestariu anual, los responsables públicos de cada política sectorial tendrán que presentar ante l’observatoriu un informe sobre’l grau d’implementación y d’execución de la política de la que respuende.

Los debates presupuestarios van nutrise del conocimientu colectivu xeneráu dientro del observatoriu, y va ofrecese a la mayoría de los miembros del Parlamentu un nivel d’información y unos criterios mui superiores a los disponibles actualmente.

243

Contratos alministrativos abiertos y accesibles

Vamos asegurar l’apertura de tola información relativa a los procesos de contratación pública pa facilitar la tresparencia y la rendición de cuentes al traviés de les siguientes midíes:

  • Vamos crear una base de datos de contrataciones y de licitaciones. Toles empreses van unviar la documentación relacionada coles contrataciones en formatos abiertos pa facilitar la publicación na rede.
  • Vamos asegurar l’accesu a la documentación de los contratos suscritos como mínimu nos últimos cinco años. Nella va indicase la siguiente información: oxetu, importe de la licitación y d’axudicación, procedimientu usáu pa contratar, identidá del axudicatariu, duración, númberu de licitadores, criterios d’axudicación, cuadru comparativu d’ofertes y les sos respectives puntuaciones, alcuerdos y informes técnicos del procesu de contratación, modificaciones contractuales, prórrogues de los contratos, licitaciones anulaes, resoluciones anticipaes, datos del rexistru públicu de contratos, datos del rexistru oficial de licitadores y empreses clesificaes, y alcuerdos y criterios interpretativos de los órganos consultivos de contratación.
244

Plan Nacional contra la Corrupción y pa la Tresparencia Institucional

Vamos desenrollar un Plan Nacional contra la Corrupción y pa la Tresparencia Institucional, que se coordinará al traviés d’un organismu independiente del poder gubernamental.

Esti organismu va tar integráu pola Alministración, organizaciones non gubernamentales (ONG) y actores relevantes de la sociedá civil; y el so ámbitu d’actuación va abarcar les diferentes alministraciones territoriales del Estáu. Los sos principales oxetivos van ser los siguientes:

  • Promover una mayor implicación de la sociedá civil, asina como d’espertos, nel compromisu contra la corrupción.
  • Implementar y perfeccionar mecanismos preventivos que s’adapten a la dinámica realidá delictiva.
  • Dotar de recursos y adaptar les técniques afayadices pa llograr una persecución eficaz y sostenible.
  • Asegurar una constante formación de los axentes especializaos y una mayor coordinación ente ellos.
  • Facilitar la formación ente los funcionarios pa la detección y denuncia d’esti tipu de conductes.
  • Dotar de mecanismos reales de protección a los denunciantes de fechos delictivos.
245

Policía xudicial y péritos pa la so adscripción funcional a los xulgaos

Vamos trabayar pa qu’estos funcionarios, la policía xudicial y los péritos, sían dependientes funcionalmente de los xulgaos y la Fiscalía, y pa que tengan control de toles investigaciones policiales de cada instrucción o procedimientu penal que dirixan. D’esta manera, vamos evitar tanto les dilaciones indebíes como’l fechu de que los axentes consideraos «incómodos» puedan ser destituíos. Estes unidaes policiales van tener que cumplir los siguientes requisitos:

  • Tar adscrites funcional y temporalmente a los xulgaos o a los tribunales.
  • Contar con estructura independiente y un númberu mui reducíu de puestos de llibre designación.
  • Tar integráu por funcionarios con acreditada esperiencia na Policía Xudicial, y con accesu esclusivu mediante concursu especificu de méritos.
  • Promover y dirixir les investigaciones yá xudicializaes:
  • Van actuar por delegación del xuez o del fiscal dientro del cuerpu xudicial.
  • Van poder requerir de los mandos policiales tolos medios personales y materiales precisos pa llevar a bon fin la investigación.
  • Van tar exentos d’informar sobre la evolución de les investigaciones o de los resultaos obteníos.
246

Introducción de la figura delictiva d’enriquecimientu inxustu o ilícitu

El delitu d’enriquecimientu inxustu refierse a l’actuación d’aquellos altos cargos que, nel marcu de l’actuación política, sin intervenir directamente na comisión de delitos de corrupción, obtuvieron beneficiu deriváu de la comisión d’estes conductes.

Amás, y como midíes complementaries, vamos incorpor el delitu agraváu de prevaricación alministrativa nes contrataciones públiques y los delitos agravaos de cofechu, tráficu d’influencies y fraudes a l’Alministración cometíos al traviés de partíos políticos. Implementada internacionalmente, esta midida penal muéstrase como una de les más eficaces contra l’enriquecimientu de quien dirixe organizaciones criminales, pero que nun intervienen directamente na comisión de nengún de los delitos o de les corrupciones realizaes nel marcu de l’actuación política polos altos cargos de l’Alministración.

247

Nueva Llei de Financiación de Partíos Políticos

Vamos facer un plan de prevención del delitu específicu pa los partíos políticos coles siguientes propuestes relatives al control de la financiación:

  • Equiparar la fiscalización de les fundaciones polítiques a la de los partíos políticos.
  • Prohibir donaciones de bienes inmuebles con un valor que pase del límite llegalmente establecíu pa les donaciones monetaries.
  • Prohibir l’endeudamientu bancariu por parte de los partíos políticos o limitar severamente esti endeudamientu.
  • Publicar la identidá de tou aquel donante qu’aporte más de 5.000 euros al año.
  • Establecer sistemes de tratamientu y de publicación de datos en formatos reutilizables, que permitan identificar posibles relaciones ente donaciones polítiques y contratos públicos, o ente partíos políticos y paraísos fiscales.
  • Elaborar un plan estratéxicu sobre’l modelu de financiación de los partíos políticos n’España, y reformar los sistemes de financiación electoral y ordinaria de los partíos conforme a principios más democráticos y inclusivos.

Al respective del tratamientu penal, les nuestres propuestes son:

  • Aumentar el plazu de prescripción de les sanciones previstes na Llei Orgánica de Financiación de Partíos Políticos y aclarar los casos de duplicidá de sanciones.
  • Desenrollar de manera específica, y adaptándola a les formaciones polítiques, la norma expresada nel artículu 31 bis del Códigu Penal, destinada a regular la responsabilidá penal de les persones xurídiques en xeneral.
248

Creación del Departamentu de Recuperación d’activos

Vamos crear un departamentu específicu dientro de l’Alministración Pública dedicáu a la recuperación d’activos envueltos en casos de corrupción. Va tar formáu por funcionarios especializaos, y va potenciar los actuales instrumentos de cooperación internacional en materia d’información, auxiliu xudicial y recuperación d’activos, que son parte de la normativa europea.

249

Redefinición del delitu fiscal

Nun esiste nenguna xustificación xurídica p’aplicar tipos penales diferentes al delitu fiscal y a los casos de fraude nes subvenciones recibíes de la Unión Europea, más cuando la cuota pa considerar un delitu como «delitu fiscal» ye excesivamente alta: 120.000 euros. Por ello, vamos establecer un únicu límite pa los delitos fiscales: 50.000 euros, que ye la cantidá fixada pa les subvenciones en materia europea.

250

Fortalecimientu de los sistemes d’evaluación legislativa en materia de corrupción y política criminal

Pa fortalecer los sistemes d’evaluación lexislativa en materia de corrupción y política criminal, implementaremos les siguientes midíes:

  • Vamos crear un Centru Nacional pa la Prevención del Delitu, encargáu de realizar evaluaciones d’impactu tanto de la lexislación en vigor como de propuestes de reforma.
  • Vamos poner en marcha programes d’información y de concienciación pública en materia penal.
  • Vamos ameyorar los sistemes estadísticos.
  • Vamos crear una oficina d’información pública sobre problemes relacionaos cola política criminal, que podría ser parte de les funciones d’esti Centru Nacional pa la Prevención del Delitu.
251

Participación ciudadana na xestión pública

Vamos establecer mecanismos de participación na actuación alministrativa col fin d’integrar nel ámbitu públicu formes de xestión participaes, basaes na lóxica del valor y del bien común, de forma que la ciudadanía pueda contribuir a ameyorar los servicios públicos.

Vamos impulsar les siguientes midíes transversales nes alministraciones públiques:

  • Vamos crear un observatoriu d’inclusividá na xestión pública pa investigar indicadores d’inclusividá, y poder evaluar y diseñar acciones institucionales dirixíes a atender les necesidades d’accesu a les alministraciones públiques d’una sociedá diversa.
  • Vamos desenrollar un Plan de Formación pa la Participación, que va tar dirixíu tanto al personal de l’Alministración Pública como a los axentes sociales.
  • Vamos instaurar órganos ciudadanos d’interlocución col personal técnicu y políticu, y vamos dotar d’un carácter decisoriu a estos espacios d’alcuentru que, amás, van complementase al traviés de ferramientes de participación virtual.
252

Xusticia gratuita real

Proponemos la creación d’un testu normativo que tea consensuáu colos órganos colegiales y asociaciones de letraos del turnu d’oficiu, quien desenrollen el serviciu con elevaos estándares de rendimientu y reconocimientu européu y internacional. Nesti testu va tar l’ameyoramientu del serviciu públicu d’asistencia xurídica gratuita y la dignificación del turnu d’oficiu, y va contener una reflexón sobre les atribuciones delegaes a les comunidaes autónomes nesta materia.

253

Elección directa del Conseyu Xeneral del Poder Xudicial

Consideramos que, anque’l Conseyu Xeneral del Poder Xudicial (CXPX) mantenga les actuales competencias xenerales, tien qu’asumir directamente la principal función de so: velar pola independencia del Poder Xudicial como serviciu públicu. Y, pa ello, proponemos les midíes que vienen darréu:

  • Establecer la elección directa por parte de la ciudadanía de los quince miembros del CXPX, quien van ser elixíos ente xueces y maxistraos, fiscales, secretarios xudiciales y xuristes de prestixu reconocíu con polo menos diez años d’esperiencia profesional y que, asinamesmo, tean avalaos por asociaciones, sindicatos o plataformes ciudadanes.
  • Regular y promover institucionalmente estes elecciones por un órganu colexáu creáu pa ello pol Congresu.
  • Establecer limitaciones de gastu nes campañes que puedan ser promovíes pa estes elecciones.
254

Auditoría pública del sistema xudicial

Vamos promover una auditoría pública y esterna del sistema xudicial sobre criterios y parámetros basaos na so eficiencia, eficacia y sostenibilidá, col fin de buscar una fotografía constructiva y evaluar una necesaria reorganización naquellos ámbitos que precisen refuerzu, de manera que s’establezan criterios d’optimización de los recursos. Asinamesmo, vamos crear una oficina xudicial dotada de los medios afayadizos pa desenrollar una actuación más eficaz y cercana a la ciudadanía, que cuaye un verdaderu serviciu al ciudadanu. Esta oficina va tener financiación directa del Estáu (el Gobiernu central va asumir les competencies perifériques nesti ámbitu), va ser competencia del Ministeriu de Xusticia y va tener capacidá de cesión d’edificios de titularidá pública. Desde ella va impulsase l’espediente electrónicu y va informatizase tol procedimientu xudicial.

255

Reforma integral de la Fiscalía

Vamos poner en marcha una reforma integral de la Fiscalía a partir de les siguientes propuestes:

  • Revisar el sistema de nombramiento del Fiscal Xeneral del Estáu.
  • Reformar l’Estatutu Orgánicu del Ministeriu Fiscal pa introducir mecanismos que doten a la Fiscalía d’autonomía (orgánica y funcional) con relación al poder executivu.
  • Dotar a esta institución de mecanismos de tresparencia que permitan conocer, ente otros, los actos que se realicen, los criterios utilizaos pa la toma de decisiones, l’axenda del Fiscal Xeneral del Estáu y de los demás órganos de dirección, y les retribuciones o los indicadores de la so actividá.
  • Asegurar l’autonomía presupuestaria del Ministeriu Fiscal, con partida específica nos Presupuestos Xenerales del Estáu.
  • Abordar de manera integral la reorganización y el nuevu diseñu de les funciones de los órganos centrales (Inspección Fiscal, Unidá d’apoyu y Secretaría Técnica).
  • Democratizar los nombramientos na cartera fiscal baxo estrictos criterios de méritu y de capacidá.
256

Eliminación de privilexos procesales

Si bien ye cierta la necesidá de protección y amparu de l’actividá parlamentaria y de les actuaciones de xueces y de maxistraos, pues d’otra manera podríen ver limitáu l’exerciciu de les sos funciones, esta protección solo va mantenese nel ámbitu d’actuación pública d’estos cargos, porque se considera que los privilexos procesales nun rixen más allá de diches actividaes públiques; d’esta manera, cualquier otra actuación va tar suxeta al procedimientu xeneral, anque se faiga durante l’exerciciu del cargu.

257

Derogación de la Llei Orgánica de modificación de la Llei d’enxuiciamientu Criminal

Vamos derogar la Llei 13 / 2015, de 5 d’ochobre, de modificación de la Llei d’enxuiciamientu Criminal pal fortalecimientu de les garantíes procesales y la regulación de les midíes d’investigación tecnolóxica, col fin de dexar sin efectu la disposición transitoria única sobre la revisión de los procesos iniciaos con anterioridá a la so entrada en vigor y los plazos de duración máxima de los procesos penales.

258

Multes y sanciones alministratives proporcionales a la renta de les persones

Vamos crear un sistema de pagu de sanciones alministratives y multes económiques proporcionales a la renta de la persona sancionada, pa modificar l’actual sistema por ún más xustu, proporcional y funcional. Pa ello, basarémonos nos siguientes principios:

  • Rendición de cuentes de la persona ofensora. Cumplimientu de la función de disuasión. Pa que les multes cumplan esta función, les persones con menos ingresos deben poder pagales, pero’l so impactu tien que ser equivalente al de les persones con mayores rentes.
  • Obligación de ser equitatives. Les multes proporcionales son inherentemente más xustes, pues les cantidaes nun son nin demasiao baxes pa determinaos sancionaos nin tan altes como pa pasar de la capacidá d’otros.
  • Establecimientu d’un sistema de cálculu áxil y limitáu partiendo d’un tipu básicu y estableciendo diferentes umbrales, similares a los que se fixen pal pagu del IRPF en función de los ingresos del sancionáu.
259

Derogación de la llei mordaza

Derogaremos de manera inmediata la Llei Orgánica 4 / 2015, de 30 de marzo, de protección de la seguridá ciudadana, conocida como llei mordaza, y estableceremos una nueva legislación de seguridá ciudadana que facilite el llibre ejercicio de los derechos fundamentales de expresión, reunión y manifestación. Eliminaremos les sanciones alministrativas, sin más restricción que los actos ilícitos cuya gravedá los convierta en objeto de sanción nos supuestos sancionaos por el Código Penal.

