Sara Carreño Valero Candidatura per La Rioja

Sara Carreño Valero

Tiengo 30 anyos, soi licenciada en Administración e Dirección d’Empresas e actualment soi rematando los míos estudios de Dreito en a UNED. Plegué en La Rioja dimpués d’haber viviu quantos anyos en o extranchero, en diferents países d’a Unión Europea. Como pa muitos chóvens profesionals d’a mía cheneración, la crisis e la precariedat me levón a mirar treballo fuera d’Espanya. Quan en mayo de 2011 la Puerta d’o Sol se metió a rebutir de chent reclamando democracia, colaboré empuixando lo mesmo movimiento dende Roma. Només uns meses dimpués, m’ufrión un puesto de treballo a Logroño e podié tornar-ie. Dende alavez, m’encargo d’o desenrollo internacional de negocio d’a unidat de reproducción asistida d’una clinica local.

Colaboro con lo Banco d’Alimentos e soi estada voluntaria bel anyo en o Proyecto Alba de Cáritas, destinau a menors en periglo d’exclusión social. Encara que siempre m’ha interesau la politica, nunca no hebe estau afillada a garra partiu dica que surtió Podemos. Podemos m’ha dau una envista diferent d’a politica e un mecanismo pa fer realidat lo que reclamábanos en o 15M. Participé activament en la creación d’o cerclo de Logroño dende es suyos inicios e actualment m’ocupo de diversos quefers dentro d’a organización autonomica. Agora me presento como candidata a lo Congreso d’os Deputaus con a esperanza de formar parte d’o cambio politico que le cal a Espanya. Dende alí treballaré pa meter las institucions a lo servicio d’a chent, que ye la unica forma de construir un futuro millor pa totz e totas. Sé que tenié muita suerte en aconseguir un puesto de treballo que me permitise de tornar ta casa, pero queda prou chovens emigrants, e per cada día se’n van més. Agora cal construir un país a lo que puedan tornar.

Comparte lo mío perfil