260

Creación de la Oficina de Derechos Humanos del Gobiernu

Vamos crear la Oficina de Derechos Humanos del Gobiernu, que tendrá les siguientes característiques y funciones:

  • Va depender de la Presidencia del Gobiernu.
  • El so responsable va tener rangu de Secretariu d’estáu.
  • Va cooordinará l’acción del Gobiernu nel desarrollu y protección de los derechos humanos.
  • Va desempeñar funciones executives pa velar pol cumplimientu de los compromisos internacionales alquiríos por España en materia de derechos humanos, yá sían derechos civiles y políticos, derechos económicos y sociales, o derechos relativos a la infancia y a la equidá de xéneru.
  • Va coordinar el llabor de tolos ministerios al traviés d’una comisión interministerial.
  • Va actuar en coordinación col Defensor del Pueblu.
  • Va rendir cuentes de la so actividá y de la so xestión mensualmente ante les Cortes.
  • Va acoyer dientro d’él una Comisión Estatal de Derechos Humanos con representantes de les ONG, d’organizaciones civiles y sociales de defensa de los derechos humanos y d’organizaciones profesionales (como’l Conseyu Xeneral de l’Abogacía), que va tener funciones asesores y consultives, pero tamién d’evaluación y de rendición de cuentes.
  • Va coordinar el desarrollu y la puesta en práctica del Plan Nacional de Derechos Humanos y Equidá de Xéneru.

Asinamesmo, vamos crear una unidá de xéneru nel Ministeriu d’asuntos Esteriores y de Cooperación (MAEC) pa facer una evaluación de xéneru en tornu a les iniciatives y les actuaciones de la política esterior española.

261

Memoria, verdá y xusticia: bases de la cultura de los derechos humanos

Partiendo de la doble premisa de que la memoria ye un derechu ciudadanu y de que n’España tovía nun s’implementó una verdadera política pública de memoria, el nuestru proyectu sobre memoria democrática y cultura de los derechos humanos articúlase, igual que lo fai’l derechu internacional nesta materia, en tornu a la triada «memoria, verdá y xusticia», d’acordies coles recomendaciones que’l relator especial del Conseyu de Derechos Humanos de la ONU dirixó a España en xunetu del 2014. Asina, vamos poner en marcha trés tipos de polítiques:

  • Polítiques pal derechu a la memoria orientaes a xenerar garantíes de non repetición:
  • Promover la remoción o resignificación de símbolos o monumentos conmemorativos d’exaltación de la sublevación militar o del franquismu.
  • Concibir los espacios de memoria como espacios pedagóxicos desde una perspectiva crítica.
  • Desenrollar iniciatives orientaes a la construcción d’una cultura de los derechos humanos y a la restitución d’una memoria plural, colectiva y democrática del nuestru país nos sistemes educativos, no relativo a la formación de funcionarios públicos, en (y desde) los medios de comunicación y notros ámbitos culturales.
  • Polítiques pal derechu a la verdá:
  • Establecer mecanismos institucionales pal esclarecimientu y la divulgación de la verdá.
  • Garantizar l’accesu a los archivos (públicos y privaos) y a la investigación pública y xudicial.
  • Promover la creación d’instituciones de memoria.
  • Elaborar un mapa integral de foses comunes que, a la vez, permita diseñar un futuru plan integral d’exhumaciones.
  • Polítiques d’accesu a la xusticia pa coles víctimes del franquismu:
  • Crear una Secretaría d’estáu nel Ministeriu de la Presidencia y una axencia interministerial que funcione como órganu de coordinación.
  • Anular les sentencias de los tribunales creaos durante la guerra civil y la dictadura.
  • Facilitar l’accesu a la xusticia a les víctimes de crímenes de lesa humanidá.
  • Aplicar la xurisdicción universal en materia de derechos humanos inxerta nel nuestru ordenamientu jurídicu.
262

Creación de l’Axencia Estatal pa la Protección de los Consumidores

Vamos crear una Axencia Estatal pa la Protección de los Consumidores, como organismu regulador de carácter autónomu y neutral y con competencies sancionadores. Esta axencia va contar con un cuerpu d’inspectores dedicáu a realizar investigaciones d’oficiu y evaluar les denuncies que lleguen de les autoridaes autonómiques y les asociaciones de consumidores, amás d’intercambiar información col restu d’organismos del Gobiernu acerca de les irregularidaes que detecte nel mercáu. Les organizaciones dedicaes a la defensa de los consumidores va tener la consideración de parte interesada nos procedimientos que s’abran a raíz de les sos denuncies o nos que se personen en representación de los afectaos. Igualmente, vamos revisar el marcu sancionador establecíu na lexislación qu’afecta a la protección de los consumidores pa que les multes sían realmente proporcionales a la gravedá de los abusos, y pa que considere’l decomisu d’hasta diez veces l’importe de los beneficios qu’obtuvieren les empreses en práctiques fraudulentes.

263

Derechu d’indemnización del consumidor víctima d’un abusu

Vamos probar por llei’l derechu de los consumidores a ser indemnizaos cuando sían oxetu d’irregularidaes na contratación, facturación o les característiques de productos y de servicios.

264

Despenalización del cannabis

Vamos despenalizar el cultivu y la tenencia de cannabis a nivel personal y colectivu, y vamos regular l’actividá de los clubes sociales de cannabis. Pa ello, proponemos convocar una mesa de trabayu sectorial encargada de presentar una propuesta que garantice les llibertaes y derechos fundamentales de los consumidores y que considere la regulación de la producción, la distribución y el consumu de cannabis.

265

Software llibre pa una Alministración abierta, segura y accesible

Vamos implementaremos un Plan Estratéxicu de Migración hacia ferramientes de software llibre y datos abiertos, col oxetivu de sustituir ferramientes propietaries, siempre que sía posible, y llograr un control real de la tecnoloxía utilizada na Alministración pal manexu de los datos. Pa ello:

  • Vamos implantar ferramientes de software llibre nes alministraciones públiques, acompañaes d’un programa de capacitación de los empleaos públicos nel manexu de les nueves ferramientes.
  • Vamos xeneralizar l’usu de formatos abiertos na xestión pública.
  • Vamos fomentar el texíu social y productivu del sector, ricu n’innovación y creación d’emplegu.
  • Vamos apostar pola seguranza informática y la privacidá como un derechu integral del sieglu XXI, y vamos ofrecer cobertura legal a aquellos que denuncien la so infracción.
266

Simplificación de los procedimientos alministrativos

Vamos poner en marcha un Plan Estratéxicu d’Ameyoramientu de l’Alministración y del Serviciu Públicu pa simplificar los trámites alministrativos, minimizar les cargues burocrátiques y homoxeneizar los procesos, al traviés de les siguientes acciones y medios:

  • Simplificar y reducir les cargues alministratives y implantar la homoxeneidá de los procedimientos.
  • Consolidar una auténtica alministración dixital que permita a la ciudadanía facer cualquier trámite d’una manera más rápida y áxil, a cualquier hora y desde cualquier sitiu, gracies a un ventanu virtual únicu. Con ello va evitase’l tener qu’aportar documentación que yá ta dixitalizada.
  • Vamos incorporar plenamente les nueves tecnoloxíes nos trámites alministrativos.
  • Avanzar hacia la superación de la brecha dixital na sociedá.
  • Garantizar puntos d’asesoramientu permanente, tanto online como presenciales, qu’a la vez faciliten la tramitación del certificáu dixital a solicitú de los interesaos.
267

Xestión directa na Alministración Pública y optimización del desempeñu de los profesionales

Vamos garantizar el principiu de xestión directa de los servicios públicos y que l’exerciciu de competencies y potestaes públiques resida na propia Alministración del Estáu.

Vamos recuperar les competencies que se privatizaron o esternalizaron, y orientaremos les nuestres decisiones siempre en función de los principios del bien común y del interés xeneral.

Col envís de potenciar lo meyor de cada profesional na xestión de los servicios públicos, vamos apostar por adaptar el perfil de cada profesional al llabor que desempeña, pa optimizar asina’l valir de la so función, lo que va permitir asinamesmo la promoción desde’l so puestu de trabayu.

La motivación ye’l motor profesional de la xestión directa y la recuperamos a partir de trés elementos clave:

  • Trabayu n’equipu, con liderazgos lexitimaos profesionalmente.
  • Formación adecuada y de calidá.
  • Flexibilización de los requisitos pa gociar d’escedencies vinculaes a la formación y a práctiques profesionales nel extranxeru.
268

Auditoríes regulares de los organismos públicos

Vamos ponder en marcha la realización d’auditoríes regulares de tolos organismos y entes públicos colos siguientes oxetivos:

  • Revisar los sos estatutos, pa eliminar vacíos de conteníu prestacional públicu o duplicaos.
  • Asegurar que’l sector públicu sía independiente del aparatu y de los intereses de los partíos políticos.
  • Recuperar aquelles competencies y potestades públiques privatizaes o esternalizaes.
  • Revisar les encomiendes de los entes instrumentales pa revertir los servicios subcontrataos, al traviés d’una dotación adecuada de puestos y de recursos pa la estructura del sector públicu.
269

Homologación de les xornaes de trabayu de les Fuerces Armaes a les del restu de l’Alministración Pública

Vamos proponer una regulación reglamentaria del horariu y de les xornaes llaborales de los miembros de les Fuerces Armaes pa que sían asemeyaes a les de l’Alministración Xeneral del Estáu, teniendo en cuenta les necesidaes específiques derivaes de les misiones, maniobres, guardies y servicios, que sedrán retribuíos de manera xusta.

270

Redefinición de la carrera militar de tolos militares profesionales

Vamos reformar de manera integral la Llei 39 / 2007, de 19 de payares, de la carrera militar, y incluiremos nella al personal de tropa y marinería y a oficiales temporales; y suprimiremos tamién los actuales compromisos temporales.

Vamos establecer, con carácter prioritariu, un sistema de promoción con criterios exclusivamente oxetivos y basaos nos principios d’igualdá, méritu y capacidá. Asina, va valorase como méritu la esperiencia profesional, van suprimise los actuales criterios suxetivos de valoración (como los informes personales de calificación) y van eliminase los actuales límites d’edá.

Tres la esperiencia obtenida de les primeres promociones col nuevu sistema d’enseñanza militar, vamos facer un estudiu pa terminar d’adaptalu al sistema xeneral d’enseñanza.

Vamos llevar a cabu un plan integral d’acción social basáu na igualdá, que dea especial atención a les familias y que suprima privilexos.

271

Militares: ciudadanos y trabayadores

Vamos reformar la Llei Orgánica 9 / 2011, de 27 de xunetu, de derechos y deberes de los miembros de les Fuerces Armaes, pa propiciar una nueva regulación de los derechos fundamentales de reunión, manifestación, asociación, llibertá d’espresión, sindicación y afiliación a partíos políticos. Igualmente, vamos suprimir la privación de llibertá sin tutela xudicial efectiva, y vamos renovar los órganos de participación con criterios democráticos y vinculantes pa los procesos normativos nos ámbitos profesionales, sociales y económicos.

272

Tresparencia y control democráticu pa Defensa

Vamos evitar les «puertes xiratories» al regular les relaciones ente’l Ministeriu de Defensa y la industria de defensa pa faceles tresparentes dafechu; y van auditase, van revisase y van renegociase les alquisiciones colos contratistes pa facer viable’l presupuestu del Ministeriu de Defensa. Asinamesmo, y en consonancia colo anterior, va constituise un grupu d’espertos (xunto al que podrá participar la sociedá civil) col fin de presentar propuestes pa estudiar un diseñu de les Fuerces Armaes más acorde a les necesidades d’España.

273

Personal civil a cargu de les tarees alministratives nes Fuerces Armaes

Vamos reorganizar la plantiya pa que sía personal civil alministrativu quien desempeñe servicios burocráticos nes Fuerces Armaes. Vamos acabar colos servicios que nun son propios del cuerpu: carpinteros, albañiles, xardineros, mecánicos, etcétera.

274

Llibertá de sindicación pa los miembros de la Guardia Civil

Vamos reconocer la llibertá de sindicación dientro de la Guardia Civil y vamos defender que nun s’aplique’l Códigu Penal Militar a los miembros d’esti cuerpu, pa garantizar asina los sos derechos fundamentales y les sos llibertaes públiques.

275

Ameyoramientu de la coordinación ente la Guardia Civil y la Policía Nacional

Vamos proponer la unificación de les bases de datos de la Guardia Civil y de la Policía Nacional, lo que va suponer un gran avance en materia de coordinación.

276

Nuevu sistema d’ascensu nes Fuerces de Seguridá del Estáu

Vamos modificar los actuales procesos d’ascensu nes Fuerces de Seguridá del Estáu pa que se basen esclusivamente en pruebes oxetives y mensurables.

277

Derechu a decidir

Vamos abrir un amplio debate ciudadanu sobre’l reconocimientu y les formes d’exerciciu del derechu a decidir nel marcu del debate acerca del cambiu constitucional. Vamos reconocer constitucionalmente la naturaleza plurinacional d’España, como tamién vamos asegurar el derechu de los gobiernos autonómicos a celebrar consultes a la ciudadanía sobre l’encaxe territorial del país.

Ye dicir, vamos promover la convocatoria d’un referéndum con garantíes en Cataluña pa que los sos ciudadanos puedan decidir el tipu de rellación territorial que quieran afitar col restu d’España.

Vamos recuperar el respetu como fundamentu básicu de les relaciones ente los gobiernos y los parlamentos de tolos niveles territoriales del Estáu.

Vamos escomenzar un procesu de cambiu constitucional orientando a resolver, ente otros, los problemes d’estructuración territorial del Estáu y vamos evaluar y vamos debatir sobre les esperiencias del Reinu Uníu y de Canadá.

278

Reforma del Senáu

Vamos tresformar el Senáu nuna cámara de representación de derechos y d’intereses territoriales y vamos eliminar una gran parte de les retribuciones de los senadores.

Vamos conformar el Senáu con representantes de los gobiernos rexonales, intercambiables y con votu en bloque y vamos reducir el númberu de representantes.

Les funciones del Senáu van ser:

  • Lexislativa: participación na aprobación de lleis qu’afecten a los intereses territoriales.
  • Participación nos Presupuestos Xenerales del Estáu pa fixar les partíes que s’atribuyen a los distintos territorios d’acordies col sistema de financiación.
  • Nombramientu de los miembros d’órganos del Estáu y instituciones centrales, como los maxistraos del Tribunal Constitucional.
  • Como pieza clave nes relaciones verticales y horizontales de la distribución territorial del poder, va desempeñar un papel importante na relación cola Conferencia de Presidentes.
279

Revisión del modelu de financiación

Vamos promover un modelu de financiación baxo los principios d’equidá, xusticia territorial y solidaridá interterritorial. Nesti sentíu, vamos implementar un modelu de financiación que garantice la suficiencia del ámbitu competencial autonómicu al traviés de la recaudación de los tributos cedíos a les comunidaes autónomes y de la participación nos tributos del Estáu, de manera que la financiación nun va poder ser un obstáculu pal desarrollu del marcu competencial propiu.

280

Paralización de la llei Montoro

Vamos derogar de forma inmediata la llei Montoro (Llei 27 / 2013, de sostenibilidá y racionalización de l’Alministración local), porque pon en peligru les entidaes menores y los servicios y los bienes comunales. Vamos promover un nuevu marcu llegal qu’armonice los trés niveles de gobiernu (del conceyu, autonómicu y estatal) y amplíe y actualice les competencies y los presupuestos. Vamos fomentar un debate urxente que refuerce el poder local como’l Gobiernu de proximidá por y pa la ciudadanía.

281

Plan d’Usu Social de la Tierra

Vamos instataurar una Axencia Pública y Autónoma de la Gobernanza Responsable y Sostenible de la Tierra, que regule los terrenos rústicos y favoreza un acceso democráticu y xustu a la tierra.

Vamos desenrollar un Plan Especial d’Usu Social de la Tierra, en respuesta al inventariu de propiedaes fechu pol Ministeriu de Facienda y al plan de trespasu d’estos bienes que fixo’l Gobiernu. Vamos fomentar la coordinación ente l’Axencia de la Gobernanza Responsable y Sostenible de la Tierra y los Bancos de Tierra que yá esisten pa facilitar l’accesu quieran incorporase al sector agroganaderu y forestal, con garantíes na xestión y nel usu de les finques pa los propietarios y les propietaries.

282

Nueva Llei d’Agua

Consideramos l’agua como un bien común, polo que ye necesario que la toma de decisiones sobre la so xestión y la so distribución sía participativa.

Vamos elaborar una nueva Llei d’Agua, en sintonía cola Directiva Marcu del Agua, que garantice como un derechu l’accesu al agua de calidá y, asinamesmo, conserve los caudales ecolóxicos y el bon estáu de los ríos, de los acuíferos y d’otres mases d’agua.

Vamos democratizar los organismos de conca al incorporar a los sectores hasta ahora separaos de los órganos de xestión y de decisión d’estos organismos, como son los colectivos de defensa del usu sostenible del agua y de la conservación de los ríos.

Vamos revisar los Planes Hidrolóxicos pa garantizar la so plena coherencia cola Directiva Marco del Agua y que resulten más eficaces a la hora d’alcanzar y mantener el bon estáu ecolóxicu.

Vamos fomentar la prevención d’inundaciones y vamos garantizar una correcta xestión de los territorios fluviales y les zones inundables, d’acuerdu cola directiva europea de xestión del riesgu d’inundaciones.

283

«Quien contamina paga»

Vamos derogar de forma inmediata la Llei 11 / 2014 y el Real Decretu 183 / 2015 que modifica la Llei 26 / 2007 de Responsabilidá Medioambiental y que tien, como elementos rectores, la precaución, la prevención y el principiu de «quien contamina paga».

Vamos simplificar la tramitación alministrativa a través d’una llicencia ambiental única qu’englobe tolos impactos ambientales y, d’esta manera, facilite a los operadores la comunicación con un única entidá alministrativa.

Vamos llevar a cabu una reubicación de les estaciones de control y de midición de la contaminación industrial a aquellos sitios que garanticen la mayor protección de la población, dientro de los parámetros de control obligatorios.

Vamos fomentar el desarrollu de la I+D+i nes tecnoloxíes de prevención de la contaminación y pa la descontaminación, n’especial del suelu, y pa la recuperación ambiental en casu de desastre ecolóxicu. Vamos impulsar l’adaptación a los nuevos conocimientos, especialmente aquellos que traten sobre los efectos de los contaminantes na salú de les persones. Vamos implementar un Plan de Formación de Técnicos en Riesgos Ambientales pa dar soporte a l’actividá industrial y a l’Alministración central como principal órganu de control.

Vamos priorizar l’aplicación del principiu «quien contamina paga» al promover una responsabilidá ambiental real ente los principales estractores de los recursos naturales, a través d’una garantía financiera de reparación del medio natural, en función de los posibles daños ocasionaos.

284

Protección del medio marín y del so entornu

Vamos invalidar les modificaciones de la Llei de Costes y vamos impulsar un modelu nuevu de protección del litoral que tenga en cuenta criterios xeomorfológicos y paisaxísticos.

Vamos desenrollar una Planificación Estratégica Marina pal conxuntu del Estáu, que ponga les bases pa les distintes actividaes humanes nel medio marín y na que se va primar el desarrollu de la enerxía renovables y la protección de los nuestros ecosistemes.

Vamos continuar cola inversión pal desarrollu efectivu de la Directiva Europea d’Estratexes Marines. Vamos incluir nel Programa Nacional d’Investigación Científica un subprograma encamináu a desenrollar la investigación del medio marín, col envís de promover el desarrollu de les enerxíes renovables marines y la protección del medio ambiente.

Vamos fomentar la divulgación de las aries marines protexíes españoles y del so valor natural, y vamos incluiles nes estratexes estatales y autonómiques de promoción turística y d’educación ambiental. Vamos incrementar l‘impactu positivu d’estes aries nes poblaciones costeres más cercanes. Nesti sentíu, vamos desenrollar un etiquetáu específicu pal pescao y el marisco sacao mediante artes non destructives permitíes nel interior de la reserva. Vamos trabayar colos distintos axentes implicaos pa reducir el vertíu de basura na mar.

285

Ciudaes sostenibles

Vamos llevar a cabu una política activa que tresforme los ecosistemes urbanos en sitios más sostenibles y habitables pa cola ciudadanía.

Vamos abandonar el modelu productivu especulativu basáu na construcción desmesurada de viviendes y vamos apostar por un modelu sostenible orientáu a la remocicación y a la eficiencia enerxética de los edificios esistentes. Una midida que, per otru llau, va xenerar emplegu y de mayor calidá.

Vamos promover l’usu de los instrumentos que la lexislación urbanística pon en manes de les alministraciones públiques pa satisfacer la demanda de vivienda asequible, equipamientos y espacios llibres, y vamos prevenir la especulación pa incrementar el patrimoniu públicu de suelu.

La ciudá ye un derechu de toos y de toes. Por ello vamos promover l’accesibilidá universal y la eliminación de les barreres arquitectóniques y urbanístiques. Asinamesmo, vamos adoptar una perspectiva de xéneru y de les necesidaes de la población infantil y de les persones mayores nel diseñu urbanu.

Vamos aprovecharemos les oportunidaes que nos brinden les nueves tecnoloxíes pa xestionar de forma eficiente los ecosistemes urbanos y apostaremos pol desarrollu de ciudaes y comunidaes inteligentes.

Vamos garantizar la tresparencia de los procedimientos d’ellaboración de planiamientos y convenios urbanísticos, col envís de fomentar l’accesu de la ciudadanía a tola información, incluíos los informes técnicos y xurídicos. Vamos evitar la urbanización de les aries con valor medioambiental, especialmente el litoral, y de les zones de riesgos naturales, como les inundables.

286

Fomentu de la economía circular: Oxetivu Residuu CERO

Vamos cumplir la Directiva Marcu de Residuos y vamos revisar la tresposición d’esta directiva al ordenamientu español, empezando polos principios de precaución y de prevención. Vamos desenrollar la responsabilidá ampliada del productor, de forma que, a partir d’estudios rigurosos y independientes, esti asuma los costes reales de la xestión de residuos a tolos niveles y el desarrollu de les midíes pal cumplimientu de los oxetivos marcaos na Directiva Marcu de Residuos.

287

Rescate ecolóxicu: salvar la nuestra biodiversidá

Vamos diseñar y vamos implementar un Plan de Rescate Ecolóxicu d’España, a venti años, col oxetivu de recuperar el conxuntu de zones degradaes y consiguir la restauración ambiental. Esto conllevará la creación d’emplegu sostenible.

Vamos incluir un Plan de Conservación de la Biodiversidá del nuestru país. Pa ello, vamos dotar económicamente al Fondu pa la Conservación de la Biodiversidá, vamos inventar los sistemes naturales y vamos potenciar sistemes d’información como los bancos de la naturaleza. Per otru llau, vamos incorporar los ecosistemas non representaos na Rede de Parques Nacionales que tamién precisen de protección ambiental.

Vamos diseñar sistemes que faigan compatible la supervivencia de los grandes carnívoros (osos, linces y llobos) nos sos ecosistemes naturales y les actividaes económiques del ser humanu (tresporte, ecoturismu, ganadería). Vamos fomentar la prevención de la entrada d’especies exótiques invasores pa frenar la so espansión.

Vamos crear corredores ecolóxicos y infraestructures verdes pa restablecer el ciclu d’humedá y mitigar los efectos del cambiu climáticu.

288

Llucha contra’l cambiu climáticu

Vamos promulgar una nueva Llei de Cambiu Climáticu que va tener, ente otros, los siguientes conteníos mínimos:

  • Potenciar les actuaciones autonómiques en materia de política forestal encaminaes a la repoblación con especies autóctones y el desarrollu del efectu sumideru.
  • Facer una nueva propuesta en materia de xestión d’emisiones de CO2 pa poner un preciu fixu a la tonelada de carbono emitío, d’scordies coles previsiones de la Unión Europea.
  • Implementar un Plan de Transición Enerxética, pa qu’en 2050 el 100 % del consumu proceda de les enerxíes renovables.
  • Impulsar la denominada «fiscalidá verde» y penalizar la xeneración de desechos a lo llargo de la cadena de valor.
  • Llevar a cabu un plan d’adaptación al cambiu climáticu de ciudaes, alministraciones públiques y sectores estratéxicos.
  • Fomentar les actuaciones pal aumentu de la resiliencia de les ciudaes y de los ecosistemes (por poner un casu, l’abastecimientu d’agua pa les ciudaes o la xestión adecuada de residuos).
289

Estratexa Integral de Participación y Educación Ambiental

Vamos crear y vamos implantar una Estratexa Integral de Participación y d’Educación Ambiental, col envís de facer partícipe a la ciudadanía de los aspectos ambientales qu’afecten al nuestru bientar. Pa qu’esto sía posible, vamos impulsar distintes formes de participación y de collaboración ciudadana, gracies a las que se fomentará una cultura participativa que va fortalecer la identidá colectiva de la ciudadanía y va facer qu’esta s’involucre de manera activa na construcción cooperativa d’un modelu de desarrollu humanu y social ambientalmente responsable. Esta estratexa considera:

  • Garantizar l’aplicación de los principios de información, tresparencia y participación nes actividaes del Gobiernu.
  • Fomentar la educación ambiental en toles etapes educatives y en tolos ciclos vitales, col envís de sensibilizar y d’involucrar activamente a la población na problemática ambiental.
290

Vicepresidencia de Sostenibilidá

Vamos crear una Vicepresidencia de Sostenibilidá que vincule les polítiques del Gobiernu rellacionaes cola sostenibilidá coles polítiques d’economía y d’emplegu. D’esta forma, vamos promover un modelu de desarrollu que tenga en cuenta los límites del nuestru planeta y asegurarémonos de que siempre s’apliquen los criterios de sostenibilidá nes diferentes polítiques de desarrollu económicu y social del nuestru país.

291

L’agua: un derechu humanu

Vamos aplicar distintes midíes pa la detección y erradicación de la pobreza hídrica y vamos reconocer l’agua como un derechu humanu. Al ser l’agua un derechu, vamos garantizar una dotación mínima pa cada ciudadana y cada ciudadanu, de manera que se cubran les sos necesidaes básiques. Vamos revisar los proyectos de construcción de les grandes infraestructures hidráuliques (preses y trasvases) y vamos desenrollar unos sistemes alternativos d’abastecimientu pa los momentos d’escasez. Nes cuenques beneficiaries d’esos trasvases, la xestión de la demanda agraria, de la urbana y de la industrial, y la optimización de los recursos non convencionales (reutilización d’agua residual y desalación marina) constituyen pieces clave nesa transición p’hacia horizontes más sostenibles.

Vamos poner en marcha un ambiciosu programa d’inversiones públiques col envís de dotar a toles poblaciones de sistemes de tratamientu d’agua residual, y d’esta manera vamos cumplir les obligaciones de la Directiva 91 / 271 d’Agua Residual y vamos evitar les sanciones de la Unión Europea derivaes de la dexación de funciones de los gobiernos anteriores.

292

Un medio ambiente seguru como derechu fundamental

Vamos considerar el derechu a un medio ambiente adecuáu (actualmente incluíu ente los principios de la política socioeconómica de la Constitución española, concretamente nel artículu 45) como ún de los derechos fundamentales de los españoles y de les españoles (actual capítulu segundu del títulu primeru). Asinamesmo, proponemos incorporar el derechu humanu al agua como un derechu suxetivu y el derechu d’accesu a los recursos enerxéticos como parte de los derechos habitacionales básicos.

293

Anulación del Concordatu

Vamos anular el Concordatu de 1953 y los cinco alcuerdos concordatarios que firmó l’Estáu español cola Santa Sede en 1976 y 1979, asina como los firmaos con otres confesiones relixoses. Y vamos promover o vamos llevar a cabu otres midíes como:

  • Apuesta pola educación laica, pública y de calidá. Supresión de l’asignatura de relixón del currículu, horariu escolar y centro educativu.
  • Eliminación de las capellaníes y de los servicios relixosos nes instituciones públiques (hospitales, universidaes, prisiones, embaxaes, etcétera).
  • Inventariu y recuperación de los bienes inmatriculaos por la Ilesia Católica Apostólica Romana (ICAR) al amparu del yá extintu artículu 206 de la Llei Hipotecaria y del 304 del so reglamentu, pol que s’otorgaba a los obispos la categoría de fedatarios públicos.
  • Derogación de los artículos del Códigu Penal que tipifiquen como delitu la supuesta ofensa a los sentimientos relixosos.
  • Supresión de los privilexos fiscales, como l’impagu del Impuestu sobre Bienes Inmuebles (IBI) o la financiación estatal (yá sía a través de la casiella del IRPF o de les exenciones fiscales) pa la Iglesia católica y pa con otres confesiones relixoses.
  • Supresión de les celebraciones y de la simboloxía relixosa nos actos oficiales, d’honores o d’homenaxes a imáxenes o advocaciones, asina como de la presencia pública d’autoridaes n’actos confesionales.
294

Nueva Llei de Llibertá de Conciencia

Vamos sustituir l’actual Llei de Llibertá Relixosa, de 5 de xuneto de 1980, por una Llei de Llibertá de Conciencia, que garantice la laicidá del Estáu y la so neutralidá frente a toles confesiones relixoses.

295

Un mundu rural vivu y sostenible

Vamos garantizar l’aplicación de l’actual Llei de Desarrollu Sostenible del Medio Rural, de 13 d’aviento del 2007, y del Real Decretu 752 / 2010, pa revertir la tendencia al despoblamientu y al abandonu del medio rural y impulsar el conciertu ente les alministraciones.

Vamos desenrollar el Plan Participativu Integral por Comarques (hasta hoi paralizáu pol Gobiernu) baxo los parámetros de sostenibilidá social y ambiental.

Vamos xenerar un nuevu marcu institucional que democratice l’Alministración local, reconoza la so autonomía y ameyore les sos competencies, col envís de reequilibrar la precaria lealtá institucional ente los trés niveles de gobiernu esistentes.

296

Cuidar los nuestros montes

Vamos llevar a cabu una adecuación de la normativa vixente nun nuevu marcu pa impulsar nueves actividaes productives sostenibles que contribuyan a la criación d’emplegu nel mundu rural.

Vamos modificar la Llei de Montes pa recuperar un réxime protector que prohíba recalificar y construir en terrenos quemaos, y pa concibir los recursos forestales como elementos esenciales del patrimoniu natural del nuestru país y de la llucha contra’l cambiu climáticu. Vamos ampliar la participación de la ciudadanía y de los axentes forestales na ellaboración de Planes d’Ordenación de los Recursos Forestales.

Vamos promover el desarrollu local desde la xestión pública de los recursos forestales y vamos eliminar la subcontratación de los trabayos forestales pa fomentar el llabor de les empreses locales.

297

Garantía d’accesu al tresporte públicu

Vamos asegurar l’accesu al tresporte públicu y vamos garantizar el derechu a la movilidá de toles persones mediante una tarificación especial o gratuita pa la población que tea en riesgu de probeza y d’esclusión social, asina como pa los paraos y les paraes de llarga duración.

298

Vertebrar el territoriu y impulsar la economía desde’l ferrocarril

Vamos ameyorar l’accesibilidá del ferrocarril pa la ciudadanía, por ser el más seguru y sostenible de toles formes de tresportes colectivos. Asina, vamos fomentar l’usu como tresporte de pasaxeros y de pasaxeras na media y na llarga distancia, y vamos ameyorar los itinerarios, l’accesibilidá, les frecuencies y el material móvil.

Vamos impulsar el tresporte de mercancíes per ferrocarril como alternativa al tresporte per carretera en distancies superiores a los cuatrocientos quilómetros. D’esta manera, vamos consiguir reducir l’impactu ambiental. Vamos tresformar la rede viaria d’AVE, tres los pertinentes análisis y estudios técnicos, y vamos convertir dalgunos de los tramos en llinies de menor velocidá que tengan una mayor frecuencia de pasu y un mayor númberu de paraes intermedies ente los recorríos. Igualmente, vamos garantizar un despliegue que nun sía esclusivamente radial, col envís de llograr un mayor accesu ciudadanu al ferrocarril y vertebrar d’una manera más xusta y equilibrada la movilidá dientro del nuestru territoriu.

299

Oxetivu CERO n’accidentes de tráficu

Vamos minimizar los riesgos d’accidente na rede viaria adecuando la señalización y la información, les condiciones y l’estáu de les víes. En tou casu, vamos analizar nel so conxuntu los trés factores qu’influyen nos accidentes: la peligrosidá de la vía, les característiques del automóvil y el conductor o la conductora, col fin de diseñar actuaciones que reduzan los riesgos d’accidente. Asinamesmo, vamos eliminar de forma progresiva los llamaos «puntos negros» o «tramos negros», pa lo que nun primer momentu vamos señalizalos y, nun futuru, vamos proceder a la so eliminación gradual.

300

Nueva Llei d’Usos del Suelu

Vamos revisar l’actual Llei de Suelu pa crear un nuevu marcu legal que garantice una visión integral del territoriu, protexa los bienes comunes y públicos, articule la vinculación sectorial y defina les unidaes espaciales de planificación de los diferentes niveles alministrativos.

Vamos considerar les calificaciones de suelos urbanizables a non urbanizables, vamos integrar los costes ambientales nos costes d’urbanización, vamos priorizar les acciones estratéxiques y vamos programar l’adaptación de los planes sectoriales y de los conceyos a les determinaciones de la nueva llei.

301

Nueva Llei de Protección del Paisaxe

Vamos crear una Llei de Protección del Paisaxe que promueva valorar y utilizar el paisaxe a partir del principiu de precaución y non permita les actuaciones o intervenciones que tengan un impactu irreversible sobre él. Vamos unificar les polítiques de paisaxe y vamos incorporar una planificación y una protección d’esti na ordenación del territoriu. Nesti sentíu, vamos fomentar la planificación participativa según lo estipulao nel Conveniu Européu del Paisaxe, pa que sía la población quien defina los oxetivos de calidá del paisaxe qu’habita.

302

Plan pa la Protección Efectiva del Litoral

Vamos aumentar la declaración de aries protexíes nel litoral.

Vamos realizar un inventariu de los conceyos que desenrollen meyores práctiques sobre’l litoral, col envís de publicitalos y reconocer el so valor y l’apueste pola sostenibilidá. D’esta manera, van sirvir d’exemplu pa colos demás.

Vamos desenrollar un Plan de Restauración Ecolóxica del Litoral, Aries Húmedes, Marismes, Playes y Aries Degradaes.

Vamos construir nueves depuradores y vamos ameyorar les qu’hai col propósitu de reducir los vertíos sobre’l litoral y ameyorar la so calidá. Tamién vamos realizar inventarios de los vertíos, vamos intensificar la vixilancia sobre los vertíos de los buques y vamos facer meyores protocolos pa reducir la probabilidá de qu’estos se produzan, especialmente nes aries del litoral español onde’l tráficu marín ye más eleváu.

303

Llei de Bientar Animal

Vamos elaborar una Llei de Bientar Animal qu’integre les siguientes actuaciones:

  • Reducir l’IVA a los servicios veterinarios, que pasarán de considerase servicios de luxu a considerase servicios de primer necesidá. Teniendo en cuenta, amás, que ye un aspectu qu’afecta a la salú pública.
  • Crear el Galardón Ciudaes Amigues de los Animales, mediante un sistema asemeyáu al de les banderes azules de les playes, que premiará oficialmente a aquellos conceyos qu’activen les midíes y los servicios requeríos pa garantizar el bientar animal.
  • Revisar y regular los zoolóxicos y los acuarios teniendo en cuenta el bientar animal y no concebilos esclusivamente como negocios d’entretenimientu.
  • Estudiar tolos espectáculos nos que se produza confinamientu o maltratu d’animales.
  • Subvención cero pa los espectáculos con animales que nun aseguren el bientar d’estos. Asinamesmo, vamos modificar la Llei 18 / 2013, de 12 de payares, pa la regulación de la tauromaquia como patrimoniu cultural.
304

Cobertoria sanitaria universal

Vamos suprimir tolos grupos d’esclusión sanitaria y volver dar la cobertoria sanitaria universal p’aplicala nel intre a los retornaos y pa incorporar a los emigrantes a los sistemes de salú del país receptor, al traviés de les siguientes midíes:

  • Espedición de la Tarxeta Sanitaria Europea (TSE) pa emigrantes en territoriu de la Unión Europea, Islandia, Liechtenstein, Noruega y Suiza, ensin restricciones venceyaes a la situación llaboral del demandante.
  • Supresión de la retirada de la TSE a paraos de llarga duración que tuvieren que dexar el país y residan n’otru más de noventa díes.
  • Renovación de la TSE a estudiantes que prorroguen los sos estudios nel estranxeru.
  • Fomentu de los convenios billaterales fuera del territorio de la Unión Europea, pa garantizar la cobertoria sanitaria de los emigraos hasta que sían quien a incorporase al sistema de salú del país d’acoyida.
  • Garantía d’atención sanitaria inmediata a los emigrantes españoles retornaos.
305

Oficina de la Emigración

Vamos crear una Oficina de la Emigración que va tener como oxetivos:

  • Centralizar los organismos y recursos existentes nuna entidá única, de manera qu’haya una coordinación de los diferentes programes de vinculación, retornu y ayuda a les persones emigraes o que quieran emigrar.

  • Establecer una llinia de trabayu na que tean implicaos los diferentes axentes n’España y nel estranxeru.

Amás, la Oficina de la Emigración va tener sede en toles provincies españoles. Estes oficines van ufrir apoyu, orientación y información sobre’l país de llegada pa que los emigrantes puedan facer valir los sos derechos llaborales y sociales y pa favorecer una integración meyor.

306

Normativa pal enseñu de la llingua y la cultura españoles nel estranxeru

Vamos ellaborar una normativa pal enseñu de la llingua y la cultura españoles nel estranxeru qu’afite llazos sociales y culturales de los descendientes de los emigraos españoles. La normativa va arrincar al traviés d’esti plan d’acción:

  • Realización d’un estudiu de la emigración infantil cola fin de conocer la so realidá social y demográfica.
  • Ellaboración d’un estudiu por continentes sobre les Secciones Internacionales, les Aules de Llingua y Cultura Española o los centros de titularidá española o mesta yá existentes que permita caltener, reforciar o abrir aules nueves nos sitios nos qu’haya, polo menos, doce solicitúes.
  • Garantía d’un enseñu presencial de polo menos tres hores selmanales qu’abarque un enseñu integral de la llingua y la cultura españoles.
  • Desenvolvimientu de sistemes d’atención a distancia nos sitios nos que nun se pueda abrir un aula por motivos demográficos, xeográficos o políticos que torguen l’atención correcta del alumnáu o onde nun se puedan garantizar condiciones llaborales dignes pal profesoráu.
307

Desenvolvimientu de midíes de garantía de pensiones dignes pa los emigrantes y retornaos españoles.

Vamos ellaborar un plan col oxetivu d’adaptar les pensiones pa los emigrantes, que permita la recepción de prestaciones de los emigraos y nel que vamos dar una atención especial a los problemas de reconocencia de los años de contribución, al tiempu que vamos a evitar la doble tributación.

308

Establecimientu de mecanismos y organismos que faigan posible'l retornu de los emigraos españoles.

Vamos poner en marcha una riestra de mecanismos y organismos que faigan posible'l retornu de los emigraos españoles a partir d’un estudiu sobre la realidá de la emigración española que nos dexe conocer les sos causes y característiques sociolóxiques. D’esta miente vamos poder facer polítiques de retornu amañoses pa esti fenómenu plural.

Pa eso, va ser necesaria la implicación de les alministraciones locales y de la Oficina de la Emigración, como medios d’intercambiu d’información y asistencia pa facilitar el procesu de retornu. Amás, ha reconocese l’accesu a la contratación pública de la esperiencia llaboral nel estranxeru, asina como los estudios y títulos d’idiomes emitíos por instituciones oficiales estranxeres.

Coles mesmes, vamos ameyorar el sistema de contribuciones pa la reconocencia de los años cotizaos en países de la Unión Europea, y vamos equiparar los derechos de les persones emigraes a los del restu d’españoles en tolo que cinca a servicios sociales (por exemplu, una vivienda de protección oficial).

309

Derecho a votu y a la participación política de la población estranxero que resida nel nuestru país

L’accesu al censu electoral va facese al traviés del padrón de los conceyos, ensin más requisitos.

Vamos regular el derechu de sufraxu pente una reforma de la Llei Orgánica del Réxime Ellectoral Xeneral, y non pente trataos internacionales billaterales. Vamos reconocer el sufraxu pasivu a tolos residentes estranxeros estables, non namás a los ciudadanos de la Unión Europea.

Vamos amenorgar enforma los plazos de residencia que se esixen p’acceder a estos derechos.

Vamos suprimir la prohibición de crear partíos políticos a los estranxeros, como se recueye na Llei Orgánica 6/2002, de 27 de xunu, de partíos políticos.

Vamos estudiar la viabilidá d’añedir nel marcu constitucional vixente la participación de la población estranxero nes elecciones autonómiques y nos referéndums.

310

Eliminación del test de nacionalidá y amenorgamientos nos plazos p’algamar la nacionalidá

Vamos eliminar el test de nacionalidá española, requisitu actualmente pa poder llograr la nacionalidá española.

Vamos a facer más curtios los plazos que se piden p’alquilir la nacionalidá por residencia: cinco años de plazu xeneral, tres años pa refuxaos, y un añu pa la población orixinario de países colos qu’España mantién hestóricamente una rellación bona.

Vamos desaniciar les torgues burocrátiques y requisitos discrecionales nel procedimientu. Vamos quitar la esixencia xeneral d’arrenunciar a la nacionalidá d’orixe p’alquirir la española ensin necesidá de trataos de doble nacionalidá, polo menos en determinaos casos (como, por exemplu, el de la población refuxao)

Vamos dar mayor relevancia al criteriu del ius soli (derechu de llugar) na atribución de la nacionalidá d’orixe.

311

Creación de la Secretaría d’Estáu de Polítiques Migratories

Vamos crear una Secretaría d’Estáu de Polítiques Migratories pa implantar un modelu nuevu d’enfoque migratoriu basáu na coordinación del trabayu ente ministerios rellacionaos con migraciones y diversidá, amás de pa concentrar les competencies rellatives a migraciones, qu’agora tán disperses nel Ministeriu d’Empléu y Seguridá Social, el d’Interior y el d’Asuntos Esteriores y de Cooperación.

L’actual Secretaría Xeneral d’Inmigración y Emigración va recuperar la so condición de Secretaría d’Estáu y va pasar a llamase Secretaría d’Estáu de Polítiques Migratories. Va a facer llabores de valoración, baremación y siguimientu de proyectos subvencionaos y va apostar pol trabayu públicu en cuenta del esternalizáu.

312

Víes llegales y segures d’entrada n’España y flexibilización de los procesos de reagrupación familiar

Vamos articular víes llegales y segures d’entrada n’España, y vamos apostar sobre manera pola flexibilización de los procesos de reagrupación familiar.

Vamos implantar una política nueva de visaos con tipoloxía distinta, como por exemplu’l de busca d’empléu, que permita la estancia temporal n’España y retornar al país d’orixe si nun se foi quien a topar un trabayu, ensin prohibición d’entrada nueva.

La renovación de les autorizaciones de residencia nun se va venceyar namás a la posesión d’un contratu en vigor o una ufierta d’empléu y van flexibilizase asina mesmo los procesos d’enrraigonamientu.

313

«Llei 14» pa la igualdá de tratu y pal fomentu de la conviciencia

Vamos aprobar una llei integral pa la igualdá de tratu y non discriminación y pal fomentu de la convivencia, la «Llei 14», qu’asegure la independencia del Observatoriu Español del Racismu y la Xenofobia y lu faiga más accesible. Amás de funciones de diagnósticu y de recoyida de datos, esti observatoriu va ellaborar propuestes, funciones preventives y d’asistencia integral y protección a les víctimes de cualquier forma de discriminación.

Vamos ellaborar y echar andar un plan estatal integral de convivencia nel que se dea la prioridá máxima a midíes comunitaries, educatives y sociales que prevengan el racismu, la xenofobia y cualquier forma de discriminación. Coles mesmes, van incluyise midíes nel ámbito del empléu y nel de la formación de funcionarios y empleaos públicos (especialmente de los Cuerpos y Fuercies de Seguridá del Estáu), asina como tamién de difusión y apoyu en medios de comunicación. Con esti plan vamos promover la recuperación de la memoria, la reparación de les víctimes de les fronteres y l’avance nel procesu de descolonización simbólica.

314

Zarru de los Centros d’Internamientu d’Estranxeros

Vamos zarrar los CIE, por constituyir una anomalía nel sistema democráticu.

Vamos desarrollar mecanismos de control afayadizos pa evitar que se produzan situaciones de discriminación por motivos étnicos o d’orixe ente los diferentes operadores xurídicos.

Vamos desaniciar los controles d’identidá policiales nos que se tenga en cuenta’l perfil étnicu y los vuelos colectivos de deportación.

315

Garantía del derechu d’asilu: Víes llegales d’accesu, sistema común d’asilu y programes de reasentamientu

Vamos promover l’adopción d’un sistema común d’asilu real y eficaz nel ámbito européu que termine cola falta d’homoxeneidá na protección internacional de los refuxaos nos distintos países miembros, asina como la creación d’una Axencia Europea de Salvamentu.

Vamos articular canales d’entrada segures y llegales al recuperar la posibilidá de pidir asilu diplomáticu n’embaxaes y consulaos españoles de países terceros y cola concesión de visaos humanitarios, la eliminación del visáu de tránsitu pa quien fuxe de países en conflictu y l’axilización de los procesos de reunificación familiar. Amás, vamos crear programes de reasentamientu dignos qu’aseguren una solución que dure y un compromisu d’España acordies cola so población y los sos recursos.

Vamos aprobar, de manera urxente, el reglamentu de la Llei d’Asilu, y vamos revisar el sistema d’exame y almisión a trámite de les solicitúes d’asilu, sobre manera naquelles presentaes por motivos d’orientación sexual o identidá de xéneru, trata o cualquier otru motivu rellacionáu col xéneru (violencia, matrimonios forciaos, mutilación xenital, etcétera).

316

Restablecimientu de la llegalidá de los pasos fronterizos: respetu a los derechos humanos na frontera sur

Vamos poner fin nel intre a les devoluciones illegales de persones nes zones fronterices, que contravienen la llegalidá internacional. Pa eso, vamos derogar los artículos correspondientes de la Llei Orgánica 4/2015, de 30 de marzu, de protección de la seguridá ciudadana. Igualmente, vamos poner fin a les vulneraciones de derechos humanos que se producen na frontera sur. Pa eso, vamos eliminar los elementos lesivos allugaos nos perímetros fronterizos de Ceuta y Melilla y vamos promover que s’adopte un protocolu d’actuación de los Cuerpos y Fuercies de Seguridá del Estáu nesta frontera sur. Amás, vamos revisar el tratáu bilateral con Marruecos, cola fin de garantizar el cumplimientu estrictu del principiu de non devolución.

317

Aprobación d’un marcu xurídicu internacional pa la reestructuración de la delda soberana

Vamos defender la construcción, a mediu plazu, d’un sistema mundial de gobernanza económica y financiera más xustu, eficaz, solidariu y representativu del mundo multipolar nel que vivimos.

Con esi oxetivu, el Gobiernu d’España va afalar, dende los organismos multillaterales nos que participa, a que s’adopte un marcu xurídicu internacional pa los procesos de reestructuración de la delda soberana basáu en principios de préstamu responsable, na llinia de los trabayos del Comité Ad Hoc de la ONU.

318

Prohibición de los productos financieros altamente especulativos

Pa la construcción d’un verdaderu sistema internacional de supervisión bancaria y financiera, más allá de los Alcuerdos Basilea III, vamos promover, dende los foros competentes, la prohibición de los productos financieros altamente especulativos, asina como la promoción de formes de financiación alternativa o banca ética.

319

Reforma de los sistemes de votación del G-20 y del Fondu Monetariu Internacional

Vamos esixir, dende los foros multillaterales, la reforma de los sistemes de votación y rindición de cuentes del G-20 y del Fondu Monetariu Internacional (FMI), colo que se va reforciar la participación de la sociedá civil organizada nestos organismos, que van pasar a ser más democráticos y tresparentes y van reflexar la realidá d’un mundo multipolar.

320

Contra la evasión fiscal: Tasa Tobin y impuestu global sobre la riqueza

Vamos encamentar a crear una axencia fiscal internacional, baxo l’abellugu de la ONU, pal luchar contra la elusión fiscal o la competición fiscal ente países, que tenga capacidá sancionadora y qu’obligue a les empreses multinacionales a pagar los sos impuestos onde xeneren los sos beneficios. Esa axencia va tener ente los sos oxetivos:

  • L’estudiu de la creación d’un impuestu global sobre la riqueza que grave gradualmente los grandes patrimonios como garantía de los derechos sociales.
  • L’adopción d’un impuestu sobre les transacciones financieres.
  • La fixación d’una definición universal y normativa vinculante pa los paraísos fiscales.
321

Establecimientu d’una llista negra de paraísos fiscales

Vamos promover tanto l’establecimientu, nel marcu de la OCDE, d’una verdadera llista negra de paraísos fiscales como l’adopción d’una estratexa integral de llucha contra ellos, qu’incluya sanciones económiques pa los Estaos qu’incumplan la normativa.

Coles mesmes, vamos reforciar l’acción contra’l blanquéu de dineru pente’l sofitu a iniciatives de restitución de capitales evadíos irregularmente, sobre manera nos países del Sur.

322

Oposición al TTIP

El Tratáu Tresatlánticu de Comerciu y Inversión (TTIP, poles sos siegles n’inglés) ye una amenaza a la nuestra soberanía, la nuestra democracia, la nuestra economía y al Estáu de bientar porque concibe les regulaciones sociales y medioambientales como pilancos al comerciu. En consecuencia:

  • Refugamos la ratificación de los trataos comerciales TTIP, TISA (Acuerdu en Comerciu de Servicios) y CETA (Acuerdu Integral d’Economía y Comerciu) y vamos establecer un diálogu con otros Gobiernos europeos pa qu’actúen de la mesma manera.
  • Vamos auditar y poner fin a tolos Acuerdos de Promoción y Protección Recíproca d’Inversiones (APPRI) que contengan mecanismos secretos d’arbitraxe priváu ente inversores y Estaos.
  • Vamos promover la creación d’una rede internacional de gobiernos y instituciones multillaterales como la Conferencia de les Naciones Uníes sobre Comerciu y Desenvolvimientu (UNCTAD) y la OIT, un cambiu nes polítiques de comerciu y inversión del Conseyu Européu y una actitú disuasoria pa que los países de la Unión Europea nun presionen a terceros pa firmar trataos nuevos de comerciu y inversión.
  • Vamos ellaborar un estudiu d’impactu integral, con participación de la sociedá civil, de la política comercial común de la Unión Europea n’España y nel mundu.
323

Hacia l’abolición del derechu de vetu nel Conseyu de Seguridá de la ONU

Demientres el mandáu d’España nel Conseyu de Seguridá de la ONU (qu’acaba a finales de 2016) vamos plantear la propuesta d’axilización de la reforma integral del Conseyu de Seguridá de la ONU pa facelu más democráticu, tresparente y representativu, cola intención d’acabar col derechu de vetu y priorizar un mandáu empobináu a la defensa de los derechos humanos, la equidá de xéneru, la protección de civiles, les dinámiques de diálogu y el lideralgu local na xestión de crisis. Mentes nun se produza esa reforma, vamos promover un compromisu formal de nun usar el vetu no tocante a cuestiones humanitaries (casos de xenocidiu, crímenes de guerra o de lesa humanidá) como primer pasu hacia la eventual supresión d’esta prerrogativa.

324

Impulsu a la escoyeta d’una muyer como próxima secretaria xeneral de la ONU

Demientres el mandáu d’España nel Conseyu de Seguridá de la ONU tamién vamos apoyar la escoyeta d’una muyer como próxima secretaria xeneral de la ONU, que se va escoyer nun procesu tresparente basáu na meritocracia. Amás, vamos apostar por que’l Conseyu sía coherente col so mandáu de respetu a los derechos de les muyeres y la equidá de xéneru, pente la promoción de la participación de muyeres en posiciones de lideralgu n’organismos multillaterales de la ONU y, asina mesmo, priorizando l’asignación de recursos p’apoyar los derechos de les muyeres na política global n’alianza colos movimientos de muyeres.

325

Sometimientu a consulta ciudadana de la participación de les Fuercies Armaes n’operaciones militares internacionales

Vamos promover una axenda multidimensional que contribuya a construyir unes rellaciones más xustes, pacífiques y segures, y qu’impliquen arrenunciar a la guerra como preséu ofensivu de política exterior.

Dende esta perspectiva y cola fin d’afitar la nuestra democracia, vamos impulsar consultes ciudadanes sobre la participación de les nuestres Fuercies Armaes n’operaciones militares de caláu. Esta participación va ser conforme al derechu internacional y ha contar cola autorización de la ONU.

326

Auditoría y revisión del conveniu con Estados Uníos sobre la base militar permanente en Morón

Vamos auditar y revisar los convenios de defensa soscritos por España, sobre manera’l conveniu de defensa con Estaos Uníos y el so tercer protocolu d’enmienda de 2015, que convierte en permanente la presencia en Morón de la fuercia estaunidense d’acción rápida n’África. Consideramos que la existencia de bases estaunidenses n’España y la participación nos esquemes del escudu antimisiles afecten a la nuestra soberanía y suponen un riesgu pa la nuestra seguridá nacional.

327

Mayor autonomía d’España y Europa na OTAN

Vamos buscar dar una mayor autonomía estratéxica tanto a Europa como a España dientro de la Organización del Tratáu del Atlánticu Norte (OTAN), pa lo que vamos afondar na Política Común de Seguridá y Defensa (PCSD) y na Europa de la Defensa pa encariar les rellaciones cola nuestra contorna y les problemátiques globales dende una perspectiva esclusivamente europea. Nesti sen, vamos defender neutralizar el papel desestabilizador de la OTAN n’Europa del Este, conxelar les fronteres actuales de l’alianza y parar la instalación del escudu antimisiles nel Este d’Europa y el mar Bálticu.

A mediu plazu, vamos apoyar la compatibilidá de l’alianza con una arquitectura de seguridá paneuropea na que participe Rusia, sobre la base d’una reactivación de la Organización pa la Seguridá y Cooperación n’Europa (OSCE).

328

Derechos pa les migraciones de dir y volver ente España y América Llatina

Vamos fixar como prioridá fortalecer les rellaciones con una rexón clave pal nuestru pal nuestru país como ye Llatinoamérica, polos llazos hestóricos, económicos y socioculturales que nos xunten. Pa eso proponemos:

  • Afalar la intermigración con acuerdos billaterales que protexan los derechos de los emigrantes españoles n’América Llatina y los llatinoamericanos n’España.
  • Reconocer y afondar nes rellaciones billaterales y de la Unión Europea coles realidaes rexonales nueves d’América Llatina (como la Comunidá d’Estaos Llatinoamericanos y Caribeños, CELAC, o la Unión de Naciones Suramericanes, UNASUR) pa lo que vamos fomentar la cooperación más allá de la integración comercial y vamos afalar sobre too los intercambios n’educación, investigación, ciencia y economía cooperativa, social y solidaria.
  • Vamos impulsar la promoción de los derechos humanos, especialmente nos actuales procesos populares de llucha contra la impunidá y la corrupción en Centroamérica.
  • Contribuyir a la normalización progresiva de les rellaciones polítiques y comerciales con Cuba, tantu a nivel billateral como multillateral, pa tornar la posición común de la Unión Europea adoptada en 1996.
329

Compromisu cola llibre determinación del Sáhara Occidental y concesión de la nacionalidá española a la población saharaui residente n’España

Vamos defender el derechu a la llibre determinación del pueblu saharaui. Por eso, vamos asumir un papel más activu nel Conseyu de Seguridá de la ONU y vamos esixir revisar el marcu xeneral del procesu negociador, pa fortalecer el mandáu de la mediación de la ONU y posibilitar que’l Conseyu de Seguridá sancione a aquellos que pongan torgues al procesu políticu. Amás, vamos afalar a que la Misión de les Naciones Uníes pal Referéndum del Sáhara Occidental (MINURSO) contribuya a la supervisión del respetu y defensa de los derechos humanos y la organización de desplazamientos oficiales sobre’l terrenu, tanto nel Sáhara Occidental como nos campamentos de refuxaos de Tinduf.

Coles mesmes, vamos xubir les partíes d’ayuda humanitaria pa los campamentos saharauis, vamos sofitar programes de formación y movilidá de la población saharaui y vamos favorecer l’accesu a la nacionalidá española de los saharauis residentes nel nuestru país, colos mesmos derechos qu’otres persones na so situación. P’acabar, vamos apostar por que se nome un Representante Especial de la Unión Europea pal Sáhara Occidental que pueda facer un siguimientu regular de la resolución del conflictu a nivel comunitariu.

330

Reconocencia del Estáu palestín

Vamos reconocer a Palestina como Estáu de forma inminente y unillateral. Creemos qu’esti pasu primeru ye imprescindible, anque non l’únicu, pa garantizar la paz, el respetu a los derechos humanos y la seguridá (doctrina de la seguridá humana de la ONU) ente Israel y Palestina, asina como la reconocencia y el gociu de los derechos nacionales.

Va tratase d’un compromisu hestóricu del nuestru Gobiernu non colos palestinos namás, sinón tamién cola población del nuestru país. Un compromisu hestóricu que tien de materializase en fechos concretos como pasu primeru pa encetar otros asuntos, polo que vamos proponer que’l Conseyu de Seguridá de la ONU estableza un plazu vinculante pa retomar les negociaciones ente israelinos y palestinos baxo la supervisión y el control d’organismos multillaterales internacionales.

Nel casu de que se produzan violaciones de derechos humanos, el nuestru país va impulsar la imposición de sanciones frente a les polítiques d’ocupación, segregación, discriminación y castigos coletivos pola parte del Estáu d’Israel hacia les poblaciones palestines.

331

Plan África Nuevu

Vamos ellaborar un Plan África nuevu col oxetivu d’apoyar a les sociedaes africanes nos sos esfuercios por promover la democracia, los derechos humanos, la equidá de xéneru y el desenvolvimientu sostenible y inclusivu. Esti plan va facese nun marcu de coherencia de polítiques, y va contar tanto cola participación de la sociedá civil española como con actores africanos.

Vamos defender el fortalecimientu de los mecanismos de llucha contra la evasión fiscal y el control tresparente de la xestión de los recursos naturales. Nesti sen, vamos facer por potenciar una presencia empresarial española responsable, tresparente y respetuosa con estos principios.

Y tamién vamos priorizar la cooperación con organizaciones rexonales y subrexonales africanes en foros multillaterales.

332

Cooperación científica y cultural con Estaos Uníos pa torgar la fuga de celebros

Col oxetivu de torgar la fuga de celebros españoles a Estaos Uníos, vamos reforciar la cooperación científica, cultural y educativa con esti país. Pa eso, vamos xubir el presupuestu tocante a beques d’ampliación d’estudios y práctiques profesionales y investigación científica venceyaes a proyectos españoles, y vamos promover incentivos que favorezan la torna de los investigadores españoles después de qu’amplíen la so formación n’Estaos Uníos.

Amás, vamos desarrollar el Plan Uníos, una iniciativa pa establecer mayores vínculos culturales, educativos y económicos cola comunidá hispana d’Estaos Uníos, lo que supón cuasi un terciu de la población d’esti país. La rede de centros del Institutu Cervantes va contribuyir a reforciar la so conexón llatinoamericana al organizar y impulsar actividaes culturales que recueyan tola riqueza de la llingua y la cultura n’España y América.

Tamién vamos crear una rede d’empreses incubadores y aceleradores n’Estaos Uníos y n’España que contribuya a la creación de proyectos empresariales viables y innovadores en dambos dos países, sobre manera nel sector de la economía social y solidaria, pa facer más fácil la entrada de les pymes españoles nel mercáu norteamericau col beneficiu que vien de siguío.

333

Amenorgamientu de gastos suntuarios del serviciu esterior y más atención a emigrantes españoles

Vamos desarrollar una reforma del serviciu esterior acordies a los siguientes principios:

  • Modernización de los métodos de trabayu y d’organización interna, revisión del concursu d’accesu a la carrera diplomática y estudiu del establecimientu d’un cuartu turnu, y meyora de les condiciones de trabayu de los funcionarios y contrataos n’España y nel esterior.
  • Racionalización de los recursos al traviés de la mengua de gastos suntuarios y la reasignación de los recursos suprimíos. Revisión de la política salarial pa torgar les desigualdaes y racionalización de la política de compra y alquileres de les sedes dependientes del Ministeriu d’Asuntos Esteriores y de Cooperación tanto n’España como nel estranxeru.
  • Refuerciu de los servicios d’asistencia consular y, en xeneral, de tolos d’atención al ciudadanu, sobre manera los tocantes a los residentes españoles nel estranxeru.
334

Tresformación de la Marca España y del Institutu Cervantes pa que sían reflexu de la diversidá y plurinacionalidá del nuestru país

Dende la convicción de que la política esterior sigue unos principios xenerales básicos, pero al mesmu tiempo tien de ser un reflexu de la diversidá del Estáu, y coles mesmes, dende’l convencimientu de que tien de ser una política tresparente y abierta a la participación de la sociedá civil, con mecanismos de control y rendición de cuentes, vamos crear un Conseyu Interterritorial de Política y Acción Esterior nel que va participar la sociedá civil y que va reforciar la coordinación interministerial. De la mesma manera, vamos crear un conseyu ciudadanu que va participar na ellaboración y supervisión de la nuestra política esterior y del respetu y la defensa de los derechos humanos.

D’acordies colo dicho enantes, vamos reforciar y adecuar l’Institutu Cervantes a la diversidá llingüística y cultural d’España y vamos tresformar la Marca España pa que, dende una perspectiva integradora, represente la diversidá y plurinacionalidá del nuestru país, asina como los intereses de tola ciudadanía.

335

Aprobación d’un Pactu pola Xusticia Global y d’una Llei de Solidaridá y Cooperación Internacional

Vamos afalar la ellaboración, aprobación y execución d’un Pactu pola Xusticia Global qu’articule la política nueva de solidaridá y cooperación internacional. Esti pactu va contemplar l’aprobación d’una Llei de Solidaridá y Cooperación Internacional nueva que, nun marcu coherente de polítiques pal desenvolvimientu sostenible, va constituir el sofitu llegal pa la política d’Estáu nueva nesta materia. La llei va amestar ferramientes de participación de la ciudadanía organizada (movimientos sociales, comités de solidaridá, ONGD) na política de solidaridá y cooperación internacional nueva, especialmente’l Conseyu de Cooperación, pa convertilu nun verdaderu espaciu de planificación, siguimientu y evaluación de tala política.

Amás, la Llei de Solidaridá y Cooperación Internacional va establecer una política de financiación nueva qu’asegure la participación activa y protagónica de la ciudadanía na nuestra política de solidaridá y cooperación, adaptando la so financiación a les funciones que van desempeñar les organizaciones y los movimientos sociales nesti ámbito, pa potenciar asina’l so papel movilizador.

336

Xuba del presupuestu destináu a l’Ayuda Oficial al Desenvolvimientu

Destinaremos el 0,7 % de la Renta Nacional Bruta (RNB) a la Ayuda Oficial al Desenvolvimientu (AOD) nun máximu de dos llexislatures (ponemos como meta pa la primera llexislatura un mínimu del 0,4%). L’AOD va actuar al marxe d’intereses comerciales, xeostratéxicos o de cualquier otru carácter que sían distintos a los recoyíos nel Pactu pola Xusticia Global y va mandase na so actuación en base a los principios de suficiencia, previsibilidá y respaldu técnicu.

Les alliances público-privaes van quedar subordinaes a una estratexa nueva de participación del sector priváu nel desenvolvimientu sostenible, que se va construyir xunto cola ciudadanía organizada y va ser de cumplimientu obligáu pa les empreses que participen nes aliances mentaes y nes acciones de cooperación y solidaridá internacional.

Amás, vamos facer auditoríes con participación ciudadana (incluyida la de los países socios de l’acción de solidaridá y cooperación internacional) sobre l’impactu na igualdá, los derechos humanos, la equidá de xéneru y la sostenibilidá medioambiental de les actividades de les empreses financiaes con fondos de la AOD española.

P’acabar, vamos destinar el 15% de los fondos de la AOD a intervenciones especifiques de xéneru, al empoderamientu de les muyeres y a la salú sexual y reproductiva, priorizando l’asignación de recursos a los movimientos feministes y a favor de los derechos de les muyeres, nos ámbitos locales, nacionales, rexonales y internacionales.

337

Creación del Ministeriu d’Igualdad y Solidaridá

Vamos crear un Ministeriu d’Igualdá y Solidaridá, que va ser l’organismu responsable de la implementación de la política de cooperación y solidaridá internacional.

El so nivel d’interlocución interministerial va ser altu y va encargase de la planificación, dirección y implementación de toles acciones que comprienden actualmente la cooperación internacional pal desenvolvimientu (política de solidaridá y cooperación, acción humanitaria, educación pa la ciudadanía global, investigación pa la xusticia global y el desenvolvimientu sostenible, etcétera), incluyendo la xestión de los sos preseos financieros (AOD), reembolsables o non, y l’acción pa la xusticia económica global. Va encargase, igualmente, de garantizar la coherencia de les polítiques pal desenvolvimientu al traviés d’una unidá con capacidá d’análisis, evaluación y auditoría de toles polítiques públiques. Amás, vamos echar andar una carrera nueva pa formar profesionales en cooperación y solidaridá internacional, que va tar diferenciada esplícita, funcional y orgánicamente de la carrera diplomática.

338

Lliberalización de l’AP-4 (Sevilla-Jerez)

La concesión d’esti tramu d’autopista, depués de prorrogase hai unos años, ta a puntu d’acabar. Proponemos, dada la inesistencia d’una vía d’alta velocidá alternativa, que nun se prorrogue la concesión y s’eliminen los peaxes. Con ello, diba facilitase la conesión per carretera de la Campiña de Jerez y la desembocadura del Guadalquivir con Sevilla.

339

Inmatriculaciones de la Ilesia católica

Proponemos la recuperación del patrimoniu históricu-cultural pal disfrute públicu. La Ilesia católica apropióse d’una parte importante del nuestru patrimoniu ensin nenguna mena de contrapartida al Estáu y per aciu d’un rexistru priváu ya independiente del rexistru públicu. Poro, vamos atender les reivindicaciones de colectivos variaos de la sociedá civil, como les relatives a la mezquita de Córdoba.

340

Regulación d’aprovechamientos hidráulicos de les socuenques de los ríos Genil, Fardes y Guadiana Menor

Vamos facer les propuestes siguientes :

  • Derogación de los proyectos de tresvase del ríu Castril. Regulación d’aprovechamientos hidráulicos de les socuenques de los ríos Genil, Fardes y Guadiana Menor.
  • Realización d’un plan integral de saniamientu y res- tauración del ríu Genil ente Granada y Loja.
  • Caltenimientu de los embalses siguientes: El Portillo, San Clemente, Negratín, Francisco Abellán, Canales, Quéntar, Cubillas, Colomera y Bermejales.
341

Descontaminación de terrenos utilizaos anteriormente pola industria

Vamos facer les actuaciones necesaries pa la retirada de los fosfoyesos y del cesiu-137 procedente de les cenices d’Acerinox y demás residuos vertíos na marisma del Rincón y na de Mendaña, al igual que’l restu de residuos vertíos nes marismes contaminaes del Pinar. Amás, vamos intentar la descontaminación máxima de los terrenos ocupaos poles industries que pesllaron na avenida Francisco Montenegro (Punta del Sebo), y vamos recuperalos dafechu pal usu y disfrute de la ciudadanía.

Vamos impulsar tamién la rexeneración y restauración de los humedales de les marismes del ríu Tinto a traviés d’un proyectu anovador a nivel mundial que va sirvir pa proyectar una imaxe verde, nueva y moderna.

342

Ameyoramientu y creación de tramos nuevos na rede de carreteres

Vamos promover la finalización de l’autovía del Olivar y de la A-32 (Linares-Albacete) y la realización d’un estudiu de la variante N-322 que crucia la comarca d’El Condado.

343

Construcción d’una segunda presa nel pantanu de la Concepción

Vamos defender la construcción d’una segunda presa nel pantanu de la Concepción, porque ye un proyectu que lleva munchos años considerándose imprescindible pa tola Costa del Sol occidental, yá que la capacidá de l’actual (construyida en 1971) nun ye abondo p’abastecer a la población.

344

Ameyoramientu de la rede ferroviaria pa la vertebración d’Andalucía

Vamos procurar una meyor dotación d’infraestructures ferroviaries, con carácter interprovincial ya interrexonal, pa reactivar la economía y p’ameyorar la movilidá y la convivencia de los y les andaluces:

  • Almería. Conexón Almería-Murcia: pasaxeros y tren d’alta velocidá (TAV) de mercancíes. Conexón TAV con Granada. Desarrollu d’una rede de tren de Cercaníes na comarca del Poniente.
  • Cádiz. Electrificación de la llinia ferroviaria Algeciras- Bobadilla p’ameyorar les conexones del puertu y la ciudá.
  • Granada. Proyectu de ferrocarril que conecte Granada (per Motril) con Málaga y Almería.
  • Huelva. Ameyoramientu y ampliación de la conexón ferroviaria con Extremadura (l’actual Huelva-Zafra), xunto col ameyoramientu de los servicios de la llinia Huelva- Sevilla.
  • Jaén. Reactivación y ameyoramientu de la rede de tren de Cercaníes, asina como de la estación Linares-Baeza.
  • Málaga. Corredor ferroviariu pela costa dende Málaga a
  • Algeciras, con estensión hasta Nerja.
  • Sevilla. Ameyoramientu de la rede de tren de Cercaníes; en particular, la conexón de Los Palacios cola llinia Cádiz-Sevilla a l’altura d’Utrera.
345

Plan integral de protección del olivar y la so industria

Vamos dar puxu a midíes p’ameyorar la calidá de vida nel ámbitu olivareru, asina como les condiciones de co- mercialización y esportación:

  • Vamos apoyar la industria relacionada cola esplotación agrícola en Jaén.
  • Vamos defender la mediación estatal nel preciu del aceite d’oliva p’acabar coles práctiques abusives.
  • Vamos fomentar la distribución y l’embotelláu del aceite d’oliva dende la provincia p’apostar por una dependencia menor d’intermediarios.
  • Vamos cuidar pol cumplimientu estrictu de las normes que rixen la obtención y utilización de les denominaciones d’orixe y les indicaciones xeográfiques protexíes.
  • Vamos promover la implantación de cultivos comple- mentarios nes esplotaciones dedicaes al olivar.
  • Vamos esplicar per aciu de campañes publicitaries les característiques especiales del aceite d’oliva como base de la dieta mediterránea, pa poner en valor les sos cualidaes.
  • Vamos apoyar la declaración del olivar andaluz como Patrimoniu Mundial por parte de la Unesco.
346

Plan d’ameyoramientu y redimensionamientu de la empresa pública incineradora REMESA

Vamos poner en marcha un plan p’ameyorar l’actividá de la empresa de tratamientu de residuos REMESA col oxetivu d’algamar la media europea en tases de material reciclao y contribuir a conservar la biodiversidá, al tiempu que se fomenta la creación de puestos de trabayu.

347

Reapertura de la llinia ferroviaria Canfranc-Olorón nel horizonte 2020

Vamos restaurar y reabrir la llinia ferroviaria ente Huesca y el sudoeste de Francia pa facilitar el tránsitu de mercancíes y viaxeros ente España y Francia, lo que va conllevar una meyora competitiva y el desarrollu d’Aragón como polu loxísticu.

348

Paralización de les obres de recrecimientu del pantanu de Yesa

Vamos suspender les obres de recrecimientu del pantanu de Yesa n’Aragón, tres multiplicase por cinco’l costu presupuestáu por problemes xeolóxicos non previstos nel entamu. Amás, hai un riesgu de rotura de la presa, y les obres diben tener unos costos medioambientales colos que nun se contare al entamu, aparte del efectu sobre’l patrimoniu natural y urbanu que supón el desarrollu d’esta obra hidráulica.

349

Meyora del corredor ferroviariu Cantábricu-Mediterraneu

Vamos dar puxu al ameyoramientu de les comunicaciones ente’l Cantábricu y el Mediterraneu per aciu d’un plan d’inversiones nes llinies ferroviaries del trazáu Teruel-Zaragoza-Sagunto, pa potenciar la capacidá loxística d’Aragón y les relaciones comerciales ente’l norte y l’este peninsular.

350

Fondos mineros pal desarrollu d’Asturies

Vamos impulsar la resolución del conflictu ente alministraciones pol pagu de les cantidaes adeudaes de fondos mineros, y vamos aplicar estos fondos a polítiques económiques espansives que permitan destinar eses cuantíes a proyectos qu’ameyoren el fortalecimientu de les pymes asturianes, l’emplegu sostenible y los servicios públicos esenciales como la sanidá, la educación, la vivienda y los servicios sociales.

351

Plan d’infraestructures

Vamos promover un cambiu na política d’infraestructures hacia un emplegu intelixente de los recursos y una articulación oxetiva del territoriu asturianu.

Pa ello, fixemos cuatro oxetivos básicos nel plan d’infraestructures pa la próxima llexislatura:

  • Meyora sustancial del serviciu de tren de Cercaníes pa establecer un serviciu d’alta frecuencia que proporcione a Asturies la fluidez necesaria nos desplazamientos.
  • Finalización de los tramos pendientes na autovía de La Espina.
  • Eliminación del peaxe del Huerna, cola fin de proporcionar a Asturies una entrada directa ensin sobrecostos qu’impidan el desarrollu económicu del territoriu.
  • Protección de la ciudadanía frente a la contaminación acústica, visual y atmosférica que xeneren les grandes infraestructures (autovíes, autopistes y redes ferroviaries) al so pasu per núcleos urbanos.
352

Impulsu d’un réxime específicu balear basáu nel equilibriu económicu y solidariu ente los distintos territorios del Estáu español

Vamos cumplir la normativa esistente nel ordenamientu xurídicu balear qu’ameyore esplícitamente la financiación de les Islles Baleares.

Vamos promover la obtención del estatus de territoriu especial pa les Islles Baleares y l’aplicación de la normativa específica de la Unión Europea pa estos supuestos.

Vamos ellaborar un programa d’inversiones estatales y nes Islles Baleares.

Vamos diseñar un réxime económicu específicu pa les Islles Baleares qu’atienda la compensación interterritorial.

Vamos crear un instrumentu de política económica que dea validez oxetiva y compensadora a determinaos sectores, pa garantizar el desarrollu económicu, llaboral y social del nuestru territoriu.

353

Declaración d’interés públicu de les conexones interislles y peninsulares pa Islles Baleares y les islles Canaries

A partir de la declaración d’interés públicu, van tasase precios reducíos nos vuelos interislles y peninsulares pa los que vivan nes islles.

354

Reconocimientu de Canaries como Rexón Ultraperiférica (RUP) na Constitución española

Vamos garantizar constitucionalmente la permanencia y vertebración del réxime económicu y fiscal de les islles Canaries. El Gobiernu va apremiar a les Cortes Xenerales y al Parlamentu de Canaries a la modificación parcial del títulu IV del Estatutu d’Autonomía de Canaries cola fin d’incluir los principios de modulación de les polítiques y actuaciones llexislatives, reglamentaries y financieres de los poderes públicos del Estáu. La llexislación estatal tien de dotar d’un tratamientu específicu a aquelles materies que lo necesiten n’atención al alloñamientu, la insularidá y les llendes estructurales permanentes de Canaries, pa que se reconozan na Constitución española les característiques de RUP que la Unión Europea yá reconoz.

355

Fomentu de les actuaciones derivaes de la reserva d’inversiones pa Canaries

Vamos promover l’aplicación de los beneficios fiscales recoyíos pola reserva d’inversiones pa Canaries, de mou que se va estimular la inversión de los recursos empresariales nes islles, col incrementu consecuente na creación de puestos de trabayu y na formación profesional de la población canaria.

356

Cumplimientu de los oxetivos y midíes principales de los Programes d’Opciones Específiques pol alloñamientu y la Insularidá (POSEI) pa garantizar la dotación presupuestaria

Vamos garantizar una dotación presupuestaria acordies, con complementos pela parte de l’Administración central nos casos en que’l Gobiernu de Canaries nun pueda financiar el tramu que-y correspuende, col envís de cumplir los oxetivos principales del POSEI, que son los siguientes:

  • Promoción d’un desarrollu sostenible que permita’l caltenimientu de l’actividad agropecuaria en Canaries y l’incrementu del autoabastecimientu, pasos firmes hacia la soberanía alimentaria, asina como’l mantenimientu d’unes rentes agrarias dignes, que sostengan el paisaxe, los usos y les tradiciones agrícoles, pa evitar la desertización del suelu y protexer la biodiversidá, tolo que va acollechar un ameyoramientu na calidá de los productos y la incorporación d’elementos diferenciadores nel mercáu.
  • Financiación igual para tolos que producen nes mesmes condiciones.
  • Garantía pal abastecimientu de productos pal consumu y la tresformación y, tamién, d’insumos agrarios que compensen el sobrecostu que supó ser territoriu RUP.
  • Torgar les compensaciones a productos que compiten cola producción local.
  • Establecimientu de mecanismos de control ya inspección abondos qu’impidan el fraude.
  • Creación de un sistema simplificáu d’accesu a les ayudes pa los pequeños agricultores. Fomentu de les esplotaciones agroecolóxiques. Vetar les ayudes a la importación de productos tresxénicos.
  • Promoción del cambiu de modelu enerxéticu hacia un modelu nuevu d’enerxíes tresformables, llimpies, eficaces y sostenibles.
357

Non al fracking en Cantabria

En función de los riesgos medioambientales y sanitarios, y les consecuencies pal mou de vida rural, vamos suspender los permisos concedíos pa l’actividad de fracking en Cantabria.

Esto afecta a los proyectos siguientes:

  • Luena, con incidencia que recái sobre los valles de Besaya, Pas, Pisueña, Miera y Asón, y sobre una parte de Burgos.
  • Bezana-Bigüenzo, qu’afecta a tol sur de Cantabria: Campoo, Valdeprado y Valderredible, asina como a una parte de Palencia y Burgos.
358

Plan de reactivación económica pa les comarques del Besaya y de Reinosa

Vamos promover un plan de reindustrialización sostenible nes comarques del Besaya y de Reinosa, nes que l’esmantelamientu de la industria tuvo efectos significativamente negativos sobre l’actividá y l’emplegu.

Les llinies principales d’actuación d’esti plan han ser:

  • La puesta en marcha d’ayudes pa la modernización d’industries en riesgu de desllocalización, per aciu la compra de maquinaria y patentes y la tresformación de procesos productivos que permitan incrementar la productividá y la competitividá.
  • L’asesoramientu na busca de mercaos nuevos, la internacionalización de les empreses, l’aprovechamientu de cadenes globales de valor y el fomentu de les esportaciones de bienes y servicios.
  • La concesión d’incentivos pal incrementu de la eficiencia enerxética y la reducción d’emisiones y residuos procedentes del procesu productivu.
  • El fomentu del desarrollu de suelu nuevu industrial y readaptación del yá esistente.
  • La concesión d’incentivos p’atrayer empreses nueves, inversión estranxera directa y participación en sociedaes mestes.
  • L’ameyoramientu de les infraestructures viales p’amenorgar el costu del tresporte de mercancíes.
  • L’aniciu d’un plan d’ayudes p’atrayer el talentu y la formación continua de los trabayadores.
359

Paralización completa del almacén temporal centralizáu de Villar de Cañas

Hemos promover la sustitución del almacén temporal centralizáu de residuos nucleares de Villar de Cañas por una planta d’investigación d’enerxía llimpia (biocombustibles, fotovoltaica, eólica, etcétera); esta acción tien de convertise nuna referencia estatal, porque va contribuyir a entamar una transición enerxética eficiente en tol país.

360

Plataforma loxística intermodal y tren de mercancíes pa Toledo

Pondremos en marcha les acciones necesaries pa que la ciudá de Toledo tenga una plataforma loxística intermodal y un tren de mercancíes, porque la supresión d’esta infraestructura orixinó un parón importante nel desarrollu industrial y na creación d’emplegu.

361

Propuesta d’anteproyectu de llei pa la defensa de l’autonomía local y el reconocimientu de les comarques

Hemos devolver la capacidá de decisión, y los recursos pa exercela, a los conceyos xuníos o mancomunaos. Poro, hemos trabayar conscientemente col oxetivu de garantizar la defensa de les fórmules específiques d’organización de los conceyos o entidaes menores que formen la unidá comarcal, pa lo que vamos salvaguardar los derechos patrimoniales sos sobre’l territoriu y poner definitivamente en marcha la Llei pal Desarrollu Sostenible del Mediu Rural, de forma que se pueda asegurar la discriminación positiva p’aquelles comarques con mayor despoblación y mayor déficit d’infraestructures. Cuidaremos que les unidaes de gobiernu d’ámbitu comarcal (conceyos unificaos o mancomunaos) queden dotaes acordies colos recursos necesarios p’autoxestionar los servicios básicos nel so territoriu y participar nel control de les acciones que realicen nél l’Alministración autonómica y l’Alministración Xeneral del Estáu.

362

Ferrocarril pa Castiella y Lleón

Castiella y Lleón ye una comunidá autónoma mui estensa con deficiencies importantes no que se refier a les comunicaciones ente les sos provincies, comarques y pueblos, polo que vamos estudiar los accesos y conexones p’ameyorar la movilidá y accesibilidá dende esta comunidá p’hacia otres comunidaes autónomes, asina como los movimientos internos ente les diferentes provincies de la comunidá castellanolleonesa.

Les midíes que vamos poner en marcha han obedecer a los oxetivos siguientes:

  • Potenciar el tren convencional y de Cercaníes. Favorecer el tresporte de mercancíes per ferrocarril.
  • España ye ún de los países que tien unos porcentaxes más baxos d’Europa nesti tipu de tresporte.
  • Reabrir el tramu ente Madrid-Aranda de Duero y Burgos.
  • Reabrir el tramu de la Vía de la Plata (Zamora- Salamanca-Plasencia) y la continuación hacia Asturies, per Benavente; valoraráse un tramu nuevu y directu dende Benavente hacia Lleón.
  • Volver sobre’l proyectu de la llinia Madrid-Plasencia, el conocíu como’l «tren de la cereza».
363

Ampliar y ameyorar el sistema de Cercaníes (Rodalies) de la rexón metropolitana de Barcelona

Vamos aumentar les frecuencies, ameyorar la calidá del serviciu y promover la puesta en funcionamientu de trenes semidirectos.

364

Cumplimientu del Estatutu d’Autonomía de Cataluña en relación coles inversiones n’infraestructures

Consideramos que ye imprescindible dar cumplimientu, de manera retroactiva, a la disposición adicional tercera del Estatutu, referente a les inversiones estatales nes infraestructures catalanes.

365

Ameyoramientu de la rede ferroviaria nes comarques de monte

Vamos ampliar y ameyorar los tramos que xunen zones urbanes, rurales y perifériques en dalgunos puntos clave del territoriu catalán, p’ameyorar asina tamién la conexón comercial y les corrientes de movilidá.

366

Autovía Lleida-Pirineus

Vamos ampliar y ameyorar los tramos de carreteres que xunen zones urbanes, rurales y perifériques en dalgunos puntos clave del territoriu catalán, como ye’l casu de l’autovía Lleida-Pirineus.

367

Cooperación tresfronteriza

Vamos aplicar un plan d’actuación ya inversión xunto con Portugal, pa fomentar asina les comunicaciones ya inversiones conxuntes.

Extremadura y l’Alentejo portugués comparten una llende, pero tamién tienen característiques socioeconómiques asemeyaes, como la densidá baxa de población, el déficit en comunicaciones y tresportes, y la dependencia de los sectores agrícola y ganaderu. Poro, vamos favorecer el cambiu de modelu productivu para dambes rexones, porque compartir servicios ya infraestructures ye un oxetivu común que rique, más que cooperaciones puntuales, el diseñu en comuña de proyectos y un compromisu firme n’inversiones.

368

Paralización de la A-57 pa salvar los montes gallegos

Por mor del gran impactu medioambiental, patrimonial y social, y el fechu de que nun hai un plantegamientu integral coherente d’execución unitaria, proponemos la paralización del proyectu de l’autovía A-57.

369

Saniamientu de la ría del Burgo

Vamos promover la llimpieza de basa y el saniamientu de la ría del Burgo tres l’abandonu que sufrió pela parte les diferentes alministraciones, pa facer de la ría un sitiu acordies cola calidá escelente del mariscu gallegu.

370

Recuperación de la ría de Pontevedra pa la ciudadanía

Vamos defender la derogación del artículu segundu de la Llei de Protección y Usu Sostenible del Litoral, que contempla la posibilidá de prorrogar les concesiones actuales en terrenos de dominiu público marítimu-terrestre hasta en 75 años más allá de les feches de caducidá establecíes nes axudicaciones. Esti artículu facilitaría la continuidá d’instalaciones como el complexu industrial d’Ence-Elnosa nel dominiu marítimu-terrestre na ría de Pontevedra.

371

Dotar de más agua (y de calidá meyor ) al ríu Tajo al so pasu per Aranjuez

Vamos promover pa ello:

  • La revisión del Plan Hidrolóxicu de la demarcación hidrográfica del Tajo correspondiente al procesu de planificación 2015-2021, pa comprobar si s’adapta a la normativa europea.
  • La coordinación con plataformes de la sociedá civil que puedan ampliar la información y les demandes (como, por exemplu, Ecoloxistes n’Acción, la Rede Ciudadana por una Nueva Cultura del Agua nel Tajo y los sos ríos o la Plataforma en Defensa de los ríos Tajo y Alberche).
  • L’análisis de les consecuencies posibles del refugu a l’aprobación del Plan Hidrolóxicu.
  • L’establecimientu de midíes de contención d’estes consecuencies.
  • El refugu de l’aprobación del Plan Hidrolóxicu, prevista p’avientu de 2015, en casu de que’l plan nun s’adapte a la normativa europea.
  • La propuesta d’ellaboración d’un plan nuevu que recueya un caudal mínimu ecolóxicu de polo menos 11,74 metros cúbicos per segundu y aplique la nueva política europea del agua.
372

Resolución del proyectu de construcción de la llinia de tren de Cercaníes Móstoles-Navalcarnero

Vamos resolver la situación de la llinia de tren de Cercaníes Móstoles-Navalcarnero, con una execución anguaño parada. Pa ello:

  • Hemos analizar la situación actual del proyectu dende los puntos de vista técnicu, funcional, medioambiental, urbanísticu y económicu.
  • Hemos revisar el contratu cola empresa axudicataria.
  • Hemos analizar la viabilidá de retomar la construcción de la llinia ferroviaria, cola incorporación d’estaciones n’Arroyomolinos y Griñón.
  • Hemos definir y analizar les alternatives p’ameyorar los accesos a les localidaes afectaas.
373

Eliminación, soterramientu o treslláu de les dos llinies d’alta tensión que crucien anguaño de norte a sur el conceyu d’Arroyomolinos, percima de viviendes, zones verdes, árees infantiles y zones deportives

Los pasos que vamos dar pa consiguilo van ser los siguientes:

  • La ellaboración y la difusión d’un estudiu sobre tol procesu (definición del proyectu, instalación, resultaos ya impactu ambiental).
  • La coordinación con plataformes vecinales y de la sociedá civil, amás d’espertos y alministraciones implicaes, pa determinar cuála ye l’alternativa meyor (eliminación, soterramientu o treslláu).
  • L’autorización pa poder desarrollar la solución alcordada.
374

Cumplimientu de les midíes de conservación y restauración de la cuenca hidrográfica del ríu Guadarrama

Vamos asegurar el cumplimientu de les midíes de conservación y restauración de la cuenca hidrográfica del ríu Guadarrama (parque rexonal y espaciu natural protexíu), que compriende los términos municipales d’El Álamo, Batres, Boadilla del Monte, Brunete, Colmenarejo, Galapagar, Majadahonda, Moraleja de Enmedio, Móstoles, Navalcarnero, Las Rozas, Serranillos del Valle, Sevilla la Nueva, Torrelodones, Valdemorillo, Villanueva de la Cañada, Villanueva del Pardillo y Villaviciosa de Odón. Pa ello,vamos facer:

  • Un estudiu de la situación actual de la cuenca del ríu.
  • Y una revisión del Plan de Xestión de la cuenca del ríu Guadarrama y del so cumplimientu hasta la fecha.
375

Recuperación del proyectu p’ampliar la llinia C4 de tren de Cercaníes hasta los conceyos de Torrejón de la Calzada y Torrejón de Velasco

Vamos volver con esti proyectu d’ampliación pa:

  • Analizar l’estáu actual del Plan d’Infraestructures Ferroviaries de Cercaníes pa Madrid 2009-2015.
  • Realizar un estudiu informativu y un presupuestu pa l’ampliación de la llinia C4 de tren de Cercaníes.
  • Definir y analizar les alternatives de trazáu posibles pa construyir la infraestructura ferroviaria.
  • Analizar la posibilidá y, nel so casu, l’allugamientu más afayadizu pa la construcción de dos estaciones nueves: una primera próxima al Hospital de Parla, y la segunda cerca de les poblaciones de Torrejón de la Calzada y Torrejón de Velasco. Esti análisis va facese teniendo en cuenta l’accesibilidá, la demanda, les conexones con otros medios de tresporte públicu y les facilidaes de construcción.
  • Facer un estudiu específicu de les condiciones d’esplotación y demanda de tresporte.
  • Ampliar la llinia C4 de tren de Cercaníes, siempre que se demostrare la posibilidá técnica y económica.
376

Revisión del proyectu de soterramientu de les víes del tren nel sur de Madrid

Vamos revisar el proyectu de soterramientu de les víes del tren nel sur de Madrid que dividen en dos los conceyos d’Alcorcón, Fuenlabrada, Getafe, Leganés y Móstoles. Pa ello, vamos analizar l’acuerdu de collaboración firmáu en 2011 ente’l Ministeriu de Fomentu y los ayuntamientos d’estos conceyos, asina como les posibilidaes de los compromisos que correspuendan al Ministeriu y se incluyan nel acuerdu y, llueu, les alternatives y soluciones posibles pa cumplir estos compromisos.

377

Ameyoramientu de la rede ferroviaria de la Rexón de Murcia

Hemos promover la electrificación y el desdoblamientu de víes del tren na rexón, el restablecimientu de la llinia con Andalucía, y la eliminación de barreres nos tramos de Murcia-Alicante, Murcia-Albacete y Murcia-Andalucía.

Vamos ellaborar un plan pa impulsar, ameyorar y acondicionar la rede ferroviaria de Cercaníes, en concreto la rede esistente ente la Rexón de Murcia y les provincies d’Alicante, Granada y Albacete, quier dicise, los tramos Cartagena-Alicante, Cartagena-Murcia, Murcia-Granada y Murcia-Albacete.

Vamos desarrollar un plan pa impulsar el tren de vía estrecha na comarca del Campo de Cartagena.

Vamos impulsar la creación del corredor de mercancíes del Mediterraneu.

Vamos eliminar el trazáu ferroviariu del conceyu d’Alcantarilla.

Vamos promover el soterramientu de las víes en tola ciudá de Murcia.

378

Plan de defensa de la costa murciana

Vamos derogar la Llei 2/2013, de 29 de mayu, de protección y usu sostenible de la costa, y vamos modificar la Llei 22/1988, de 28 de xunetu, de costes, pa introducir midíes de protección reales y efectives de la costa virxe (non urbanizada). Tamién vamos favorecer la so aplicación y desarrollu, pa lo que caltendremos la potestá del Estáu de suspender actos y alcuerdos d’entes locales qu’afecten al dominiu públicu marítimu-terrestre. Con ello, queremos frenar la destrucción (pola especulación urbanística) de la costa virxe murciana. Amás, vamos evitar que proyectos con munchu impactu negativu nel mediu ambiente cuenten col respaldo de lleis como la Llei del Suelu de 2001 de la Rexón de Murcia, que supunxo la desprotección de bona parte de la costa afectada pol proyectu d’urbanización de Marina de Cope.

379

Esmantelamientu del polígonu de tiru de les Bardenas Reales

Vamos convertir el polígonu de tiru de les Bardenas nun entornu natural pal disfrute de los navarros y las navarres. Pa ello, va necesitase:

  • Someter a consulta popular la renovación del contratu d’arrendamientu.
  • Llevantar la declaración de «zona d’interés pa la defensa».
  • Proceder al esmantelamientu del polígonu.
  • Facer un análisis ecolóxicu y sanitariu del entornu.
  • Facer por reutilizar los recursos naturales un sentíu social, cultural y ecolóxicu.
380

Paralización de les obres del tren d’alta velocidá

Vamos parar les obres del TAV hasta que tengamos un estudiu completu y una reformulación del proyectu en conxunto, quier dicise, los fundamentos, los planes d’inversión pública n’infraestructures y de movilidá global, asina como un estudiu ferroviariu realizable. Nesti procesu vamos dar prioridá al discutiniu social sobre les alternatives distintes que surdan al rodiu’l proyectu.

381

Rexeneración del texíu productivu de les zones industriales

Vamos impulsar un plan de recuperación de les zones industriales del marxe izquierdu vizcaín (Barakaldo, Sestao, Portugalete y Santurtzi,) y de la zona industrial de Guipúzcoa (Pasaia y Errenteria), y vamos apostar pola producción y el desarrollu de tecnoloxíes nueves nel sector metalúrxicu (mayor I+D+i), los productos d’altu valor añadío y la formación como vía hacia la reinserción de los profesionales del sector.

382

Apertura d’un procesu de diálogu pa l’ampliación de competencies tresferíes al País Vascu

Vamos encamentar a les Cortes Xenerales a avanzar en materia de tresferencies al País Vascu, y nesti sen, vamos dar prioridá a les competencies relatives a la inspección de trabayu y a l’Alministración, asina como a la xestión de lo rellacionao cola Seguridá Social, ensin qu’esto suponga’l rompimientu de la caxa única.

383

Plan urxente de reindustrialización pa La Rioxa

Hemos incluir a La Rioxa nun plan urxente de reindus- trialización, xunto con otros territorios de la exa del Ebro, dientro del plan d’inversiones pa Europa (conocíu como «plan Juncker»), porque la situación estratéxica de la exa del Ebro, nexu ente l’arcu atlánticu y l’arcu mediterraneu, xustifica la necesidá de dotar al territoriu riojanu d’un dinamismu industrial perdíu nos decenios caberos.

384

Eliminación del requisitu de nun tener deudes coles alministraciones públiques pa poder acceder a los fondos de los servicios sociales

Vamos convertir les ayudes d’emerxencia social en fondos o derechos inembargables y paralizar los embargos relativos a esti tipu d’ayudes que tán vixentes.

385

Plan integral p’ameyorar les infraestructures de tresporte y comunicaciones

Vamos poner en funcionamientu un plan integral p’ameyorar les infraestructures de tresporte y comunicaciones na Comunidá Valenciana que suponga:

  • La eliminación del peaxe de la AP-7 y l’ameyoramientu de los accesos.
  • L’ameyoramientu de la rede ferroviaria rexonal y de Cercaníes. L’ameyoramientu de les infraestructures de tresporte del interior de la Comunidá Valenciana y de la cohesión col restu l’Estáu, con Europa y col Mediterraneu.
  • L’avivamientu de los puertos marítimos d’Alicante y Castellón, pa lo que se va dar prioridá a la construcción d’accesos ferroviarios.
386

Aumentu de la financiación estatal n’apoyu del emprendimientu y les pymes

Vamos poner un complementu d’un 20 % con cargu a los Presupuestos Xenerales del Estáu de los fondos destinaos pola Comunidá Valenciana a les partíes siguientes:

  • Promoción d’emprendedores. Cooperativismu y economía social. Planificación y previsión económica. Política industrial.
  • Ordenación y promoción comercial. Comerciu esterior.
387

Apoyu a l’agricultura, la ganadería y la pesca

Vamos destinar un complementu d’un 20 % con cargu a los Presupuestos Xenerales del Estáu de los fondos destinaos pola Comunidá Valenciana a les partíes siguientes:

  • Investigación y tecnoloxía agraria.
  • Ordenación y ameyoramientu de la producción pesquera.
  • Fomentu y garantía agraria.
  • Concentración de la ufierta y el cooperativismu. Calidá agroalimentaria.
  • Desarrollu del mediu rural.
  • Desarrollu y ameyoramientu de la ganadería.
  • Xestión ya infraestructures de recursos hidráulicos. Saniamientu y depuración d’agües ya infraestructures agraries.
388

Protección de los espacios naturales

Vamos promover actuaciones dirixíes a la protección de los espacios naturales y pa ello:

  • Hemos paralizar o refugar actuaciones contra’l mediu ambiente, en particular les venceyaes al proyectu Castor. No que se refier a esti proyectu, hemos desmantelar les infraestructures esistentes y esixir la depuración de responsabilidaes.
  • Vamos entamar acciones que favorezan la declaración de l’Albufera como reserva de la biosfera y los humedales de la comarca de La Safor como parque natural.
  • Pondremos en marcha planes d’acción orientaos a la sostenibilidá medioambiental y socioeconómica na Vega Baja, la Serranía Celtibérica, l’área metropolitana de Valencia y L’Horta, pa garantizar un marcu sostenible de recursos hídricos en tola Comunidá Valenciana.
389

Turismu sostenible

Vamos desenvolver un plan de sostenibilidá del turismu, al travié d’alcuerdos concretos colos distintos actores y nun horizonte temporal de quince años, qu’afite bases nueves pal desarrollu d’un nuevu modelu turísticu pa España y pa caúna de les comunidaes autónomes y conceyos turísticos.

Vamos afitar un marcu nuevu regulador del turismu en relación col so impactu medioambiental, cultural y social mediante la creación de la etiqueta verde, entamada pol Ministeriu d’Industria, Enerxía y Turismu, cola participación de comunidaes autónomes, asociaciones empresariales, sindicatos, organismos d’investigación y xestión medioambiental y otros axentes sociales nel territoriu, como los conceyos o grupos d’acción local.

Vamos asegurar procesos productivos sostenibles al traviés de regulaciones afayadices de los sistemes de tresporte de los suministros, embalaxes y reciclaxe. Vamos impulsar el desenvolvimientu de modelos de xestión de los establecimientos, de los servicios y de los destinos turísticos, lo mesmo que de les instituciones que participen d'ellos, basaos en criterios ecoeficientes.

Vamos promover el desenvolvimientu de los destinos turísticos xestionaos a traviés d’organismos participativos, capaces d'incorporar los intereses de los distintos actores: empresarios, trabayadores, ciudadanos, xestores, investigadores, técnicos y responsables políticos.

390

Inembargabilidá de la primer y única vivienda

Vamos promover una declaración de inembargabilidá y inexecutabilidá de la primera y única vivienda, d’ocupación permanente. Tou inmueble destináu a ser vivienda única y d'ocupación permanente va declarase como un bien inembargable y inexecutable, quitando en casu d'arrenunciu espresu del titular.

En casu de fallecimientu del titular del inmueble, la inembargabilidá y inexecutabilidá va afectar a les familiares con ocupación permanente en dichu inmueble y que nun tengan alternativa habitacional. Va entendese por familiares aquellos con ascendencia o descendencia directa del antiguu titular fináu.

Les garantíes de inembargabilidá y inexecutable nun van ser oponibles respectu de deudes orixinaes n'obligaciones alimentaries, impuestos, tases, contribuciones, espenses que graven directamente la vivienda o obligaciones con garantía real sobre l'inmueble y que fuere constituyida a los efectos de l'alquisición, construcción o meyores de la vivienda única.

391

Eliminación de les clauses abusives

Vamos promover la eliminación automática y incondicional per parte de les entidaes bancaries —y ensin previu pidimientu del titular— de les cláusules declaraes abusives polos tribunales, so apercibimientu de sanción en casu de nun facelo.

392

Observatoriu del Derechu a la Vivienda

Vamos crear l'Observatoriu del Derechu a la Vivienda (ODV), col oxetivu d'investigar y analizar la situación de la vivienda n'España.

Les funciones del ODV van incluyir la ellaboración de censos periódicos de viviendes vacíes, la realización d'un seguimientu de les polítiques públiques, y la ellaboración d’informes. Les capacidaes del ODV non solo tienen de ser consultives, sinón tamién de control, siguimientu, denuncia, execución y ellaboración de propuestes lexislatives.

El ODV va tar compuestu por representantes de les instituciones y de la sociedá civil.

393

Xusticia independiente pa los militares

Vamos reformar la Llei Orgánica del Poder Xudicial pa crear órganos especializaos en materies disciplinaries y penales militares, sirvíos por xueces y maxistraos cola formación afayadiza y integraos nos órdenes xurisdiccionales contenciosu-alministrativu y penal. Y vamos suprimir la Sala V del Tribunal Supremu de lo Militar por razones d'economía, independencia y tresparencia. L'actual configuración de la xusticia militar nun garantiza la so plena independencia del mandu militar.

394

Una sanidá de xestión pública y un derechu garantizáu pa toles persones n'igualdá, con independencia del sitiu onde se viva

Vamos incluyir na Llei Xeneral de Sanidá y nos sos desarrollos normativos el preceptu que garantice una sanidá pública universal, igualitaria, gratuita y de calidá pa tolos ciudadanos y ciudadanes con independencia del so llugar de residencia.

La llei va contemplar la obligación de destinar fondos estatales pa cofinanciar abondo les infraestructures y medios necesarios cola fin de correxir les desigualdaes en materia d'atención sanitaria pública, y cumplir los derechos humanos y constitucionales, según les lleis y disposiciones vixentes. Ha ser prioritario la cofinanciación de centros hospitalarios y d'atención especializada pa les comarques perifériques que se topen a más de trenta minutos per carretera del hospital de referencia.

Ye tamién imprescindible que les competencies autonómiques en materia de salú tean coordinaes y qu'esista la obligación d'afitar Convenios Sanitarios que faciliten l'atención completa a les poblaciones que llenden, n’especial p'aquellos pacientes que necesiten una asistencia rápida y eficaz. Va facese tamién posible la escoyeta de centru por proximidá y cercanía, con independencia de la Comunidá Autónoma na que se viva, pa l'atención ambulatoria o hospitalaria.